Joel 3:16 - Bible azumeina

¹⁶ Ma didina nga mi oî kur Siyon, nga mi breî ki delem akulo kur Jerusalem. Akulod’a kandagad’a a nga zlaga. Wani Ma didina nga mi ngom sum máma, mam mi yima ngeid’a hi Israel-lîna.

Joel 3:16 Kruisverwysings

Sawal la giled’a 18:2

Ma didina, an nga ni le kangû, angî ad’eng manda.

Sawal la giled’a 29:11

Ma didina nga mi had’enga mi sum mama; Ma didina nga mi b’e vunam yam sum mama ki b’leng nga halasa.

Sawal la giled’a 61:3

Ata yima an ndak kuo an woi dei avun dabid’a handagad’ina, an nga ni yangû, ang ndjununu, ang tinin yam ahina d’a fiyak ka ked’iwurenga.

Zla d’a d’ogolâ 18:10

Simiyê Ma didina ni gong nga ndjol la fiyak ka ad’eng nga ngungud’a, sama d’ingêrâ nga mi ring kua, mi kak ki halasa.

Isai 33:16

sa máma mba mi ka’î ata yima subura. Ahina d’a ad’eng nga ngingid’a mba d’i mbut ni yi mam ma ngei tama. A mba hum te mama ni ki halasa, mbiyo mam ma tched’a mba mi kid’agam mbi.

Isai 33:21

Ni kua ba, Ma didina mba mi tagei ngol mamba. Ni kua ba, a mba feï alum ma gureina kalum ma bendenga, ni yima bato d’a ayîna nga d’i kal kua d’oze bato d’a a djangât ki praunid’a nga d’i kal kua d’uo mi na.

Isai 42:13

Ma didina nga mi djï d’igi grang ma durâ na, zlezleû mamba nga d’i zud’um d’igi ma dur ayîna na, nga mi yi tau d’a durâ, nga mi er ad’um akulo, nga mi kus yam mam suma djangûna mi.

Isai 51:16

An ni ma ni b’eng akulod’a woina, an ni ma ni gäd’u andagad’ina, an ni ma ni de mi suma Siyon-na ala: Agi ni sum mana na, an nga ni tining zla manda avunangû, an nga ni dugung kä kanguza abonu.

Jeremi 16:19

Jeremi mi dala: Ma didina, angî ad’eng manda, angî gulumun mana, angî yi man ma ngeid’a kur bur ma ndaka. Andjaf suma yam andagad’ina pet a mba mbeï gevengû, a mba dala: Abuyomi ngolo a tin huruzi ni yam filei ma hawa ya’â, ni vama hawa yak ma ndak á le va d’uo na.

Jeremi 17:17

Ang ma ala angî yan ma ngeid’a kur bur ma ndaka na, ar ang mbut vama mandarâ kan ndi.

Ezekiyel 38:19

Kur yungôr mana, kur ayî man ma aku ma bibiliuna, an nga ni dang ngei mbak ala: Kur bur máma andaga d’a Israel-la mba d’i yir gigidji.

Wana ni mbaktumba hi Oze-d’a 11:10

Agi mba tid’igi bugol an Ma didina. An mba ni tchi d’igi azlona na. Gagazi, an mba ni tchi d’igi azlona na, grona a mba tcholï abo ma fladegena ki zlaka, a mba.

Amos 1:2

Amos mi dala: Ma didina nga mi to breîd’a kur Siyon, delem nga d’i nde woi avo Jerusalem. Yima te hatna hi suma polina mi lugod’a, hat ma yam ahina d’a Karmel-lina mi so woi mi.

Amos 3:8

Azlona le mi breyâ ni, ni nge ba, mi le mandarâ d’uo ge? Salad’a Ma didina le mi de ni, ni nge ba, mi djogom vunam mbei d’uo ge?

Nahum 1:7

Ma didina ni ma djivina, ni yima ngeid’a kur bur ma ndaka, nga mi ngom suma a nga ngei tazi atama mi.

Wana ni mbaktumba hi Aze-d’a 2:6

Yina ar ndjö an mba ni giget akulod’a kandagad’a, alum ma ngolâ ki yima sod’a.

Wana ni mbaktumba hi Aze-d’a 2:7

An mba ni mbut andjaf suma pet batuwak; ahle mazi suma ndjondjoîna pet a mba mba ki sed’ezi ka hî, an mba ni subur gong nga kud’or ra wanda.

Zakari 10:12

An mba ni hazi ad’enga, a mba tit ni ki simiyênu. Ni an Ma didina ba, ni de na.

Zakari 10:6

An mba ni had’enga mi suma Juda-na, an mba ni sut suma hi Josef-fâ, an mba ni hulongôzï ata yaziya, kayam an wazi hohowoziya. Azi mba mbut ni d’igi suma an arazi woi d’uo na na, kayam an ni Ma didina Alo mazina, an mba ni hum tchen mazid’a mi.

Zakari 9:12

Agi suma dangei suma nga ki hur ma tindina, agi hulongôgi kur azì ma ad’eng ma ngunguna. An nga ni dagi ini, an mba ni wuragagi yan mbà.

Hebre-na 12:26

Ni ma delem mbi giget andagad’a kur bur mámina, wani ki tchetchemba, mi hle vunam ala: Ar kua yan tu, an mba ni giget nandagad’a hol li, wani akulod’a mi.

Vama ndum mbeina 11:13

Ata yi máma na wat, andagad’a ti yir gigidji, abo azì ma a walam aduk dogona, ma dogona mi dris kä, suma a bo dudubud’a kid’iziya abo yir ndata. Suma a arâ a le mandarâ, a subur Alo ma akulona.

Vama ndum mbeina 11:19

Ata yi máma, a mal vun gong nga kud’ora hAlona d’a akulod’a woyo, a we zanduk ma vun ma djinda hAlonina mi nga tinda kur gong mamba. Ata yi máma, alona mi wile, dela ti de zlad’a, alona mi breyâ, andagad’a ti yira, alona mi se mogoina ngola mi.

Vama ndum mbeina 16:18

Ata yi máma, alona mi wile, mi breyâ, dela ti de zlad’a, andagad’a ti yir gigidji mi. Kid’a Alona mi ge sana yam andagad’a deid’a, andagad’a ti yir nga yir ra ngola hina d’a yat tu d’i.

1 Samuel 15:29

Ma didin ma subura hi Israel-lîna nga mi ka zlad’a d’i, nga mi djok djib’er mamba d’igi sana na d’uo mi.