Joel 2:19 - Bible azumeina

¹⁹ Ma didina mi hulongôzi humba, mi de mi sum mama ala: Gola! An nga ni sunugi gemena, süm guguzlu d’a awilid’a ki mbulâ. Agi mba hobogiya. An mba ni aragi á mbut zulona aduk andjaf suma dingâ d’uo d’a.

Joel 2:19 Kruisverwysings

Jeremi 31:12

Azi mba mba yam yima nding ma Siyon-na ki sawal la furîd’a, tazi mba d’i lazi djivid’a yam ahle suma a mba fazi abo Ma didinina, nala, gemena, süm guguzlu d’a awilid’a, mbulâ, tumiyôna, b’ogeina kamuzleina mi. Azi mba mbut ni d’igi asine ma a nga rabam mbinina na. Va mba mi mbud’uzi mandar bugol luo d’a.

Ezekiyel 34:29

An mba ni vazi asine ma simiyêm nde yinina, meid’a mba d’i tchazi kur ambasa d’uo d’a, andjaf suma dingâ a mba kragazi ngula d’uo mi.

Ezekiyel 36:15

An mba ni aragi agi humugi ngula handjaf suma dingîd’a ki humagi d’i. Suma a mba mbud’ugi zulona d’i, agi mba mbud’ugi vama dap asem andjaf sum magina d’uo mi. An Salad’a Ma didina ni de na.

Ezekiyel 36:29

An mba ni mbud’ugi woi yed’et kur ndjendje magi d’a lara ge pet, an mba ni hagi gemena, an mba ni wulumu, an mba ni ar baktarad’a ti nde kagi d’uo d’a.

Ezekiyel 36:30

An mba ni ar agu magina mi vut ngola, asine magina mba mi wul ahlena ngola tala agi mbud’ugi zulona aduk andjaf suma dingâ abo baktarad’a d’uo d’angû d’a.

Ezekiyel 39:29

An mba ni mbud’uzi huyogon nduo d’a, kayam an mba ni vo Muzuk mana yam Israel-lâ. An Salad’a Ma didina ni de na.

Wana ni mbaktumba hi Oze-d’a 2:15

An Ma didina ni dala: An mba ni wuragat yam bur ma ndat ti ngal dubang ma his djivid’ina mi Bäl ti nik ngangama atchinat ti tchuk hed’euna kelet ti ring bugol buniyôtna ti maran ndei na.

Wana ni mbaktumba hi Oze-d’a 2:21

An mba ni arî ma d’umu’â ki iran fafat, an mba ni arî ma d’umuk ki gagazid’a ki d’ingêra ki sumad’a ki we hohoud’ina mi.

Wana ni mbaktumba hi Oze-d’a 2:22

An mba ni d’umu’î d’um mba d’engzenga, ndak mba d’i wan an Ma didina.

Joel 1:10

A b’lak asinena woyo, andagad’a ti mbut hohoud’a, kayam a b’lak gemena woyo, süm guguzlu d’a awilid’a ad’ut ti kä, mbulâ mi sid’am mi.

Joel 2:24

Yima to awuna mba mi oî kawuna, zul la miret guguzlud’a mba d’i oî ki süm guguzlu d’a awilid’a ki mbulâ, a mba sulul kä woi mi.

Sunda hi suma hi Levi-nid’a 26:5

Agi mba togi awuna gak mi tinigi ata yima dut guguzlud’a, agi mba dud’ugi guguzlud’a gak ti tchagi ata yima zuma. Agi mba tagi tena hobogiya, agi mba kagagi kur ambas magid’a ki halasa mi.

Zakari 8:12

An mba ni mba ki b’leng nga halasa yam andagad’a, guguzlud’a mba d’i vud’a, andagad’a mba d’i wul awuna, akulod’a mba d’i salona ngola, an mba ni le djivi ndata mi man suma a mba arâ.

Matiye 6:33

Wani ar agi halagi leud’a hAlonid’a ki d’ingêr mamba avok tua. Hina wani, Alona mba mi hagi ahle suma a arâ kam kua.

Gat ta a hat á mbàd’id’a 11:14

an mba ni sagi alona ata yamu, alo ma hod’ogeid’a kalo ma dabid’a mi. Agi mba dud’ugi awu magina ki guguzlu magid’a, agi mba yorogi mbul magina mi.

Wana ni mbaktum mba a b’irit yam Rut-ta 1:6

Naomi ti hum sä Mowap ala: Ma didina mi we wa hohowa sum mama, mi hazi wa tena ngola mi. Ata yi máma ti min tat á hulong yam ambas mata kakuniyôtna.