Joel 1:4 - Bible azumeina

⁴ Vama dodob’odjod’a ti arama, djera mba d’i tumu; vama djera ti arama, teb’rezena mba mi tumu; vama teb’rezena mi arama, djer galagana mba mi tum mi.

Joel 1:4 Kruisverwysings

1 Amuleina 8:37

Fata baktarad’a ti nde yam andaga ndatid’a, d’oze tugud’ei d’a tcho d’a tchi matna ti nde, d’oze ahlena a nga so abo huwaka akulo kaseziya, d’oze teb’rezena ki djera a mba adesâ adesâ, d’oze suma djangûna a nga djop vun Israel-lâ, a nga lazazi gak kur aziyazi ma ad’eng ma ngunguna, d’oze le b’lak ka lara ti mba, d’oze tugud’ei d’a lara pî,

2 Sunda Hamuleinid’a 6:28

Fata baktarad’a ti nde yam andaga ndata, d’oze tugud’ei d’a tcho d’a tchi matna ti nde, d’oze ahlena a nga so abo huwaka akulo kaseziya, d’oze teb’rezena ki djera a mba adesâ adesâ, d’oze suma djangûna a nga djop vun Israel-lâ, a nga lazazi gak kur aziyazi ma ad’eng ma ngunguna, d’oze le b’lak ka lara ti mba, d’oze tugud’ei d’a lara pî,

2 Sunda Hamuleinid’a 7:13

Le an duk wa ir akulod’a, alona nga se d’uo, d’oze le an he vuna mi djera á b’lak ahle suma yam ambasina, d’oze le an sunï wa tugud’ei d’a tcho d’a tchi matna yam sum mana,

Sawal la giled’a 105:34

Alona mi he vuna kua; djera ti buzuga, djer ra ndjongâ ti zul ablaud’a; sana mi ndak á ndumut tuo mi.

Sawal la giled’a 78:46

Mi tchuk abara ata awu mazina, djera ti b’lagazi ahle suma azi kau tazi ki sed’ezina woyo.

Buzuk ka Abud’a 10:4

Le ang ar nga sum mana á id’a d’uo ni, ndjivin an mba ni mba ki djera yam andaga manga.

Buzuk ka Abud’a 10:5

Ti mba d’i oî yam andagad’a; sa mba mi wandagad’a woi d’i. Ti mba d’i b’lak ahle magi suma ar abo mogoinina, ti mba d’i b’lak agu magi ma d’uf ma abageina woi pet mi.

Isai 33:4

Agi andjaf suma, a mba b’lagagi ahle magi suma agi hurumuzina d’igi djera ti b’lak ahlena woi na. A mba b’at tazi kazi d’igi djera ti b’at tat á tahlena na mi.

Jeremi 51:14

Ma didin ma ad’engêm kal petna mi gun tam ki mam tamba ala: Gagazi, an mba ni oî suma kuruk d’igi djera na, a mba siwel siwel la ayîna kagu.

Jeremi 51:27

Agi pagi drapo d’a taka akulo kur ambasa, agi bugi adifa aduk andjaf suma, agi minigi andjaf suma á durud’u, agi yagï suma kur leu d’a Arat-ta, kur ra Mini-d’a, kur ra Askenas-sa mi. Agi i yagï nglo suma dur ayîna á durud’u, agi aragi akulumeina a pir kurut d’igi djera ti pir na.

Joel 2:25

An mba ni wuragagi yam biza d’a dodob’odjod’a ki djera ki teb’rezena ki djer galagana suma an sunuzi á b’lagagi ahligiyegi woi kuad’a.

Amos 4:9

An kak awu magina himbirâ, an som mbei, an tchum mogod’a, an b’lagagi asinegi ma guguzlud’a ki tulumei magina kagu olif magina woi ki djera. Hina pet pî, agi hulongôgï nga geven ndi. An Ma didina ni de na.

Amos 7:1

Wana ni vama Salad’a Ma didina mi tagandji ata yima vana nde tam mbei irana: Ata yima asuna nga mi tin ad’ud’a á d’ufâ bugol ma a ngad’am ma amulîna, mi le djera.

Malatchi 3:11

An mba ni d’el vun ahle suma a b’lagagi ahligiyegina; a mba b’lagagi vud’ahle magi suma yam andaga magid’ina d’uo; guguzlu magid’a mba d’i ba bei vuta d’uo mi.

Gat ta a hat á mbàd’id’a 28:38

Agi mba zaragi awuna ngola kur asinegiya, wani agi mba dud’ugi nakid’eid’a, kayam me djera mba d’i b’lagam mbeyo.

Gat ta a hat á mbàd’id’a 28:42

Vud’agu magina kawu magina, a mba mbut ni tena habureinina.