Jonas 1:5 - Bible azumeina

⁵ Ata yi máma suma a le sunda kur batod’ina a nde le mandarâ, nge nge pî nga mi yi alo mama ala mi ndjunumu. A nde yo ahle suma kur batod’ina, a nga tchuguzi woi kur aluma, kayam batod’a ti ar afefeta. Wani Jonas mi kal wa kä ad’u batod’a, mi bur sena d’ad’ak.

Jonas 1:5 Kruisverwysings

1 Amuleina 18:26

A vamuhl ma a hazizina, a minim yam yima ngal ahle suma ngat buzuna, a nde tchen Bäl ki yorogo dei, a nga er ad’uzi akulo ala: Bäl, Bäl, ang hulongômi humba! A le gak afata tchol faleya. Wani sama hulongôzi zla tu pî nga d’i. Wani azi nga pir akulo, a nga pir akulo, a nga ngui yima ngal ahle suma ngat buzu ma azi minima.

Wana ni mbaktumba hi Job-pa 2:4

Seitan mi hulong de mi Ma didina ala: Ang handji tamu! Ahle suma sana mi nga ki na pet, mba mi hazi ná sut tamu.

Sawal la giled’a 107:25

Mi de zlad’a, babar ma ngolâ mi tchol akulo bibik, mi labilâ ngola heî mi.

Sawal la giled’a 148:8

Akud’a, mogoina, nesâ, akukutna ki babarâ, agi suma nga gagi yagi kä ad’u zla mambina, agi gilegiziya!

Ma tchi wala 3:6

yima hala mi nga, yima vit teina mi nga mi; yima ngomba mi nga, yima ged’a woina mi nga mi;

Isai 45:20

Ma didina mi de kua ala: Agi andjaf suma a prud’ugi woina, agi mbeyegïya, agi hud’ugïya, agi togogïya. Suma a nga zï agu mazi ma a tched’em fileina d’oze suma a nga tchen alo ma ndak á sut sa d’uo na ni suma yazi nga kazi d’uo na.

Jeremi 2:28

An mba ni hulongôgi humba fata ndaka mba kagid’a ala: Alo magi ma agi minima, mi nga ni lara ge? Le mi ndaga ni, ar mi tchol akulo mi sud’ugiya, kayam agi suma Juda-na, agi nga kalona ngad’a yam azì magi ma nglona gagang.

Wana ni mbaktumba hi Oze-d’a 7:14

Ata yima azi nga yana, a nga yan ki hur ma tuna d’i, wani azi nga tchi kur azang mazina, azi nga ze tazi d’igi suma bei wanina na á fe gemena, á fe guguzlud’a mi. wani azi nga son vunanu.

Jonas 1:14

Ata yi máma a tchi avok Ma didina, a dum ala: Ma didina, ami nga tchenengû, ar ami bomi woi yam sa máma d’i. Ar ang tinimi matna hi sama mi lami nga va d’uo na kami d’i. Ma didina, ni ang ba, lahle ndazina ata min manga.

Jonas 1:16

Ata yi máma sum ndazina a le mandar Ma didina ngola, a ngad’am buzuna, a hlum vunazi mi.

Jonas 1:6

Ma ngolâ hi batod’ina mi hut gevemu, mi dum ala: Ni kayam me ba, ang bur sena ge? Ang tchol akulo, ang yalo mangâ, dam mba mi wei hohoweya, mba mi arei ei boi woi d’uo kla.

Matiye 25:5

Kid’a sala tela yam sä d’i ve tua d’a, irazi nde d’i lazi sena, a bur sena.

Matiye 26:43

Mi hulong mi mba mi fazi kur sena kua d’ei, kayam irazi d’i so woi ngolol abo sena.

Matiye 26:45

Mi hulong mi mba gen mam suma hata, mi dazi ala: Ki tchetchemba, agi nga burugi sena, agi tugugi tagi tua! Gola! Yina mba wa, a nga han an Gor Sana abo suma tchona.

Sunda hi suma a sunuzinid’a 27:38

Kid’a azi te hop dad’a, a tchuk awuna woi aduk mbina, kayam batod’a ar afefeta.

Suma ka sariyad’a 16:19

Samson mi bur sena adigad’u, ti yi sana. Mi mba, mi welem yam mba ge d’a kid’iziyad’a woyo. Ti tin ad’ud’a á hulongôm yam kä, ad’engêm nga d’uo d’a.

1 Samuel 24:3

Saul mi yo suma a we durâ aduk Israel-lîna 3000, mi i á hal David ki sum mama gak ad’u ahina d’a ahu abeid’a nga d’i te kuad’a.