Joel 1:18 - Bible azumeina

¹⁸ Ahle suma abageina a nga zam tazi ngola, d’uwar ma nglona nga mi tcha tata kayam yima te hatna mi nga d’i, d’uwar ma gureina pî nga mi fe ndaka mi.

Joel 1:18 Kruisverwysings

1 Amuleina 18:5

Ahap mi de mi Obadiya ala: Ang mbeï i kur ambasa pet, ang i gol ir mbiyo ma laud’a pet ki mbiyo ma gurei ma tatana pet. Dam ei mba fei hat ma nguloma makulumeina ki korona, kayam d’uwarâ mi ba woi atei d’i.

1 Amuleina 8:5

Ata yi máma amulâ Salomon ki Israel-lâ pet a tok a ngui zandu’â kä, a ngat aho’â kamuzleina buzuna mAlona ablawazi kal ngola á ndumba memeta.

Jeremi 12:4

Ambasa mba d’i so woi hina gagak mindja ge? Asu ma abageina mba mi so woi hina gagak mindja ge? Ni yam tchilad’a hi suma kurutnid’a ba, azureina kambureina kaluweina a nga dap pei wana, kayam suma a nga dala: Mam nga mi wahle suma ei nga leizina d’i.

Wana ni mbaktumba hi Oze-d’a 4:3

Kayam ndata, baktarad’a mba d’i nde yam ambasa, suma kurutna pet kahle suma abageina kaluwei suma akulona a mba dap peyo, kuluf ma kur alum ma ngolîna pî mba mi dap pei mi.

Joel 1:20

Ahle suma abageina a nga tchi kangû, kayam mbiyo ma laud’a mi so wa woyo, akud’a ti ngal wa yima te hat ma hur fulîna woi mi.

Amos 1:2

Amos mi dala: Ma didina nga mi to breîd’a kur Siyon, delem nga d’i nde woi avo Jerusalem. Yima te hatna hi suma polina mi lugod’a, hat ma yam ahina d’a Karmel-lina mi so woi mi.

Habakuk 3:17

Le tuluma mi b’o d’uo, le guguzlud’a ki olifâ a vut tuo, le asinena mi wul awuna d’uo, le aho’â kamuzleina a nga kur kangâna d’uo,

Wana ni mbaktumba hi Aze-d’a 1:10

Ni kayam ndata ba, akulod’a nga d’i gagi mbad’ïd’a d’i, andagad’a nga d’i wulugi ahlena d’uo mi.

Romê-na 8:22

Kayam ei wei ala ki tchetchemba, ahle suma Alona mi lazina pet a nga zam taziya, a nga fe ndaka d’igi atcha d’a nga d’i fe ndaka á vutid’a na.