Jonas 3:6 - Bible azumeina

⁶ Kid’a amul ma Ninif-fâ mi hum zla ndatid’a, mi tchol lei yam zlam mam mba amula, mi fok baru mam mba amula woyo, mi tchuk baru d’a dodora atamu, mi kak kä aduk butna.

Jonas 3:6 Kruisverwysings

1 Amuleina 21:27

Ata yima amulâ Ahap mi hum zla d’a ded’a hi Ma didinid’ina, mi hulong yam kä, mi haû baru mama woyo, mi tchuk baru ma ndjondjorona atamu, mi d’el tam bei te tena, nga mi tit ni ki baru ma ndjondjoro mama, mi bur ki kä mi, nga mi tit hina lalam.

Wana ni mbaktumba hi Job-pa 2:8

Job mi i kak kä aduk butna, mi hlazlunga á grik ki tamu.

Wana ni mbaktumba hi Job-pa 42:6

Ni kayam ndata ba, an ve tan ki zlad’a, an mbut hurunu; ni kak kä aduk andaga d’a gugud’upa, aduk butna mi.

Isai 15:3

A nga tit ir palumba ki baru d’a dodora ataziya, a nga yor tazi akulo yam azuweina, yam yima suma a tok tazi kuana mi. Nge nge pî nga mi tchiya, simina nga mi djang kä iramu.

Jeremi 13:18

Ang de mamulâ kasum mba amula ala: Agi bululugi kä andaga kayam avaval magi d’a amula ti nde wa kä woi kagi da’.

Jeremi 36:13

Mika mi vazi ad’u zla d’a pet ta mam humut ata yima Baruk mi ndum mbaktumba avok sumina.

Jeremi 36:24

Amulâ kazungeî mama pet a hum ad’u zla ndata pet, wani a le nga mandar roze a haû nga baru mazi ma atazina woi d’uo mi.

Jeremi 6:26

Ma didina mi dala: Ndak gor weid’a hi sum manid’a, ndak tchuk baru d’a dodora atagu, ndak bulul kä aduk butna, ndak tchi horâ d’igi atchad’a ti tchi hora gorot ma abot tuna na, ndak tchi tchi ma hat hurâ, kayam ma b’lak yina nga mi mba kak dumuzi.

Hor ma tchina 2:10

Suma nglo suma Jerusalem-ma a kak nga kä aduk andagad’a ki vunazi ma du’â, a nga ko andagad’a kaziya, a tchuk baru ma ndjondjorona ataziya. Yugunei suma Jerusalem-ma a tchok yazi kä andaga mi.

Hor ma tchina 3:29

Ar mi pe vunam kä aduk andaga d’a gugud’upa. Dam tin hurâ nga tua.

Ezekiyel 26:16

Amulei suma avun alum ma ngolîna pet a mba tchuk asezi kä woi yam zlumiyô mazi suma amula, a mba fok baru mazi d’a nglod’a woyo, a mba ar baru mazi ma d’udjod’a woi mi, a mba tchu’î mandarâ atazi d’igi baruna na, a mba ka’î kä andaga. Ata yima lara pî a mba zlaga, a mba mbut hohoud’a kang mi.

Daniel 9:3

An d’el tan bei te tena, an tchuk baru d’a ndjondjorod’a atanu, an tchuk butna kanu, an mbut iran gen Salad’a Alona á tchenem ki labiyad’a.

Mise 1:10

Ar agi dagi zla ndata woi avo Gat ti, ar agi tchigi kur Ako d’uo mi. An mba ni bulul kä aduk andagad’a avo Bet-Leyafra.

Matiye 11:21

Mi dazi ala: Ni zla d’a hohoud’a kagi agi suma Korazin-na. Ni zla d’a hohoud’a kagi agi suma Betsaida-na. Kayam an ladjï sun nda ndandal la wanda aduk suma Tir-râ ki suma Sidon-na d’igi an lat adigagi agi na ni, azi mbut wa huruzi dedei, a tchuk wa baru d’a dodora ki butna kazi mi.

Wana ni Zla d’a Djivi d’a Luc mi b’irita 10:13

Jesus mi had’azi kua ala: Ni zla d’a hohoud’a kagi agi suma Korazin-na. Ni zla d’a hohoud’a kagi agi suma Betsaida-na. Kayam an ladjï le sun nda ndandal la wanda aduk suma Tir-râ ki suma Sidon-na d’igi an lat adigagi agi na ni, azi mbut wa huruzi dedei, a tchuk wa baru d’a dodora ki butna kaziya.