Joel 2:20 - Bible azumeina

²⁰ An mba ni dik magi suma djangû suma abo ma norâ woi dei, an mba ni digizi gak ni izi hur fulâ yam andaga d’a so d’a gangrasa. An mba ni dik azigar mazi suma avo’â irazi abo ma ir apo d’a Matnina, an mba ni dik azigar mazi suma bugolâ irazi abo ma ir alum ma ngol ma Mediterane-na mi. Mad’azi mba mi bua, mba mi b’ik hisâ kä b’ib’ik. An mba ni lazi hina, kayamba azi lagi tchod’a ngola heîd’a.

Joel 2:20 Kruisverwysings

2 Amuleina 8:13

Wani Hazayel mi dum ala: Salana, an ma ndak va d’uo koko wana, an ndak á lahle suma tchotcho ndazina ni nana ge? Wani Elise mi dum ala: Ma didina mi tagan ala ang mba mbut amul ma Siri-na.

Sawal la giled’a 126:3

Ma didina mi lahle suma ndandalâ ki sed’eya! Ei nga kur furîd’a!

Buzuk ka Abud’a 10:19

Ma didina mi mbeï ki simet ma ngol ma abo ma fladegenina, mi tor djera atogo zak, mi kottcha kä kur alum ma ngol ma Tchereuna. Kur ambas sa Ezipte-d’a pet djer tu pî ti ar nga d’i.

Buzuk ka Abud’a 8:14

Suma kuma suma Ezipte-na a lahle mazi suma mbuta á mba ki vurutna mi, wani a ndak ki. Vurutna mi nga yam suma ki d’uwarâ.

Isai 34:3

Mad’azi mi nga tchuka kä andaga, mad’azi nga mi his hir, buzuwazi nga mi djangî kä ata ahinad’a mi.

Ezekiyel 47:18

Haga d’a abo ma yorogonid’a mba d’i tinï ad’ud’a ni aduk Damas ki Hauran, mba d’i hleï kur lovota halum ma Jurdê-nid’a aduk ambas sa Galät-ta kambas sa Israel-la, mba d’i i gak kur azì ma Tamar ma avun apo d’a Matnina. Wana ni haga d’a abo ma yorogonid’a.

Amos 4:10

An sunugï tugud’ei d’a tcho d’a tchi matna adigagi d’igi an sunud’ï adjeu Ezipte na, an tchi azungeî magina woi avun ayîna, an ar a yo akulumei magina, an ar hisâ hi mad’a suma a bo kur kang maginina gak mi tchuk atchinagiya. Hina pet pî, agi hulongôgï nga geven ndi. An Ma didina ni de na.

Zakari 14:8

Kur bur máma mbiyo ma he arid’ina mba mi djangî woi kur Jerusalem. Abom ma hina mba mi i iram kur apo d’a Matna abo ma yorogona, abom ma hina mba mi i iram kur alum ma ngol ma Mediterane-na abo ma fladegena mi, a mba le hina andol kawaliya.

Malatchi 3:11

An mba ni d’el vun ahle suma a b’lagagi ahligiyegina; a mba b’lagagi vud’ahle magi suma yam andaga magid’ina d’uo; guguzlu magid’a mba d’i ba bei vuta d’uo mi.

Gat ta a hat á mbàd’id’a 11:24

Ata yima lara ma agi mba tinigi asegi kuana pet, mba mi arî magina, haga magid’a mba d’i tinï ad’ud’a ni hur fulâ dei gak ti mba avo Liban, ti kal gak ti i avun alum ma Efrat-na ti djak gak ti i avun alum ma ngol ma Mediterane-na abo ma fladegena.