Joel 2:11 - Bible azumeina

¹¹ Ma didina mi de zlad’a woi avok adesâ hi azigar mamina, kayam ades azigar mama mi kal ablaud’a heî, ni vama mandarâ mi. Gagazi, burâ hi Ma didinina ni bur ma ngolâ, ni vama mandarâ mi. Ni nge ba, mba mi tchol kur bur máma ge?

Joel 2:11 Kruisverwysings

Sawal la giled’a 18:14

Ma didina mi breî ei kur akulod’a, ma sä akulo ma kal teglesâ delem nga d’i zla ngungur, mogoina kakud’a ki gordjona a yak kä.

Sawal la giled’a 46:6

Alona mi nga kurumu, azì máma nga mi giget ti; ki yorogo tcholola Alona nga mi ngomomu.

Sawal la giled’a 68:18

Pus ma dur ayîna hi Ma didinina mablaud’a heî, mi ni dudubud’a ablaud’a mi. Salad’a mi tcholï ki sed’em Sinai, mi mba ata yam ma kak ma a tinim iram vama kur Siyon.

Isai 13:4

Agi humugi siwel la yam ahuniyôna ndata, ni d’igi ablau suma a to’â na. Agi humugi sora handjaf suma a tcholï kur leud’a teteng a tok ndazina. Ma didin ma ad’engêm kal petna nga mi kal á gol b’rang nga nga d’i i á dur ayînid’a.

Isai 42:13

Ma didina nga mi djï d’igi grang ma durâ na, zlezleû mamba nga d’i zud’um d’igi ma dur ayîna na, nga mi yi tau d’a durâ, nga mi er ad’um akulo, nga mi kus yam mam suma djangûna mi.

Isai 7:18

Fata bur máma mbad’a, Ma didina mba mi yi aro ma avun alum ma Nil-lîna taud’a kayum ma yam ambas sa Asiri-d’ina mi.

Jeremi 25:30

Wani ang djogozi vuna yam ahle ndazina pet, ang dazi ala: Ma didina nga mi toï breîd’a akulo; suma a nga humum delem ata yam ma kak ma yed’etna, mi nga breî ata yam ma kaka, nga mi de zlad’a ki delem akulo d’igi suma a nga miret guguzlud’ina na á ngop suma a nga kaka yam andagad’ina pet.

Jeremi 30:7

Ni ndaga me na ge! Ni bur ma tchona; bur ma d’igi mam na na nga d’i! Ni yima ndaka yam andjafâ hi Jakob-ma. Hina pet pî, a mba sut tei bei va mi lazi ba.

Jeremi 50:34

An ma tchuguzi akulona ni ma sib’ika. Simiyên ala Ma didin ma ad’engên kal petna. An mba ni ndjun kaziya, ambasa ti kak ki halasa, an mba ni mbut suma a nga kaka Babilon-na mandarâ mi.

Ezekiyel 22:14

Ang mba ve hurung ad’enga d’oze ang mba ve tang ad’enga kur bur ma an mba ni kang sariyad’a kangâ zu? An Ma didina mba ni le sunda yam zla d’a an data.

Joel 1:15

Alë! Ni bur ma me na ge? Kayam burâ hi Ma didinina mi ar wa go, nga mi djï d’igi b’lak ka tcholï ata Ma ad’engêm kal petnid’a na.

Joel 1:6

Ades ahle suma b’lak ahlena a mba wa kur ambas manda. A ni suma ad’engâ, ablawazi ndak á ndumba d’i. Siyazi ni d’igi sï azlona na, agingâzi ni d’igi aging azlo d’a modod’a na mi.

Joel 2:1

Agi bugi adifa kur Siyon, agi tchagi wulula akulo yam ahina man nda a tinit irat vata. Ar suma a nga kaka yam ambasina pet a zlaga! Kayam burâ hi Ma didinina nga mi djïya, mi ar wa go mi.

Joel 2:2

Ni bur ma nduvunda, ni bur ma wura ma i’îli’â, ni bur ma d’ugula, ni bur ma akukutna. Nga mi djï d’igi yina mi fo woi yam ahuniyôna na. Gola! Nades ahle suma b’lak ahlena ablaud’a, ad’enga heî mi. Ades ahle suma hina na a mba nga yazi tu d’i, a mba mba bugol kur atchogoi d’a mba d’i mbad’a d’uo mi.

Joel 2:25

An mba ni wuragagi yam biza d’a dodob’odjod’a ki djera ki teb’rezena ki djer galagana suma an sunuzi á b’lagagi ahligiyegi woi kuad’a.

Joel 2:31

Afata mba d’i mbut nduvunda, tilâ mba mi mbut buzuna avok mbad’a hi burâ hi Ma didininid’a. Bur máma ni bur ma ngolâ, ni bur ma mandarâ mi.

Joel 3:14

Gola! Suma ablaud’a ablaud’a mimiyâk a nga kur hora á ka sariyad’a, kayam burâ hi Ma didinina mi ar wa go á ka sariyad’a kur hor ndata.

Joel 3:16

Ma didina nga mi oî kur Siyon, nga mi breî ki delem akulo kur Jerusalem. Akulod’a kandagad’a a nga zlaga. Wani Ma didina nga mi ngom sum máma, mam mi yima ngeid’a hi Israel-lîna.

Amos 1:2

Amos mi dala: Ma didina nga mi to breîd’a kur Siyon, delem nga d’i nde woi avo Jerusalem. Yima te hatna hi suma polina mi lugod’a, hat ma yam ahina d’a Karmel-lina mi so woi mi.

Amos 5:18

Ni zla d’a hohoud’a kagi agi suma tagi nga d’i lagi zlezleû yam bur ma mbad’a hi Ma didinina. Agi mba fagi ni me kur bur ma mbad’a hi Ma didinina ge? Bur máma mba mi mbut ni bur ma nduvunda, nga ni bur ma b’od’a d’i.

Amos 5:20

Burâ hi Ma didinina ni bur ma b’od’a d’i, ni bur ma nduvunda, mba mi wile d’uo mi.

Abdiyas 1:15

Kayam burâ hi Ma didinina mi ar go á mbad’a á ka sariyad’a yam andjaf suma pet. Mba mi lagi ni d’igi agi tagi lagi na, sun magid’a mba d’i hulong kagagiya.

Nahum 1:6

Ni nge ba, mba mi tchol avorom ata yima hurum zalâ ge? Ni nge ba, mba mi tchol avok ayî mam ma bibiliuna ge? Hur mam ma zala nga mi ngal d’igi akud’a na, nga mi to ahuniyôna woyo.

Malatchi 3:2

Ni nge ba, mba mi so tam kur bur ma mba mamba ge? Ni nge ba, mba mi tchol avorom fata mba mi ndei woi d’a ge? Kayam mi hle tamî d’igi akud’a hi suma tchafid’a na, mi hle tamî d’igi sabulâ hi sama mbus barud’a hapina na mi.

Ndumba 24:23

Baläm mi de zla d’a d’ogol mamba ala: Alë! Sama mba mi sut tei ni nge kur bur ma Alona mba mi nde tam mbeina ge?

1 Tasaloni’â 4:16

Ei mba humi yid’a ki vun ma hed’a ki dela hi ma ngolâ hi malaikanina kadif fa bud’a hAlonid’a. Salad’a tamba mba mi tchugï asem kä kur akulod’a. Suma a he gagazid’a yam Jesus suma a bona a mba tchol akulo avok kikidji.

Vama ndum mbeina 18:8

Kayam ndata, tugud’ei d’a tcho d’a a nga ngomota, mba d’i tumut bur tu. Tugud’eid’a, yor tad’a ki baktarad’a, a mba ngalat tei kakud’a, kayam Salad’a Alo ma ad’engêm kal petna mi kat sariyad’a kat da’.

Vama ndum mbeina 6:17

Kayam bur ma ngolâ hayî mazinina mba wa; ni nge ba, mba mi tchol avorom ge?