Jonas 3:5 - Bible azumeina

⁵ Suma Ninif-fâ a he gagazid’a yam Alona, a d’el tazi bei te tena pepet; suma beged’a ki suma houd’a a tchuk baru d’a dodora ataziya.

Jonas 3:5 Kruisverwysings

2 Amuleina 19:1

Kid’a amulâ Ezekiyas mi hum zla ndatid’a, mi haû baru mama woyo, mi tchuk baru d’a dodora atamu, mi i kur gong nga kud’ora hi Ma didinid’a.

2 Sunda Hamuleinid’a 20:3

Josafat mi mbut mandarâ, mi nga hurum á djop Ma didina, mi he vuna mi suma Juda-na pet ala a d’el tazi bei te tena.

Esdras 8:21

Ata yima ami nga avun alum ma Ahava mámina, an he vuna ala ami d’elemi tami bei te tena, ami gami yami kä avok Alo meina, ami tchenem mi ndjunumi ki gromina kahle mamina pet kur tit mamid’a mi.

Ester 4:1

Ata yima Mardose mi hum zla ndatina, mi haû baru ma atama woyo, mi tchuk baru d’a dodora atamu, mi ko butna kamu, mi i hur azì ma ngolâ, nga mi tchi tchi ma hat hurâ ki delem akulo.

Buzuk ka Abud’a 33:6

Ata yima Israel-lâ a wal lei kahina d’a Horep-pina, a yo ahle mazi suma djif suma atazina woyo.

Jeremi 31:34

Sa mba mi dok hat ndram mboze mba mi de wiyema ala: Ang we Ma didina na nga d’i, kayam azi pet a mba wanu, tin ad’ud’a ata suma yâna dei gak mba yam suma gangrangâ. An Ma didina ni de na. Kayam an mba ni vat hurun ndei yam tchila mazid’a, an mba ni djib’er yam tcho mazid’a d’uo d’a.

Jeremi 36:9

Kur biza d’a vahl hla Jojakim Josiyas goroma amul ma Juda-na nga mi tamulid’a, kur til ma zlengîna a tchi wala yam bur ma d’el tad’a bei te tena avok Ma didina yam suma Jerusalem-ma ki suma a mbeï kur azì ma nglo ma Juda-na avo Jerusalem-ma pet mi.

Jeremi 42:1

Suma nglona hi azigarîna pet, nala, Johanan Kareya goroma, Jezaniya Hosaya goroma ki suma pet suma a nga ata yi mámina, tin ad’ud’a ata gugureina gak mba yam suma nglona, a mba,

Jeremi 42:8

Jeremi mi yï Johanan Kareya goroma ki azigar suma nglona pet suma a nga zlapa ki sed’ema ki suma pet tin ad’ud’a ata gugureina gak mba yam suma nglona.

Daniel 9:3

An d’el tan bei te tena, an tchuk baru d’a ndjondjorod’a atanu, an tchuk butna kanu, an mbut iran gen Salad’a Alona á tchenem ki labiyad’a.

Joel 1:14

Agi tchagi wala yam d’el tad’a bei te tena, agi togogi tok ka a tinit irat vata, agi togogi suma nglona ki suma kur ambasina pet kur gong nga kud’ora hi Ma didina Alo maginid’a, agi tchenem tchen nda hud’a mi.

Jonas 3:7

Ata yi máma amulâ mi he vuna kur azì ma Ninif-fâ ala: Wana ni vun ma hed’a hi an amulâ ki man suma sundina: Ar sa tu pî mi te va d’oze mi tche va d’uo mi, ar d’uwar ma nglona ki ma gureina mi te hatna d’oze mi tche mbina d’uo mi.

Matiye 12:41

Kur bur ma ka sariyad’a, suma Ninif-fâ a mba tchol á ka sariyad’a yam suma kur atchogoi d’a wandina, kayam suma Ninif-fâ a mbut huruzi yam wala tchid’a hi Jonas-sa. Gola! Ma kal Jonas ki ngolina mi kä wana.

Wana ni Zla d’a Djivi d’a Luc mi b’irita 11:32

Kur bur ma ka sariyad’a, suma Ninif-fâ a mba tchol á ka sariyad’a yam suma kur atchogoi d’a wandina, kayam suma Ninif-fâ a mbut huruzi yam wal la tchid’a hi Jonas-sa. Gola! Ma kal Jonas ki ngolina mi kä wana.

Sunda hi suma a sunuzinid’a 27:25

Kayam ndata, agi buniyôna, agi vagi tagiya, an tin hurun yam Alona ala vama mi dandjina mba mi le.

Sunda hi suma a sunuzinid’a 8:10

Suma pet a humumu, gugureina ki suma nglona mi. A nga dala: Sa máma nad’enga hAlona d’a a yat ala Ta ngola d’a.

Hebre-na 11:1

He gagazid’a ni vama tak kei ala, vama ei tini huri kama mi gagazi. Vama ei wum nga ki irei d’uo na mi nga gagazi mi.

Hebre-na 11:7

Ni yam he gagazid’a ba, Noe mi hum zla d’a Alona mi dum yam vama suma a wum nga d’uo tua na. Noe mi ge yam kä avok Alona, mi min batod’a á sut suma avo hatama. Ni hina ba, mi ka sariya d’a matna yam suma yam andagad’ina. Alona mi mbud’um sama d’ingêrâ yam he gagazi mamba.

Vama ndum mbeina 11:3

An mba ni sun man suma glangâsâ mbà, a mba tchuk baru d’a ndjondjorod’a ataziya, a mba djok vun Alona woi burâ dubu yam kikis mbà yam dok karagaya.