Joel 3:12 - Bible azumeina

¹² Ar andjaf suma a tchol akulo, a i kur hor ra Josafat-ta. Ata yi máma an mba ni kak kua á ka sariyad’a yam andjaf suma pet suma a nga nguid’a ata yi mámina.

Joel 3:12 Kruisverwysings

2 Sunda Hamuleinid’a 20:26

Kur bur ma fid’ina azi tok kur hor ra Beraka-d’a, ni yima a le mersi mi Ma didina kuana. Ni kayam ndata ba, a nga yi yi máma gak ini ala Hor ra Beraka-d’a.

Sawal la giled’a 7:6

ar man ma djangûna mi digin mi vanu, mi mired’en kä andaga, mi b’lagan subur manda woyo. Tchol ndjö

Sawal la giled’a 96:13

kayam nga mi djïya! Nga mi djï á ka sariyad’a yam andagad’a, mba mi ka sariyad’a yam suma kur duniyad’ina ki d’ingêra, mba mi ka sariyad’a yam andjaf suma dingâ ki d’engzeng mamba mi.

Sawal la giled’a 98:9

avok Ma didina, kayam nga mi djï á ka sariyad’a yam andagad’a. Mba mi ka sariyad’a yam suma kur duniyad’ina ki d’ingêra, mba mi ka sariyad’a yam andjaf suma dingâ ki d’engzeng mamba mi.

Isai 2:4

Mam mba mi mbut ni ma ka sariyad’a aduk andjaf suma, mba mi mbut ni ma min zlad’a aduk andjaf suma ablauna. Mbuguyo mazi suma fuyogeina a mba zlazi sï kowuyona, asubuyo mazina a mba zlazi mbaragumba. Andjaf ma ding mba mi tchol durâ kandjaf ma ding ngi, sa mba mi hat ayî ma dur ruo mi.

Isai 22:1

Wana ni zla d’a a dat yam hor ra vana nde tam mbei ir sana kuad’a: Ang azì ma ngol ma Jerusalem-ma, ni me ba, ang ki sum mangâ pet, agi djagagi akulo yam dudura ge?

Isai 3:13

Ma didina mi min tam á ka sariyad’a, mi tchol akulo á ka sariyad’a yam sum mama.

Ezekiyel 30:3

Kayam burâ mi ar go, burâ hi an Ma didinina mi ar go, ni bur ma d’ugula mbud’um nduvundina, ni yima ka sariyad’a yam andjaf sumina mi.

Ezekiyel 39:11

Ata yi máma an mba ni he yina á ka zula mi Gok yam andaga d’a Israel-la kur hora hi suma titid’a, ti nabo ma yorogona hapo d’a Matna. Zul ndata mba d’i d’el lovota mi suma tita. Ni kua ba, a mba tos Gok kablau mamba pet. A mba yi hor ndata ala Hora hablaud’a hi Gok-ka.

Joel 3:14

Gola! Suma ablaud’a ablaud’a mimiyâk a nga kur hora á ka sariyad’a, kayam burâ hi Ma didinina mi ar wa go á ka sariyad’a kur hor ndata.

Joel 3:2

An mba ni tok andjaf suma dingâ pet, an mba ni izi kur hor ra Josafat-ta. Ata yi máma an mba ni kazi sariyad’a kazi yam ahle suma azi lazi mi man suma Israel suma an tazi djonina, yam ndjoîd’a a ndjoyôzi woi aduk andjaf sumid’a, yam ambas man nda azi b’rawat teid’a mi.

Mise 4:3

Mam mba mi mbut ni ma ka sariyad’a aduk andjaf suma ablaud’a, mba mi mbut ni ma min zlad’a handjaf suma sib’ik suma sä deina, mbuguyo mazi suma fuyogeina mba mi zlazi sï kowuyona, asubuyo mazina mba mi zlazi mbaragumba. Andjaf ma ding mba mi tchol durâ kandjaf ma ding ngi, sa mba mi hat ayî ma dur ruo mi.

Zakari 14:4

Kur bur máma mba mi tin asem yam ahina d’a Olif fa ngagad’a yam Jerusalem abo ma yorogonid’a. Ahina d’a Olif ndata mba d’i wak kä aduk mbà. Abot ma hina mba mi dadak kazigam abo ma norâ, ma hina mba mi dadak kazigam abo ma sutna mi. Hor ra ngola mba d’i ar adigaziya, mba d’i i irat abo ma yorogona kabo ma fladegena mi.

Vama ndum mbeina 19:11

An we akulod’a ti mal leyo, akulum ma hapma mi nde woi kuru. Ma nga kama a yum ala Ma d’engzeng ma gagazina. Nga mi ka sariyad’a, nga mi dur ayî ma d’ingêrâ mi.