Joel 1:2 - Bible azumeina

² Agi suma nglona, agi humugi zla d’a wanda. Agi suma nga kaka kur ambasina, agi tinigi humugiya. Vama hina na mi le kur atchogoi magid’a d’oze mi le kur atchogoid’a habuyogid’a zu?

Joel 1:2 Kruisverwysings

Wana ni mbaktumba hi Job-pa 12:12

Ned’a ang fat nata momorogeina, d’alâ ang fumî ata sama le bizad’a ngola yam andagad’ina.

Wana ni mbaktumba hi Job-pa 15:10

Suma yazi abusina ki momorogeina a nga adigamiya, bizazi ablaud’a kal abung mi.

Wana ni mbaktumba hi Job-pa 21:7

Ni kayam me ba, suma asa’atna a kak ki irazi ge? Ni kayam me ba, a mbut momorogeid’a, a fad’enga mi ge?

Wana ni mbaktumba hi Job-pa 8:8

Ang djop suma kur atchogoi d’a avokina, ang hum ad’u ahle suma abuyozi ngolo a lazina djiviya.

Sawal la giled’a 49:1

Ni sawal la Kore groma a hlat a hat mi ma ngolâ hi suma hle sawalina.

Isai 34:1

Agi andjaf suma, agi hud’ï go á humba agi suma, agi tinigi humagiya. Ar andagad’a kahle suma kurutna pet a huma, ar duniyad’a kahle suma a nga kurutna pet a hum mi.

Isai 7:17

Ma didina mba mi mba ki ndaka kang ang ki sum mangâ kandjaf habung ngolona. Tinï ad’ud’a kur bur ma suma Efraim-ma a wal lei ki suma Juda-na dei gak ini, ndak ka hina d’a ti le nga yat tu d’i. Zla ndata ni ngad’a yam mbad’a hamul ma Asiri-nid’a.

Jeremi 30:7

Ni ndaga me na ge! Ni bur ma tchona; bur ma d’igi mam na na nga d’i! Ni yima ndaka yam andjafâ hi Jakob-ma. Hina pet pî, a mba sut tei bei va mi lazi ba.

Jeremi 5:21

Agi suma lilid’a, agi suma bei wad’ud’a, agi humugiya. Agi nga ki ira, wani agi nga wagi d’i; agi nga ki humba, wani agi nga humugi d’uo mi.

Daniel 12:1

Malaika máma mi dan kua ala: Kur atchogoi ndata Michel ma ngolâ hi malaika ma ngom sum mangîna mba mi tchola. Atchogoi ndata natchogoi d’a ndaka. Kid’a andjaf suma a nga yam andagad’a deid’a gak kur atchogoi ndata, ndak ka hina d’a ti le nga yat tu d’i. Kur atchogoi ndata mang suma a b’irizi simiyêzi kur mbaktumba hAlonid’ina a mba fe suta.

Wana ni mbaktumba hi Oze-d’a 4:1

Agi Israel-lâ, agi humugi zlad’a hi Ma didinid’a. Mi dala: An nga ki zlad’a ki suma a nga kaka kur ambasina, kayam d’engzenga d’oze sumad’a a nga kur ambasa d’i. A wan nga ala an nAlona d’i.

Wana ni mbaktumba hi Oze-d’a 5:1

Ma didina mi de kua ala: Agi suma ngat buzuna, agi humugiya, agi suma avok Israel-lîna, agi tinigi humagiya, agi suma avo hamulîna, agi humugiya, kayam sariya d’a ka ndata ni kagiya, kayam agi mbud’ugi ni dau ma yam sum manina avo Mispa, agi mbud’ugi nabei d’a gunda kä yam sum manid’a yam ahina d’a Tabor-ra,

Joel 1:14

Agi tchagi wala yam d’el tad’a bei te tena, agi togogi tok ka a tinit irat vata, agi togogi suma nglona ki suma kur ambasina pet kur gong nga kud’ora hi Ma didina Alo maginid’a, agi tchenem tchen nda hud’a mi.

Joel 2:2

Ni bur ma nduvunda, ni bur ma wura ma i’îli’â, ni bur ma d’ugula, ni bur ma akukutna. Nga mi djï d’igi yina mi fo woi yam ahuniyôna na. Gola! Nades ahle suma b’lak ahlena ablaud’a, ad’enga heî mi. Ades ahle suma hina na a mba nga yazi tu d’i, a mba mba bugol kur atchogoi d’a mba d’i mbad’a d’uo mi.

Amos 3:1

Agi Israel-lâ, agi andjaf ma an buzugumi woi yam ambas sa Ezipte-d’ina, agi humugi zla d’a an dagizid’a.

Amos 4:1

Agi arop suma Samari suma nga dub’aragi d’igi amuzlei suma arop suma Basan-na na na, agi suma nga lagi suma kid’aka murud’umbina, agi suma nga mired’egi suma houd’a kä, agi suma nga dagi mandjuvuyogi ala: Agi yogiya, ei tcheya na, agi humugi zla d’a an nga ni data.

Amos 5:1

Agi Israel-lâ, agi humugi zla d’a an nga ni data. Wana ni sawal la yor ta d’a an nga ni hlat kagid’a:

Mise 1:2

Agi suma pet, agi humugiya! Ndak andagad’a kahle suma kuru’â pet, agi tinigi humagiya! Salad’a Ma didina nga mi deï zlad’a ata yam ma kak ma mi tinim iram vama á vagi ki zlad’a.

Mise 3:1

Mise mi dala: Agi andjafâ hi Jakob ma avok sumina, agi suma ka sariya suma Israel-lâ, an nga ni dagiya, agi humugiya. Ni agi ba wagi sariya d’a ka d’a d’ingêra d’uo zu?

Mise 3:9

Agi andjafâ hi Jakob suma avok sumina, agi suma nglo suma Israel-lâ, agi suma nga gologi sariya d’a d’ingêra isâ, agi suma gunugi d’ingêrina, agi humugiya.

Matiye 13:9

Sama nga ki humba á humbina, ar mi huma.

Matiye 24:21

Ndak ka ngol la mba d’i le suma kur bur mámid’a, kad’u tinda hi duniyad’id’a dei gak ki tchetchemba, andjaf ndak ka hina d’a ti le nga yat tu d’uo tua. Wani andjaf ndak ka hina d’a mba d’i le bugol luo d’a.

Vama ndum mbeina 2:7

Sama nga ki humbina, ar mi hum vama Muzu’â hAlonina nga mi dum mi Tokina. Suma a mba kus ayînina, an mba tinizi á te vud’agu ma he ari ma nga kur asinena hAlonina.