Joel 2:12 - Bible azumeina

¹² Ma didina mi dala: Ki tchetchemba, agi hulongôgï geven ki hur ma tuna, agi d’elegi tagi bei te tena, agi tchigiya, agi gagi horâ mi.

Joel 2:12 Kruisverwysings

2 Samuel 24:10

David mi we tcho mamba kayam ndum mba mi ndum sumid’a, mi de mi Ma didina ala: Kid’a an le hina d’a, an le ni tcho d’a ngola! Ki tchetchemba, Ma didina, ang vat hurung ngei yam tchod’a hi an azong mangîd’a, kayam an le ni sun nda lilid’a.

2 Sunda Hamuleinid’a 30:6

Suma a tchuguzi sundina a i ki mbaktum mba amulâ mi b’irit ki mam suma sundid’a kur azì ma Jerusalem-ma kazì ma Juda-na pet. Yam vun ma hed’a hamulîna, a de mi suma ala: Agi Israel suma sud’ugi woi avun ayîna abo amulei suma Asiri-nina, agi hulongôgï gen Ma didina Alona hi Abraham-ma, Alona hi Isa’â, Alona hi Israel-lîna.

2 Sunda Hamuleinid’a 6:27

ang Ma didin ma sä akulona, ang huma, ang vat hurung ngei yam tcho mazid’a, kayam azi nazungeî mangâ, ni sum mangâ mi. Kal pet, ang had’azi ni lovot ta tit ta djivid’a. Bugola, ang salona yam andaga mang nga ang hazizi djonid’a mi.

Ester 4:16

Ang i tok Juif-fâ pet suma a nga avo Sus-sâ, agi d’elegi tagi bei te tena bei tche va kan gak burâ hindi falei kandjege. An pî mba ni d’el tan bei te tena ki yugunei mana mi. D’igi gata d’el hina pî, an mba ni i krovo avok amulâ; le a tchan ni tchi pî, a tchanu!

Buzuk ka Abud’a 33:5

Ma didina mi de mi Moise ala: Ang de mi Israel-lâ ala: Alona mi dala: Agi ni suma bei hum vuna. Le an nga ni tit adigagi tetewu ni, an mba ni dabagi tchid’a woyo. Agi yogi ahle magi suma djif suma atagina woyo. Hina wani, an mba ni we vama ni lum ki sed’egina.

Isai 22:12

Salad’a Ma didin ma ad’engêm kal petna mi yagi kur bur máma ná tchina, ná yor tad’a, ná welegi yagi woyo, ná tchugugi baru d’a dodora atagi mi.

Isai 58:4

Agi d’elegi tagi bei te tena ná tchi tuguyod’a, agi yalagi tagi ná tumugi tagi mi! Agi d’elegi tagi bei te tena ni d’igi d’el ta d’a ini kur bur ma wanid’a na tala an humugi delegi sä akulo d’a d’i.

Jeremi 3:22

Agi suma bei hum vuna, agi hulongôgïya, an mba ni sud’ugi woi kur tcha tata magid’a. Israel-lâ a hulong dum ala: Ami nga imiza gevengû, kayam angî Ma didina Alo mamina.

Jeremi 36:7

Dam tchen mazi d’a hud’a mba d’i i avok Ma didina, azi nge nge pî mba mi hulongî ar tit mam mba tchod’a woyo, kayam ayîna ki hur ma zala hi Ma didina ma mi zalam yam sum ndazinina mi kal ngola heî.

Jeremi 4:1

Ma didina mi de kua ala: Agi Israel-lâ, le agi min hulongôgi gevenu, le agi hulongôgiya, le agi yogi tcho magi d’a ndjendjed’a woi avoronu ni, agi mba tchagi ta abo hî agi mba tchagi ta abo hî d’uo d’a.

Jeremi 4:2

Le agi gunugi tagi ki gagazid’a ki d’ingêra ki d’engzenga ala: Ma didina ni ma bei matna ni, ata yi máma andjaf suma dingâ a mba dan ala an b’e vunan kaziya, a mba subur tazi kan mi.

Ezekiyel 33:11

Ang dazi ala: An Salad’a Ma didin ma bei matna ba na ni dala: An min nga d’ala sama tchona mi mid’a d’a d’i, ar mi mbut hurum yam tcho mamba, ar mi kak karid’a. Agi hulongôgiya, agi hulongôgi woi kur sun magi d’a tchod’a. Agi Israel-lâ, ni kayam me ba, agi tchagi tagi woi ge?

Daniel 9:3

An d’el tan bei te tena, an tchuk baru d’a ndjondjorod’a atanu, an tchuk butna kanu, an mbut iran gen Salad’a Alona á tchenem ki labiyad’a.

Wana ni mbaktumba hi Oze-d’a 12:6

Ma didina Alo ma ad’engêm pet ma simiyêm ala Ma didina na,

Wana ni mbaktumba hi Oze-d’a 12:7

mi de mi Jakob ala: Ang hulongî gen an Alo mangâ mbeî, ang le djivid’a, ang tit yam d’ingêra, ang tin hurung kan an Alo mangâ burâ ki burâ mi.

Wana ni mbaktumba hi Oze-d’a 14:1

Agi Israel-lâ, agi hulongôgï gen Ma didina Alo magina, kayam agi pugugi kä yam tcho magid’a.

Wana ni mbaktumba hi Oze-d’a 6:1

Agi mba dagi ala: Agi mbeyegïya, ei hulongeî gen Ma didina. Mam ma kizagei mbuleinina, mba mi tchiliya, mam ma toina, mba mi djini mbiliya.

Joel 1:13

Agi suma ngat buzuna, agi tchugugi dodora atagiya, agi yorogi tagiya. Agi suma lagi sunda ata yima ngal ahle suma ngat buzunina, agi tchigiya. Agi suma lagi sunda mAlo manina, agi tchugugi dodora atagiya, agi mbeï burugi kä andjege. Kayam a nga mba ki he d’a hawa d’a afuta ki he d’a hawa d’a süm guguzlud’a kur gong nga kud’ora hAlo maginid’a d’uo d’a.

Zakari 7:3

á djop suma ngat buzuna ki suma djok vuna ala: Na ni ami tchimi d’elemi tami bei te tena kur til ma vahlâ baba d’igi ami nga lami avok dei hina zu?

Zakari 7:5

Ang de mi suma yam ambas sa wandina ki suma ngat buzuna mi ala: Ata yima agi nga tchigi d’elegi tagi bei te tena kur til ma vahlâ kur til ma kid’iziyana gak ini biza d’a dok kid’iziyana, ná lan tan djivid’a zu?

Malatchi 1:9

Ma didin ma ad’engêm kal petna mi dala: Ki tchetchemba, agi suma ngat buzuna, agi tchenegi Alona kayam mi wei hohoweya! Ni kayam agi ba, ahle ndazina a mba, na ni mba mi vagi atam djivid’a zu?

Sunda hi suma a sunuzinid’a 26:20

Wani an tchi wal zla ndata adjeu mi suma Damas-sâ, mi suma Jerusalem-ma, mi suma Jude-na pet kandjaf suma dingâ mi. An tchazi wala kayam azi mbut huruzi yam tcho mazid’a, a hud’ï gen Alona, a le sunda ndak yam mbut hur mazina.

Suma ka sariyad’a 2:4

Kid’a malaikana hi Ma didinina mi de zla ndata mi Israel-lâ peta, a nde tchina ki delezi akulo.

Suma ka sariyad’a 20:26

Israel-lâ pet kablau suma pet a mba Betel, a kak kua avok Ma didina, a d’el tazi bei te tena gak fladege, a hum he d’a hawa d’a ngala ki he d’a hawa d’a ngat buzu d’a zlap darigïd’a mi.

1 Samuel 7:3

Samuel mi de mi Israel-lâ ala: Le agi hulongôgï gen Ma didina ni ki hurugi tu ni, agi aragi bei kud’or alo d’a a yat ala Astarte-d’a kalo ma dingâ pet teyo. Agi zlabagi ki Ma didina, agi kud’uromî mam tu go. Hina wani, mam mba mi sud’ugi woi abo Filistê-na.

1 Samuel 7:6

Azi tok avo Mispa, a gul mbina, a vom mbei avok Ma didina, a d’el tazi bei te tena. Kur bur máma a de woi ala azi le tchod’a avok Ma didina. Navo Mispa ba, Samuel mi kak ma ngolâ avok Israel-lâ.