Joel 2:27 - Bible azumeina

²⁷ Agi mba wagi ala an nga aduk Israel-lâ, an ni Ma didina Alo magina. Ma ding nga d’i. Agi sum mana, agi mba mbud’ugi zulona d’uo d’a.

Joel 2:27 Kruisverwysings

Sawal la giled’a 46:5

Aluma nga, ni ma mbiyom nga mi le suma avo hurazina hAlonina tazi djivid’ina. Azì máma ni yima kal tegles ma aduk yi ma kak ma tetengâ hi ma sä akulo ma kal teglesîna.

Sawal la giled’a 68:18

Pus ma dur ayîna hi Ma didinina mablaud’a heî, mi ni dudubud’a ablaud’a mi. Salad’a mi tcholï ki sed’em Sinai, mi mba ata yam ma kak ma a tinim iram vama kur Siyon.

Zla d’a d’ogolâ 1:23

Agi hulongôgï á hum ngop manda. Gola! An mba ni vogi muzuk mana kagiya, an mba ni tagagi zla manda mi.

Isai 12:6

Agi suma avo Siyon-na, agi eregi ad’ugi akulo ki furîd’a, kayam Ma tin tam irat vat yam Israel-lîna ni ma ngol ma adigagina!

Isai 44:3

Kayam an mba ni vo mbina yam andaga d’a sod’a, an mba ni ge toliyonda yam andaga d’a sod’a, an mba ni vo Muzuk mana yam grogina, an mba ni b’e vunan yam andjavagi mi.

Isai 44:8

Ar agi lagi mandar ri, ar agi zlagagi d’uo mi. An dagi yam ahle ndazina avok kuo zu? An dagizi woi avok mi d’uo zu? Agi ni glangâs mana. Alo ma ding nga woi keng vam zu? Ahina d’a ngom ta d’a ding nga d’i, an wat nga d’uo mi.

Isai 45:18

Ma didina Alo ma tu gid’engâ ni ma lakulod’a, ni ma landagad’a, mi minit mi sirat tala ti kak hawa d’uo, suma a kak kurud’u na, mi dala: An ni Ma didina, alo ma ding nga woi keng vam mbi, ni an tu.

Isai 45:5

An ni Ma didina, ma ding nga d’i. Alo ma ding nga woi keng vam mbi, ni an tu. An djining ad’enga atang d’igi sana mi djin d’i’â furum na avok bei ang wan ba,

Isai 45:6

kayambala tinï ad’ud’a abo ma yorogona dei gak nde sä woi abo ma fladegena tala suma a wala Alo ma ding nga woi keng vam mbuo d’a. An ni Ma didina, ma ding nga d’i.

Isai 46:9

Agi djib’eregi yam ahle suma kalâ, kayam an nAlona, ma ding nga d’i. An nAlona, ma hle tam d’igi an na na nga d’uo mi.

Isai 49:23

Amuleina a mba mbut nabuyok suma a wulu’â, amulei suma aropma a mba mbut nasuyok suma a wulu’â, a mba grif kä avorok ki irazi andaga, a mba trâk gugum ma huyok ase’â woyo. Ndak mba d’i wala an ni Ma didina. Suma a tin huruzi kana a mba mbut zulona d’i.

Isai 53:6

Adjeu ei pet ni d’igi tumiyô suma a vit teina na, nge nge pî mi tit ni kur lovot mamba. Ma didina mi tinim tchila meid’a kam pet.

Ezekiyel 37:6

An mba ni mba ki sideina atangû, an mba sang hliwingû, an mba ni zlubung babaka atangû, an mba ni hang muzu’â, ang mba zlit akulo, ang mba wala an ni Ma didina.

Ezekiyel 39:22

Kur bur máma Israel-lâ a mba wala an ni Ma didina Alo mazina ki irazi fafat.

Ezekiyel 39:28

Azi mba wala an ni Ma didina, Alo mazi ma ni yozi ni izi magomba adjeu aduk andjaf suma ni hulongôzï yam andaga mazid’ina. An mba ni ar sa tu pî adigazi sä hî d’i.

Ezekiyel 39:29

An mba ni mbud’uzi huyogon nduo d’a, kayam an mba ni vo Muzuk mana yam Israel-lâ. An Salad’a Ma didina ni de na.

Joel 2:26

Agi mba tagiya, agi mba hobogiya, agi mba gilen an Ma didina Alo magi ma mba mi lahle suma atchapma kagina. Agi sum mana, agi mba mbud’ugi zulona d’uo d’a.

Joel 3:17

Hina wani, agi mba wagi ala an ni Ma didina Alo magi ma nga kaka yam ahina man nda Siyon nda a tinit irat vatina. Jerusalem a mba tinit irat vad’u, andjaf ma ding mba mi kal kua d’uo d’a.

Joel 3:21

An mba ni hlatchugula buzuwazi ma an hlum nga atchugulum mbuo tua na. An Ma didina mba ni kak kur Siyon.

Sofoni 3:11

Kur bur máma zulona mba mi lagi yam sun nda pet ta agi lata ki sun nda tcho d’a agi lat avoronda d’uo d’a. Ata yi máma an mba ni walagi woi kahle suma a zud’ugi á subur tad’ina, agi mba suburugi tagi yam ahina man nda a tinit irat vata d’uo d’a.

Sofoni 3:17

Ma didina Alo magina mi nga ki sed’egiya, Mam mi grang ma sud’ugina, mba mi mbud’ugi vama furî ma ngolâ yam o mam mba kagid’a, mba mi mbud’ugi awilid’a, mba mi le hur ma hapma ngola kagi mi.

Zakari 2:9

An mba ni hlabon akulo á ngop andjaf máma. Azi mba mbut vama hurumba handjaf suma a nga lazi sundina. Kur bur máma agi mba wagi ala ni Ma didin ma ad’engêm kal petna ba, mi sununïya.

Ndumba 11:29

Moise mi hulong dum ala: Ang le ni yungôra kan ndju? Ladjï Ma didina mi b’rau Muzuk mama mi sum mama pet á djok vuna ni, tan mba d’i lan djivid’a ngola.

Ndumba 23:21

Mi we nga tchod’a ata andjafâ hi Jakob-ma d’i. Mi we nga bei d’ingêra ata Israel-lâ d’uo mi. Ma didina Alo mazina mi nga ki sed’eziya. A nga hum del la subur amulâ nadigaziya.

2 Korente-na 6:16

Na ni gong nga kud’ora hAlonid’a ti zlap darigïd’a ki gong nga tuwal fileina zu? Kayam ei tei ni gong nga kud’ora hAlo ma arinid’a, d’igi Alona tamba mi de na ala: An mba ni kak aduk sum mana, an mba ni tit adigazi mi. An mba ni ka’î Alo mazina, azi mba ka’î sum mana mi.

Gat ta a hat á mbàd’id’a 23:14

Ar kang magina mi ka’î yed’et, kayam Ma didina Alo magina nga mi tit kur kangâ á ngomogiya, á dik magi suma djangûna woi avorogi mi. Ar mi we vama ndjendjed’a avo hatagi we ba, mi hulong ngei kazigam mbi.

1 Pierre 2:6

Alona mi de woi kur mbaktum mamba ala: An nga ni tin ahina d’a djik gonga kur Siyon; ni vama man ma kal teglesa. Sama he gagazid’a katna, zulona mba mi lum mbi.

Vama ndum mbeina 21:3

An hum del la ngola ti tcholï akulo ata yima zlam mba amula ti dala: Ki tchetchemba, yima kaka hAlonina mi nga aduk suma, mba mi kak ki sed’eziya, azi mba mbut sum mama. Alona tamba mba mi kak ki sed’eziya, mam mba arî Alo mazina.