Joel 3:4 - Bible azumeina

⁴ Agi suma Tir-râ ki suma Sidon-na pet, agi suma nga yam andaga d’a Filistê-d’ina, vama ndologi ki an ni me ge? Agi hal á hlagi atchugulugi ki sed’en ndju? Le agi hal á hlagi atchugulugi ki sed’enu ni, an mba ni hulong hlatchugul ndata ki sed’egi atogo zak!

Joel 3:4 Kruisverwysings

2 Sunda Hamuleinid’a 21:16

Ma didina mi zut suma Filistê-na ki suma Arap suma go ki suma Etiyopi-na á dur ayîna ki Joram.

Isai 14:29

Agi Filistê-na pet, agi lagi furîd’a ala totogo d’a a togi ki d’a ti kus seyo d’i. Kayam ata har ra guguina mageid’a mba d’i vud’ï kua, andjavam mba mi vut ni dragon ma pira mi.

Isai 34:8

Kayam ni bur ma hlatchugula hi Ma didinina, ni biza d’a a wurak nge nge pî yam sun nda tcho d’a mi lat ki Siyon-ndid’a.

Isai 59:18

Mba mi wurak nge nge pî ndak yam sun mamba, mba mi wurak mam suma huneîd’a kayî mama ndak yam sun mazid’a, mba mi wurak mam suma djangûna ndak yam sun mazid’a, mba mi wurak suma a nga kaka yam tilina ndak yam sun mazid’a mi.

Jeremi 47:1

Wana ni zla d’a Ma didina mi dat mi ma djok vun Alona Jeremi yam suma Filistê-na avok ka Faron bei mi dur ayîna ki suma Gaza-na tua d’a:

Jeremi 47:4

Kayam bur ma a b’lak suma Filistê-na woi petna mi mba wa. A mba fe sama ndjun Tir ki Sidon-na d’uo d’a, kayam an Ma didina nga ni b’lak suma Filistê suma a arâ woyo. Azi ni suma a tcholï kur til la Kaftor-ra a mba kak kuana.

Jeremi 51:6

Agi ringîgi woi kur Babilon, ar nge nge pî mi sut tamu, ar a tchagi woi yam tcho mata d’i, kayam ni yima sä atchugula hi Ma didinina, mba mi wuragat yam sun mata.

Joel 2:10

Andagad’a nga d’i yir avoroziya, akulod’a nga d’i giged’a, afata ki tilâ a mbut nduvunda, tchitchiud’a nga d’i wile d’uo mi.

Joel 2:2

Ni bur ma nduvunda, ni bur ma wura ma i’îli’â, ni bur ma d’ugula, ni bur ma akukutna. Nga mi djï d’igi yina mi fo woi yam ahuniyôna na. Gola! Nades ahle suma b’lak ahlena ablaud’a, ad’enga heî mi. Ades ahle suma hina na a mba nga yazi tu d’i, a mba mba bugol kur atchogoi d’a mba d’i mbad’a d’uo mi.

Matiye 11:21

Mi dazi ala: Ni zla d’a hohoud’a kagi agi suma Korazin-na. Ni zla d’a hohoud’a kagi agi suma Betsaida-na. Kayam an ladjï sun nda ndandal la wanda aduk suma Tir-râ ki suma Sidon-na d’igi an lat adigagi agi na ni, azi mbut wa huruzi dedei, a tchuk wa baru d’a dodora ki butna kazi mi.

Matiye 11:22

Wani an nga ni dagiya, kur bur ma ka sariyad’a, sariya d’a a mba kat yam azì ma nglo mámid’a mba d’i kal la a kat yam azì ma ngol ma Tir-râ ki d’a yam azì ma ngol ma Sidon-nid’a.

Wana ni Zla d’a Djivi d’a Luc mi b’irita 10:13

Jesus mi had’azi kua ala: Ni zla d’a hohoud’a kagi agi suma Korazin-na. Ni zla d’a hohoud’a kagi agi suma Betsaida-na. Kayam an ladjï le sun nda ndandal la wanda aduk suma Tir-râ ki suma Sidon-na d’igi an lat adigagi agi na ni, azi mbut wa huruzi dedei, a tchuk wa baru d’a dodora ki butna kaziya.

Wana ni Zla d’a Djivi d’a Luc mi b’irita 10:14

Wani sariya d’a a mba kat kagid’a mba d’i kal la a kat yam azì ma ngol ma Tir-râ ki d’a yam azì ma ngol ma Sidon-nid’a.

Wana ni Zla d’a Djivi d’a Luc mi b’irita 18:7

Wani Alona mba mi ka sariyad’a hi suma mi manazi suma a nga tchi kam andjege ki faleina d’uo zu? Mba mi le lilinga á ndjunuziya?

Sunda hi suma a sunuzinid’a 9:4

Mi puk kä, mi hum dela ti dum ala: Saul, Saul, ni kayam me ba, ang djobon vunan hina ge?

Gat ta a hat á mbàd’id’a 32:35

Atchugul la sad’a ni manda; ni an ba mba ni sad’azi yam sun mazi d’a led’a, kur bur ma asezi mi ka azlard’eid’ina. Kayam bur ma ndaka mba kazina mi ar go, dabi mazid’a mba d’i mba kazi atogo zak mi.

2 Tasaloni’â 1:6

Wana ni vama d’ingêrâ avok Alona: Mba mi hulong djop vun suma a nga lagi ndakina.

Suma ka sariyad’a 11:12

Jefte mi ge sunda ata amul ma Amon-na, mi dum ala: Ni zla me adigei ki ang ba, ang mba dur ambas manda ge?