Joel 2:32 - Bible azumeina

³² Ata yi máma sama lara pî ma mba mi yi Ma didina á ndjunuma, mba mi fe suta, kayam a mba fe yima ngeid’a yam ahina d’a Siyon-nda avo Jerusalem yam suma a mba sutna d’igi Ma didina mi de na. Ni suma mam mba mi yazi á sutina.

Joel 2:32 Kruisverwysings

Ad’u Tinda 4:26

Set mi vut gorâ, mi yum ala Enos. Ata yi máma suma a tin ad’ud’a á tchen ki simiyê Ma didina.

Sawal la giled’a 50:15

Ata yima agi nga kur ndakina, agi yanu. Hina wani, an mba ni sud’ugiya, agi mba suburun mi.

Isai 10:22

Ang Israel, le sum mangâ a mba zulî d’igi les ma avun alum ma ngolîna na pî, nad’uzi d’a arâ ba, mba d’i mba, kayam Ma didina mi nga wa hurum yam b’laka da’. D’ingêra mba d’i kal lei kad’u.

Isai 11:11

Kur bur máma Ma didina mba mi mat abom kua yam á mbàd’a á prut mam suma ad’uzi mba d’i ar abo suma Asiri-na, abo suma Ezipte-na, abo suma Patros-sâ, abo suma Etiyopi-na, abo suma Elam-ma, abo suma Sinar-râ, abo suma Hamat-na, abo suma a nga kaka yam tila halum ma ngolîd’a woi mi.

Isai 11:16

Mba mi mal lovota avok mam suma a mba ar abo suma Asiri-nina d’igi mi mal lovota woi yam tu avok Israel-lâ kur bur ma mi buzuguzï woi kur ambas sa Ezipte-d’ina na.

Isai 4:2

Kur bur máma agu ma hud’ura hi Ma didinina mba mi deî mba mi mbut vama hud’a, vama subura mi. Ahle suma a vut yam andagad’ina, a mba wile ki djifâ yam Israel suma a arâ.

Isai 46:13

An nga ni hud’ï d’ingêr manda, ti nga dei d’i. An nga ni le lilinga ki sut manda d’uo mi. An nga ni mba ki suta kur Siyon, an nga ni mba ki subur manda yam Israel-lâ mi.

Jeremi 31:7

Kayam Ma didina mi dala: Agi hlagi sawal la furîd’a yam suma hi Jakob-ma, agi hlagi sawala yam andjaf ma ngol ma kal teglesâ, agi eregi ad’ugi akulo, agi gilegiziya, agi dagi woi ala: Ma didina, ang sut mang suma Israel-lâ ad’uzi d’a ara.

Jeremi 33:3

Ang yanu, an mba ni hulongông humba. An mba ni dang ngei yam ahle suma nglo suma a nga ngeid’a suma ang wazi nga d’uo na.

Amos 9:8

Gola! An Salad’a Ma didina iran nga tinda yam leu d’a le tchod’a, an mba ni b’lagat tei yam andagad’a. Hina pet pî, an mba ni dap andjafâ hi Jakob-ma woi pet ti.

Abdiyas 1:17

Wani suma a sut teina a mba kak yam ahina d’a Siyon-nda. Azi mba ka’î suma a tinizi irazi vazina. Suma hi Jakob-ma a mba hle yi mazi ma a hlum abozi adjeuna.

Abdiyas 1:21

Suma a sutna a mba djak akulo yam ahina d’a Siyon-nda, a mba te yam ahina d’a Edom-mba mi. Ma didina mba mi kak amula!

Mise 5:3

Gor ma a vud’um máma mba mi polozi kad’enga hi Ma didinid’a ki ngola hi Ma didina Alo mamid’a. Azi mba kak ki halasa, kayam suma a suburum gak avun dabid’a handagad’id’a.

Zakari 13:9

An mba ni tchuk suma kur abo ma hindi mámina akua, an mba ni yorozi d’igi a yor kawei ma hapma na, an mba ni kuguzi d’igi a kuk lora na, a mba tchenenu, an mba ni humuzi mi. An mba ni dala: Sum ndazina a ni sum mana; azi mba dala: Ma didina nAlo meina mi.

Jean 10:16

An nga ki tumiyô suma dingâ kua, suma a nga kur kangâ ma wana d’uo na. Mbeî an mba ni mbazi kur mi. Azi mba humun delenu, azi mba mbut ades ma tuna, ma polozina ni tu mi.

Jean 4:22

Agi Samari-na kud’urogi ni vama agi wum nga d’uo na. Ami Juif-fâ kud’uromi ni vama ami wuma, kayam suta ti tcholï nata Juif-fâ.

Sunda hi suma a sunuzinid’a 15:17

Kayam suma arâ pet a halan an Ma didina, suma pet suma an yazina a mba mbut sum mana.

Sunda hi suma a sunuzinid’a 2:39

Kayam vun ma hle mama ni kagi ki grogina ki suma sä deina pet ki suma Salad’a Alo meina mba mi yazina pet mi.

Romê-na 11:26

Ni hina ba, andjaf Israel-lâ pet a mba fe suta d’igi mbaktumba hAlonid’a ti de na ala: Ma sut suma mba mi ndeï ni kur Siyon. Mam mba mi pat ahle suma a nga ata yazi d’uo na woi aduk andjafâ hi Jakob-ma.

Romê-na 11:5

Ni na mi, kur atchogoi d’a tchetchem wanda, suma hiu suma Alona mi manazi yam suma mambina a nga.

Romê-na 11:7

Ni nana ge? Vama Israel-lâ a halama, a fum nga d’i. Wani suma Alona mi manazina, a fumî azi hol. Suma hiuna a b’al huruziya.

Romê-na 9:24

Nala ni eya, ei suma mi yeina, naduk suma Juif-fâ hol li, wani naduk andjaf suma dingâ mi.

Romê-na 9:27

Isai mi de ki delem akulo yam Israel-lâ ala: Ndumba hi gro Israel-lîd’a, ti le ni d’igi les ma avun alum ma ngolîna na pî, nad’uzi d’a ara ba, a mba fe suta.

1 Korente-na 1:2

Ami nga b’irimi mbaktum mba wanda mi agi Toka hAlona d’a sä Korente-d’a, suma Alona mi yagi mi mbud’ugi sum mama, mi tinigi iragi vagi zlapa tu ki Jesus Christ-sâ, mi suma pet suma ata yima lara ge pet suma a nga yi simiyê Saleina Jesus Christ-sâ mi. Mam ma ala ni Salazina, ni Saleina mi na.

Hebre-na 12:22

Wani agi mbagi go ata ahina d’a Siyon-nda, nazina hAlo ma arina, ni Jerusalem mba akulod’a, ni yima malaika suma bubupma a nga kuana.