Joel 3:18 - Bible azumeina

¹⁸ Kur bur máma süm guguzlud’a mba mi djangî kä yam ahuniyôna, ambira mba d’i djangî kä akulo yam yima ndingâ, toliyon nda Juda-d’a pet mba d’i lau mbina, mbina mba mi lawï kur gong nga kud’ora hi Ma didinid’a, mba mi rap yam hor ra Sitim-mba.

Joel 3:18 Kruisverwysings

Wana ni mbaktumba hi Job-pa 29:6

an mbus asen ni ki mbul ambira, ahinad’a nga d’i djangî mbulâ kan kä d’igi toliyonda na mi.

Buzuk ka Abud’a 3:8

An tchugï asen kä á pad’azi woi abo Ezipte-na á buzuguzi woi kur ambas sa wanda á izi kur ambas sa djivi d’a bubu d’a ambira ki mbul ayuma a nga sor kä kuad’a. Nambas sa suma Kanan-na, suma Het-na, suma Amor-râ, suma Peris-sâ, suma Hef-fâ ki suma Jebus-sâ a nga kaka kuad’a.

Isai 30:25

Kur bur ma ngol ma a mba tchim suma ma gongîyo suma fuyogei suma ndjola a dris kä na, toliyonda mba d’i djangî kä yam ahuniyô suma fuyogeina, kä yam yam ndindingâ mi.

Isai 35:6

Suma dileîd’a a mba pir akulo d’igi dugiyona na, suma ndumîd’a a mba de zlad’a woi ki furîd’a, kayam mbina nga mi djang iram hur fulâ, toliyonda nga d’i djang irat abo ma Araba-na mi.

Isai 44:3

Kayam an mba ni vo mbina yam andaga d’a sod’a, an mba ni ge toliyonda yam andaga d’a sod’a, an mba ni vo Muzuk mana yam grogina, an mba ni b’e vunan yam andjavagi mi.

Isai 45:8

Ar akulod’a ti lau d’engzenga d’igi mbina mi lau woi na, ar d’ugula ti se d’ingêra d’igi alona mi se na, ar andagad’a ti mal vunat á mba ki suta, ti deî d’ingêra d’igi ahlena a deî na mi. Gola! Wana nahle suma an Ma didina ni lazina.

Isai 55:1

Ma didina mi dala: Êhê, agi suma vunagi sona, agi pet mbeyegi ata mbina. Le sa nga ki va abom mbuo pî, agi mbeyegiya, agi guzugiya, agi tagiya. Agi mbeyegi ata süm guguzlud’a kambira bei beged’a bei gusa ba.

Isai 66:11

Hina wani, agi mba hobogi ki b’leng hur ma ndat ti b’lengêgizina d’igi gogor ma asum mbi hum apona mi tchum ki furîd’a adigatna na.

Jeremi 31:12

Azi mba mba yam yima nding ma Siyon-na ki sawal la furîd’a, tazi mba d’i lazi djivid’a yam ahle suma a mba fazi abo Ma didinina, nala, gemena, süm guguzlu d’a awilid’a, mbulâ, tumiyôna, b’ogeina kamuzleina mi. Azi mba mbut ni d’igi asine ma a nga rabam mbinina na. Va mba mi mbud’uzi mandar bugol luo d’a.

Mise 6:5

Agi sum mana, agi djib’eregi yam zla d’a Balak amul ma Mowap-ma mi ngat kurumba, Baläm Beyor goroma mi hulongôm humba na na ge? Tinï ad’ud’a Sitim dei gak mba Gilgal agi wagi sun nda djivi d’a an Ma didina ni lat ki sed’egid’a.

Zakari 14:8

Kur bur máma mbiyo ma he arid’ina mba mi djangî woi kur Jerusalem. Abom ma hina mba mi i iram kur apo d’a Matna abo ma yorogona, abom ma hina mba mi i iram kur alum ma ngol ma Mediterane-na abo ma fladegena mi, a mba le hina andol kawaliya.

Ndumba 25:1

Israel-lâ a kak avo Sitim, a nde le sun nda batranga karop suma Mowap-ma.