Jonas 3:3 - Bible azumeina

³ Ata yi máma Jonas mi ge yam kä ad’u vun ma hed’a hi Ma didinina, mi tchol mi i Ninif. Wani Ninif nazì ma ngol ma kal papana; ang le ni burâ hindi ki tita tua ba, ang nde woi yam azì máma.

Jonas 3:3 Kruisverwysings

Ad’u Tinda 22:3

Abraham mi nde iram yorogo tcholol, mi zlup koro mama, mi yo azungeî mama mbà zlapa ki goroma Isak, mi wak agu ma a ngal ki vama ngat buzunina, mi i ata yima Alona mi tagamzina.

Ad’u Tinda 30:8

Rachel ti dala: An deng tan ata Alona, an ndjiget ki wiyenda, an kus wa. Ti yum ala Neftali.

Sawal la giled’a 36:6

Ma didina, o mang nga didinda ti i akulo gak tcha hur alona, d’engzeng manga ti i akulo gak yam d’ugula.

Sawal la giled’a 80:10

Ang minit yina avorod’u; sideyet mi sir kä, ti hle ambasa pet.

Isai 37:37

Ata yi máma Sanakerip amul ma Asiri-na mi hô kang mama, mi hulong kur aziyam ma ngolâ Ninif, mi kak sä kua.

Jonas 1:2

Ang tchol i kur azì ma ngol ma Ninif-fâ, ang ngobozi kad’enga, kayam an we tcho mazid’a ti kal ngola heî gak ti mba akulo geven ka hî.

Jonas 4:11

Ang min ala an we hohowa azì ma ngol ma Ninif ma suma kuruma kal dudubud’a kis yam dudubud’a dok mbà suma a we nga a wal ir djivid’a ki tchod’a d’uo na zlapa ki d’uwar ma ablauna mi d’uo zu?

2 Timote 4:11

Ni Luc tu ba, ar nga ki sed’enu. Ang ve Marik, mbeï ki sed’emu, kayam mam ndak á ndjunun kur sun manda.