Joel 3:9 - Bible azumeina

⁹ Ar agi tchagi wala akulo mandjaf suma dingâ ala: Agi minigi tagi á dur ayîna, agi zlid’igi grang suma durâ akulo, ar azigar suma durâ pet a hud’ïya, a i dur ayîna.

Joel 3:9 Kruisverwysings

Sawal la giled’a 96:10

Agi dagi mandjaf suma pet ala: Ma didina nga mi tamula. Ni kayam ndata ba, andagad’a ti nga kaka ngingring, nga d’i giget tuo ni na. Mi nga mi ka sariyad’a yam andjaf suma ki d’ingêra.

Isai 34:1

Agi andjaf suma, agi hud’ï go á humba agi suma, agi tinigi humagiya. Ar andagad’a kahle suma kurutna pet a huma, ar duniyad’a kahle suma a nga kurutna pet a hum mi.

Jeremi 31:10

Agi andjaf suma, agi humugi zlad’a hi Ma didinid’a, agi i dagi zla ndata woi mi suma a nga kaka yam tila ata yima dedeinina, agi dazi ala: Ma didin ma mi ndjoî Israel-lâ woina, nga mi togozïya, nga mi ngomozi d’igi ma pola mi ngom tumiyô mama na.

Jeremi 50:2

Agi tchagi wal zla ndata woi aduk andjaf suma, ar suma a humud’u. Agi pagi drapo d’a taka akulo, ar suma a hum zla ndata, agi ngeyet kä d’i. Agi dagi woi kat ala: A hle wa azì ma Babilon-na! Alo ma a yum ala Bel-lâ mi mbut wa zulona, Alo ma a yum ala Mardu’â, a b’lagam wa woyo! Angus ahle mam suma tcheta a mbut wa zulona, filei mama a b’lagam wa woi mi.

Jeremi 51:11

Agi gurugi sï yeû magid’a, agi yogizi kur aziyad’u. Ma didina mi djiu wa hur amulei suma Mede-na akulo, kayam mi nga hurum á b’lak Babilon ndei da’, kayam natchugul la sad’a hi Ma didina d’a mi sat yam gong mam mba kud’orid’a.

Jeremi 51:27

Agi pagi drapo d’a taka akulo kur ambasa, agi bugi adifa aduk andjaf suma, agi minigi andjaf suma á durud’u, agi yagï suma kur leu d’a Arat-ta, kur ra Mini-d’a, kur ra Askenas-sa mi. Agi i yagï nglo suma dur ayîna á durud’u, agi aragi akulumeina a pir kurut d’igi djera ti pir na.

Jeremi 6:4

Azi mba de tazi ala: Agi minigi tagi á durut ayîna! Agi tchologi akulo, ei i ndeizi durâ falei d’ad’ar! Zla d’a tchod’a! Ni yamba yina kal leid’a! Afata ar go á nika mi!

Ezekiyel 38:17

Salad’a Ma didina mi dang kua ala: Angî ma an de zlad’a kang adjeu dei avun azungeî man suma djok vun suma Israel-lîna d’uo zu? Bizad’a ki bizad’a a nga djok vuna kang ala ang mba mba á dur ayîna ki sum mana mi d’uo zu?

Ezekiyel 38:7

Ang min tangû, ang ve tang ad’enga ki azigar suma pet suma a tok geveng suma ang te kazina.

Mise 3:5

Wana ni zla d’a an Ma didina ni dat yam suma djok vun suma a nga vit sum mana woina: Le a nga ki hliuna avunaziya ni, a nga dala: B’leng nga halasa nga. Wani a nga dur ayîna ki suma a hazi nga va avunazi d’uo na.

Wana ni mbaktumba hi Aze-d’a 2:7

An mba ni mbut andjaf suma pet batuwak; ahle mazi suma ndjondjoîna pet a mba mba ki sed’ezi ka hî, an mba ni subur gong nga kud’or ra wanda.

Zakari 14:2

Ma didina mba mi tok andjaf suma á dur Jerusalem. A mba hlazì ma ngolâ, a mba hurum azina, a mba b’lak aropma, abo azì ma ngolâ suma kuruma a mba yozi magomba. Wani suma a arâ a mba dap pei kur azì ma ngolâ d’i.

Zakari 14:3

Ma didina mba mi nde woi á dur kandjaf sum ndazina d’igi mam nga mi dur adjeu dei kur bur ma ayîna na.