Joel 2:14 - Bible azumeina

¹⁴ Dam mba mi ar ngop mam ndata woyo, mba mi lagi djivid’a. Ata yi máma agi mba mbagi ki he d’a hawa d’a afuta ki d’a süm guguzlud’a mi.

Joel 2:14 Kruisverwysings

2 Samuel 12:22

Mi hulong dazi ala: Kid’a gorâ nga ki iram tua d’a, an d’el tan bei te tena, an tchi mi, kayam an djib’er ala: Ni nge ba, mi we ge? Dam Alona mba mi wan hohowon mba mi tcholom akulo kla ge?

2 Samuel 16:12

Dam Ma didina mba mi ngomon kur hohou manda, mba mi vrak djivid’a balum ge vun mam ma inina kanu.

2 Amuleina 19:4

Amul ma Asiri-na mi sunï mam ma avun ma ngolîna á ngul Alo ma bei matna. Dam Ma didina Alo mangâ mi hum wa ngul ndata pet, dam mba mi ngobom yam zla d’a mam humuta kla. Ki tchetchemba, ang tchen Ma didina yam mam suma a arâ.

Buzuk ka Abud’a 32:30

Tcha ndjivinda Moise mi de mi Israel-lâ ala: Agi lagi tcho d’a ngola. Ki tchetchemba, an nga ni djak gen Ma didina. Dam mam mba mi humunu, mba mi zlup yam tcho magid’a kla.

Isai 65:8

Ma didina mi dala: Ata yima guguzlud’a nga bei ned’a ata adezet tua na, suma a nga dala a b’lagat tei d’i, kayam vama djivina mi nga kua. An mba ni le kazungeî mana ni hina mi, an mba ni dabazi woi pet ti.

Jeremi 18:8

Wani le andjaf ma an de zlad’a kama mi hulong mbut hurum yam asa’at mamba ni, an mba ni ar ndak ka an ngamzi kam á lumzid’a woyo.

Jeremi 26:13

Ki tchetchemba, agi djogogi tit magid’a ki sun magi d’a led’a, agi humugi dela hi Ma didina Alo maginid’a mi. Hina wani, Ma didina mba mi ar tcho d’a mam ngat kurum á lagizid’a woyo.

Jeremi 26:3

Dam a mba huma, nge nge pî mba mi ar sun mam mba tchod’a woi kla. Hina wani, an mba ni ar tcho d’a an ngat kurun á lazizi yam sun mazi d’a asa’at ta azi lata woyo.

Joel 1:13

Agi suma ngat buzuna, agi tchugugi dodora atagiya, agi yorogi tagiya. Agi suma lagi sunda ata yima ngal ahle suma ngat buzunina, agi tchigiya. Agi suma lagi sunda mAlo manina, agi tchugugi dodora atagiya, agi mbeï burugi kä andjege. Kayam a nga mba ki he d’a hawa d’a afuta ki he d’a hawa d’a süm guguzlud’a kur gong nga kud’ora hAlo maginid’a d’uo d’a.

Joel 1:16

A yo wa tena woi ireya, furîd’a ki hur ma hapma a dap wa woi kur gong nga kud’ora hAlo meinid’a mi.

Joel 1:9

A mbeï nga ki he d’a hawa d’a afuta ki he d’a hawa d’a süm guguzlud’a kur gong nga kud’ora hi Ma didinid’a d’i. Ni kayam ndata ba, suma ngat buzu suma a nga le sunda mi Ma didinina a nga tchiya.

Amos 5:15

Ar agi noyôgi tchod’a woyo, agi lagi yam djivid’a, ar agi tinigi sariya d’a d’ingêra. Hina wani, dam Ma didina Alo ma ad’engêm kal petna mba mi we hohowa andjafâ hi Josef ma arâ kla.

Jonas 1:6

Ma ngolâ hi batod’ina mi hut gevemu, mi dum ala: Ni kayam me ba, ang bur sena ge? Ang tchol akulo, ang yalo mangâ, dam mba mi wei hohoweya, mba mi arei ei boi woi d’uo kla.

Jonas 3:9

Ni nge mi we ge, dam Alona mba mi djok djib’er mamba kei mba mi ar ayî mama bibiliuna tala ei boi woi d’uo d’a kla ni ge?

Sofoni 2:3

Agi suma luluma suma yam andagad’ina pet, agi halagi Ma didina, agi tid’igi yam vun mam ma hed’a, agi halagi d’ingêra, agi gagi yagi kä luluma avok Alona mi. Dam mba mi kengêgi woi kur bur mam ma ayîna kla.

Wana ni mbaktumba hi Aze-d’a 2:19

Na ni awu nga kä kur avurei magina d’ei zu? Guguzlud’a, tuluma, agu grenatna kagu olifâ pî, a vut nga d’i, wani kur bur ma inina an nga ni b’e vunan ndei kagiya.

2 Timote 2:25

ni ma nga mi gat suma tchila yam zlad’a ki lulumad’ina, dam Alona mba mi mbud’uzi huruzi á we zla d’a gagazid’a tetet kla ge.

Josue 14:12

Kayam ndata, ang han azì ma yam ahinad’a ma Ma didina mi dum zlam kur bur mámina. Kayam ang hum kur bur máma tamba ala suma Ana’â a nga kua, azì ma nglo ma ad’eng ma ngunguna, mi nga kua mi. Le Ma didina mi nga ki sed’enu ni, an mba ni digizi woi d’igi mam de na.

1 Samuel 6:5

Agi lagi vama hle tam d’igi tugud’ei d’a a yat ala emorotina na d’igi kulom mba nga d’i b’lagagi ambazagid’a na mi, agi hagi ngola mAlona hi Israel-lîna. Dam mam mba mi aragi agi kalo magina kandaga magid’a bei ngopa kla.