Jonas 1:2 - Bible azumeina

² Ang tchol i kur azì ma ngol ma Ninif-fâ, ang ngobozi kad’enga, kayam an we tcho mazid’a ti kal ngola heî gak ti mba akulo geven ka hî.

Jonas 1:2 Kruisverwysings

Ad’u Tinda 10:11

Mi nde woi kur ambas ndata, mi i Asiri, mi min azì ma Ninif-fâ, ma Rehobot-Ir-râ, ma Kala-na

2 Amuleina 19:36

Ata yi máma Sanakerip mi hô kang mama, mi hulong kur aziyam ma ngolâ Ninif, mi kak sä kua.

2 Sunda Hamuleinid’a 28:9

Ma djok vuna hi Ma didinina mi nga avo Samari, a yum ala Odet. Mi nde mi d’ugol azigar suma a nga mbei avo Samari-na, mi dazi ala: Gola! Ma didina Alona habuyogi ngolona, hurum zal yam suma Juda-na, mi hagizi abogiya, wani agi tchagizi ki hur ma zala gak mi i akulo hur alona.

Esdras 9:6

an tchenem ala: Alo mana, an nga kur tcha d’a tatad’a, an nga ki zulona á hle iran akulo á golongû, kayam tcho mamid’a ti kal ngola, ti kal akulo kamiya; tchila mamid’a ti i gak do hur alona.

Isai 37:37

Ata yi máma Sanakerip amul ma Asiri-na mi hô kang mama, mi hulong kur aziyam ma ngolâ Ninif, mi kak sä kua.

Isai 58:1

Agi eregi ad’ugi akulo, agi bagi d’i, agi eregi ad’ugi akulo d’igi sana mi bu adifa na, agi tagagi sum mana tchila mazid’a, agi tagazi tchod’a hi suma hi Jakob-mid’a mi.

Jeremi 20:9

Le an dala: An min dang zlang ngei d’uo, an min de zlad’a ki simiyêng nguo d’angû ni, gol wani, hurun nga mi ngalan d’igi akud’a na, ti nga d’i ngalan aduk asogonu, an kau á vad’u, an ndak á ve tan nduo mi.

Ezekiyel 2:7

Le azi hum mboze a min hum mbuo pî, ang dazi zla manda, kayam azi ni suma bei hum vuna ba na.

Wana ni mbaktumba hi Oze-d’a 7:2

A nga de kuruzi ala an nga ni djib’er yam asa’at mazid’a d’i. Wani ki tchetchemba, tcho mazid’a ti nguyuzi wa, ti ni woi pid’ak avoron mi.

Jonas 3:2

Ang tchol ang i Ninif kur azì ma ngolâ, ang dazi zla d’a an dangzid’a.

Jonas 3:3

Ata yi máma Jonas mi ge yam kä ad’u vun ma hed’a hi Ma didinina, mi tchol mi i Ninif. Wani Ninif nazì ma ngol ma kal papana; ang le ni burâ hindi ki tita tua ba, ang nde woi yam azì máma.

Jonas 4:11

Ang min ala an we hohowa azì ma ngol ma Ninif ma suma kuruma kal dudubud’a kis yam dudubud’a dok mbà suma a we nga a wal ir djivid’a ki tchod’a d’uo na zlapa ki d’uwar ma ablauna mi d’uo zu?

Mise 3:8

Wani an nga ni fad’enga kayam Muzu’â hi Ma didinina mi nga kurunu, mi han ve tad’a á ka sariya d’a d’ingêra, á tak suma hi Jakob-ma tchila mazid’a, á tak Israel-lâ tcho mazid’a mi.

Nahum 1:1

Wana ni zla d’a a djogot tei yam azì ma ngol ma Ninif-fîd’a, ni zla d’a kur mbaktum mba Alona mi ndat tei mi Nahum ma Elkos-sid’a.

Nahum 3:19

Kuma ma yam mbil mangîna mi nga d’i, mbil mangâ ni mbil ma tchang matnina, suma pet suma a mba hum zla mangîna a mba tchabozi ad’ung ririp. Ni nge ma bei ang lum murud’umina ge?

Matiye 10:18

Agi mba tchologi avok suma te yamba azi kamuleina yam an á le glangâsâ avoroziya, avok andjaf suma dingâ mi.

Matiye 12:41

Kur bur ma ka sariyad’a, suma Ninif-fâ a mba tchol á ka sariyad’a yam suma kur atchogoi d’a wandina, kayam suma Ninif-fâ a mbut huruzi yam wala tchid’a hi Jonas-sa. Gola! Ma kal Jonas ki ngolina mi kä wana.

Jacques 5:4

Gola! Agi wuragagi nga beged’a hi suma a le sunda kur asinegina d’i. Wurak mazi d’a kagid’a ki tchina hi suma a nga fet awu maginina, mi kal gak mi nde sä hum Ma didin ma ad’engêm kal petna.

Vama ndum mbeina 18:5

Kayam tcho mata ti mol gak ti i akulo, Alona mi djib’er yam sun mat ta tchod’a.