Jonas 4:8 - Bible azumeina

⁸ Kid’a afata deîd’a, Alona mi mba ki simet ma hluruk d’igi d’üguna na na. Afata ti nde yam Jonas, mi seyâ, mi tchen Alona ala mi tchumu. Mi dala: An mit pî ni hotei, kal la an kak ki iranda!

Jonas 4:8 Kruisverwysings

Ad’u Tinda 41:6

Bugola, awu ma dingâ kid’iziya, mi tchuk yam mogod’a, mi so woi abo simet ma tcholï abo ma yorogonina.

1 Amuleina 19:4

wani mam tamba mi i iram abagei hur fulâ, mi le burâ sop ki tita, mi i kak kä ad’u agu ma gorâ, mi tchen Alona ala mi mid’a. Mi dala: Ma didina, ki tchetchemba, an ndak wa ang hlan muzuganu, kayam an kal nga abuyon ngolo d’i.

1 Amuleina 21:4

Ahap mi hulong avo hatamu, tam tchuk lus, hurum zal mi, kayam Nabot mi dum ala: An ndak á hang asine ma guguzlu ma abuyomi ngolo a hamizi djonina d’i. Ahap mi kal klavi mi bur kä yam azang mama, mi mbuttcha iram gumun gongâ, mi min te tena d’i.

Wana ni mbaktumba hi Job-pa 2:10

Wani Job mi dat ala: Ndak de ni d’igi atcha d’a lilid’a na! Le ei vei djivid’a abo Alona ni, ei ndak á vei tchod’a abom mi d’uo zu? Hina pet pî, Job mi le nga tchod’a ki zla d’a avunamba d’i.

Wana ni mbaktumba hi Job-pa 7:15

An min sana mi gulud’un delenu, an min matna kal asogon ma ar tchuka woi tcha wana.

Sawal la giled’a 121:6

Afata mba d’i ngalang falei d’i, tilâ mba mi lang va andjege d’uo mi.

Sawal la giled’a 39:9

Ang prud’un ndei kur tchila manda pet, ar an mbut vama ngula avok suma lilid’a d’uo mi.

Ma tchi wala 7:9

Ar ang mbut ayîna atogo d’i, kayam sama lilid’a mi mbut ayîna atogo.

Sawal la kal teglesa 1:6

Ar agi golon tä ala an ni wurad’a d’i, kayam afata ti rumuyun ni ndad’u. B’oziyon suma asuyona, huruzi zal kanu, a tinin á ndjol guguzlud’a, wani an ndjol nga guguzlu manda tata d’i.

Isai 49:10

Meid’a mba d’i tchazi d’i, vunazi mba mi so d’i. Yima aku ma huwa’â kafata a mba lazi ndaka d’i, kayam an ma wazi hohowozina mba ni ndjunuziya, mba ni tinizi ata mbiyo ma laud’a mi.

Ezekiyel 19:12

Wani a pad’at tei ki hur ma zala, a gat kä woi andaga. Simet ma abo ma yorogona mi sot vud’ut teyo, abot ma ad’engâ mi kus mi so woyo, akud’a ti ngalam mbei mi.

Wana ni mbaktumba hi Oze-d’a 13:15

Le andjafâ hi Efraim-ma nga mi i avogovok aduk b’oziyoma pî, simetna mba mi tcholï abo ma yorogona, ni simet ma tcholï hur fulâ ata Ma didinina. Mba mi som mbiyo mam ma laud’a woyo, mba mi sid’amam golong mamba woi mi. A mba hurumum ahle mam suma guzuzi kal teglesâ mi.

Sunda hi suma hi Levi-nid’a 10:3

Ata yi máma Moise mi de mi Aron ala: Wana ni zla d’a Ma didina mi data: Suma a mba go ki sed’en á lan sundina, mbeî a tak kak man nda yed’eta woi abua, mbeî a suburun avok suma pet mi. Wani Aron mi kak ki vunam ma du’â.

Jonas 1:4

Wani Ma didina mi tchol ki simet ma ngolâ mi sir yam aluma; abil ma ngolâ mi giget batod’a, ti ar go á kusa.

Jonas 4:3

Ki tchetchemba, Ma didina, ang tchanu! An mit pî ni hotei, kal la an kak ki iranda!

Jonas 4:9

Alona mi de mi Jonas ala: Hur mang ma zal ma yam terer ndatina nata yat tchu? Jonas mi hulong dum ala: Nata yad’u! An zal hurun gak matna!

Matiye 20:12

A dum ala: Suma a le sunda lera tu gid’engâ, ang ndjagazi ki ami suma lami sunda ki ndaka falei dei ki zumalina.

Vama ndum mbeina 3:19

Suma an nga ni le kazina pet, an nga ni ngoboziya, an nga ni gad’azi mi. Kayam ndata, ar ang b’at tang á mbut hurung yam tcho manga.

Vama ndum mbeina 7:16

Meid’a d’oze vun ma sod’a mba mi lazi d’i, afata d’oze zumal la huwaka mba d’i lazi d’uo mi.

1 Samuel 3:18

Ata yi máma Samuel mi dum ad’u ahlena pet bei mi ngeyem va kä ba. Eli mi dum ala: Ni Ma didina; ar mi le vama djivi ma hurum minima.