Joel 3:1 - Bible azumeina

¹ Ma didina mi dala: Gola! Kur bur máma an mba ni hulong suma Juda-na ki suma avo Jerusalem-ma ata blangâzi ma adjeuna.

Joel 3:1 Kruisverwysings

Sawal la giled’a 14:7

Ni nge ba, mba mi mba ki suta yam Israel-lâ kur Siyon nge? Fata Ma didina mba mi hulongôzï woi kur magombid’a, ata yi máma andjafâ hi Jakob-ma mba mi le furîd’a, Israel-lâ a mba le hur ma hapma.

Sawal la giled’a 85:1

Ni sawal la gile d’a Kore groma a hlat a hat mi ma ngolâ hi suma hle sawalina.

Zla d’a d’ogolâ 1:23

Agi hulongôgï á hum ngop manda. Gola! An mba ni vogi muzuk mana kagiya, an mba ni tagagi zla manda mi.

Isai 44:3

Kayam an mba ni vo mbina yam andaga d’a sod’a, an mba ni ge toliyonda yam andaga d’a sod’a, an mba ni vo Muzuk mana yam grogina, an mba ni b’e vunan yam andjavagi mi.

Jeremi 16:15

Wani a mba gun tazi nala: An gun tan ki Ma didin ma bei matna ma buzugï Israel-lâ woi kur ambas sa abo ma norîd’a, kur ambas sa lara ge pet ta mam ndjoyôzi woi kuad’a! An mba ni mbazi yam andaga d’a an hat mabuyozi ngolod’a.

Jeremi 29:14

Ma didina mi dala: An mba ni tak tan ndei iragiya, an mba ni buzugugï woi kur magomba, an mba ni togogi woi aduk andjaf suma pet ata yima lara ma an ndjoyôgi woi kuana, an mba ni hulongôgï ka hî ata yima an yogi ni igi magomba woi kuana. An Ma didina ni de na.

Jeremi 30:18

Ma didina mi dala: Gola! An nga ni hulongî agi suma hi Jakob-ma woi kur magomba, an nga ni we hohowa yi magi ma kaka. Azì ma ngolâ a mba minim ata blangâm ma b’lak keina, azì ma amula a mba minim ata blangâm ma adjeuna mi.

Jeremi 30:3

An Ma didina nga ni dangû, burâ nga mi mba, ni bur ma an mba ni hulongî man suma Israel-lâ ki man suma Juda-na woi kur magombina, an mba ni hulong ni mbazi ka hî yam ambas sa an hat mabuyozi ngolod’a, azi mba kak kat kua.

Ezekiyel 16:53

An mba ni hulongî Sodom ki grot suma arop suma a yozi magombina, an mba ni hulongî Samari ki grot suma arop suma a yozi magombina ki grok suma a yozi magombina adigazi mi.

Ezekiyel 39:25

Gola! An Salad’a Ma didina ni dala: Ki tchetchemba, an mba ni hulong suma hi Jakob suma a yozi magombina avo, an mba ni we hohowa Israel-lâ pet, an mba ni ngom simiyên Ma bei tchod’a ba na djivid’a mi.

Daniel 12:1

Malaika máma mi dan kua ala: Kur atchogoi ndata Michel ma ngolâ hi malaika ma ngom sum mangîna mba mi tchola. Atchogoi ndata natchogoi d’a ndaka. Kid’a andjaf suma a nga yam andagad’a deid’a gak kur atchogoi ndata, ndak ka hina d’a ti le nga yat tu d’i. Kur atchogoi ndata mang suma a b’irizi simiyêzi kur mbaktumba hAlonid’ina a mba fe suta.

Joel 2:29

Kur bur máma an mba ni vo Muzuk mana yam azungeîna ki yuguneina.

Amos 9:14

An mba ni hulongî man suma Israel-lâ woi kur magomba. A mba min azì ma nglo ma b’lak keina akulo, a mba kak kuru, a mba pe guguzlud’a, a mba tchat sümud’u, a mba zum asinena, a mba tum awu máma mi.

Ndumba 11:29

Moise mi hulong dum ala: Ang le ni yungôra kan ndju? Ladjï Ma didina mi b’rau Muzuk mama mi sum mama pet á djok vuna ni, tan mba d’i lan djivid’a ngola.

Ndumba 12:6

Mi dazi ala: Agi humugi zla manda djiviya! Ata yima sana mi mbut ma djogon vunana adigagina, an nde tan iramî nde, an dum zlad’a ni kur adïd’a.

Gat ta a hat á mbàd’id’a 30:3

ata yi máma Ma didina mba mi wagi hohowogiya, mba mi yogï woi kur magomba, mba mi togogï kur ambas sa lara d’a mam mba mi ndjoyôgi woi kura.