Joel 2:21 - Bible azumeina

²¹ Andagad’a, ar ndak le mandar ri, ndak le furîd’a kayam Ma didina mi lahle suma nglona!

Joel 2:21 Kruisverwysings

Ad’u Tinda 15:1

Bugol ahle suma lena, Ma didina mi nde tam mbei ir Abram, mi dum ala: Abram, ang le mandar ri; an ni mbarei manga, wurak manga mba d’i zul avok ngola.

Sawal la giled’a 71:19

Alo mana, d’ingêr manga ti kal akulo gak hur alona, kayam ang lahle suma nglo suma kal papana. Alo mana, ni nge ba, a mba ngam ki ang nge?

Sawal la giled’a 98:8

Ar aluma mi tum abom ririp, ahuniyôna a tok tu á le furîd’a

Isai 35:1

Hur fulâ kambas sa so d’a gangrasa a mba ayâ, hur fulâ mba mi le hur ma hapma, mba mi b’o d’igi aguna mi b’o na.

Isai 41:10

Agi lagi mandar ri! An nga ki sed’egiya. Agi mbud’ugi tagi hohoud’a d’i, kayam an nAlo magina, an nga ni siragiya, an nga ni mba á ndjunugiya, an nga ni ndjunugi kabon ma ndjuf ma kus ayîna.

Isai 44:23

Ndak akulod’a, ndak ayâ, kayam Ma didina mi le wa va. Ndak andaga d’a ad’ut ta kä yiyika, ndak er ad’uk akulo ki furîd’a. Agi ahuniyôna, agi eregi ad’ugi akulo, agi ayâgiya. Ndak agud’a kagu ma adiga’â pet, agi lagi furîd’a mi. Kayam an Ma didina ni wurak wa yam suma hi Jakob-ma, nga ni tak subur manda woi aduk Israel-lâ mi.

Isai 54:4

Ndak le mandar ri, kayam ndak mba d’i mbut zulona d’i; ndak tchuk susub’ok ki, kayam sa mba mi mangâk kei d’i. Wani ndak mba d’i mar rei yam zulo mak ma lak ki gogoro’â, ndak mba d’i djib’er yam zulo mak ma kur modono makina d’uo mi.

Isai 55:12

Agi mba buzugugï woi kur Babilon ki furîd’a, agi mba mbagi avo hatagi ki b’leng nga halasa, ahuniyôna ki yima ndingâ a mba er ad’uzi akulo avorogi ki furîd’a, agu ma abageina pet mba mi tum abom ki furîd’a mi.

Jeremi 33:3

Ang yanu, an mba ni hulongông humba. An mba ni dang ngei yam ahle suma nglo suma a nga ngeid’a suma ang wazi nga d’uo na.

Wana ni mbaktumba hi Oze-d’a 2:21

An mba ni arî ma d’umu’â ki iran fafat, an mba ni arî ma d’umuk ki gagazid’a ki d’ingêra ki sumad’a ki we hohoud’ina mi.

Joel 2:20

An mba ni dik magi suma djangû suma abo ma norâ woi dei, an mba ni digizi gak ni izi hur fulâ yam andaga d’a so d’a gangrasa. An mba ni dik azigar mazi suma avo’â irazi abo ma ir apo d’a Matnina, an mba ni dik azigar mazi suma bugolâ irazi abo ma ir alum ma ngol ma Mediterane-na mi. Mad’azi mba mi bua, mba mi b’ik hisâ kä b’ib’ik. An mba ni lazi hina, kayamba azi lagi tchod’a ngola heîd’a.

Joel 2:26

Agi mba tagiya, agi mba hobogiya, agi mba gilen an Ma didina Alo magi ma mba mi lahle suma atchapma kagina. Agi sum mana, agi mba mbud’ugi zulona d’uo d’a.

Zakari 8:15

Wani ki tchetchemba, an nga wa hurun á lagi agi suma Jerusalem-ma ki suma Juda-na djivid’a. Ar agi lagi mandar ri!

Gat ta a hat á mbàd’id’a 4:32

Moise mi dazi kua ala: Agi djobogi tagi yam ahle suma a le kur atchogoi d’a kala ata yima Alona mi le sana yam andagad’a dei gak inina. Agi djib’eregi yam ahlena pet suma a le yam andagad’ina, tinï ad’ud’a avun dabid’a handagad’id’a dei gak nde sä woi abo hî. Agi wagi vama ndandal hina mi le woi yam tu, d’oze agi humugi zla vama yoyou ma hina na woi yagi tu zu?

1 Samuel 12:16

Ki tchetchemba, agi tchologi ka hî hina djang á we vama atchap ma ngol ma Ma didina nga mi lagizi iragi kä wana.

1 Samuel 12:24

Agi djib’eregi yam ad’enga hi Ma didinid’a, agi lum sunda ki gagazid’a ki hurugi pet, agi djib’eregi yam ahle suma nglo suma atchapma pet suma mam lazi kagina mi.