Joel 1:13 - Bible azumeina

¹³ Agi suma ngat buzuna, agi tchugugi dodora atagiya, agi yorogi tagiya. Agi suma lagi sunda ata yima ngal ahle suma ngat buzunina, agi tchigiya. Agi suma lagi sunda mAlo manina, agi tchugugi dodora atagiya, agi mbeï burugi kä andjege. Kayam a nga mba ki he d’a hawa d’a afuta ki he d’a hawa d’a süm guguzlud’a kur gong nga kud’ora hAlo maginid’a d’uo d’a.

Joel 1:13 Kruisverwysings

2 Samuel 12:16

David mi tchen Alona yam gor máma, mi d’el tam bei te tena. Ata yima mi kal klavina, mi burî kä andaga.

1 Amuleina 21:27

Ata yima amulâ Ahap mi hum zla d’a ded’a hi Ma didinid’ina, mi hulong yam kä, mi haû baru mama woyo, mi tchuk baru ma ndjondjorona atamu, mi d’el tam bei te tena, nga mi tit ni ki baru ma ndjondjoro mama, mi bur ki kä mi, nga mi tit hina lalam.

Isai 22:12

Salad’a Ma didin ma ad’engêm kal petna mi yagi kur bur máma ná tchina, ná yor tad’a, ná welegi yagi woyo, ná tchugugi baru d’a dodora atagi mi.

Isai 61:6

Wani a mba yagi ala Suma ngat buzuna hi Ma didinina, a mba yagi ala Azungeîna hAlo meinina. Agi mba tagi ndjondjoîd’a handjaf sumid’a, agi mba hlagi subur mazid’a.

Jeremi 4:8

Kayam ndata, agi tchugugi baru d’a dodora atagiya, agi tchagi abogi kurugiya, agi tchigi horâ, kayam Ma didina nga mi arei bei ngopa kayî mam ma bibiliuna d’i.

Jeremi 9:10

Jeremi mi dala: An mba ni tchi tchi ma hat hurâ akulo yam ahuniyôna, an mba ni hle sawal la horâ hur ful ma d’uwarâ mi te hatna kuana. Kayam azi ngal leyo, sa nga mi kal kua d’i, a nga hum del d’uwar tchi d’i, aluwei suma akulona kambureina kazureina pet a iya.

Ezekiyel 21:12

Le a djobong ala ni kayam me ba ang zam tang na ge ni, ang hulong dazi ala: Zla d’a tchod’a nga d’i mba, hur suma pet mba mi ka mbina, abo suma pet mba mi mbut amangeîd’a, muzu’â hi sumina pet mba mi b’leng titiling, guguf suma pet mba mi zlak kekebe. Gola! Zla ndata nga d’i djïya, ti mba wa da’. An Salad’a Ma didina ni de na.

Ezekiyel 27:31

A mba wel yazi woi kangû, a mba tchuk dodora ataziya, a mba tchi tchi ma hohoud’a kuruzi krovo zlapa ki yor ta d’a kal teglesa kang mi.

Ezekiyel 7:18

A mba tchuk dodora ataziya, mandarâ mba mi vaziya, a mba hle irazi akulo abo zulona d’i, a mba dap yazi wela woi pet mi.

Wana ni mbaktumba hi Oze-d’a 9:5

Agi mba lagi ni nana kur bur ma vun til ma a ngama, kur bur ma vun tilâ hi Ma didinina ge?

Joel 2:12

Ma didina mi dala: Ki tchetchemba, agi hulongôgï geven ki hur ma tuna, agi d’elegi tagi bei te tena, agi tchigiya, agi gagi horâ mi.

Joel 2:14

Dam mba mi ar ngop mam ndata woyo, mba mi lagi djivid’a. Ata yi máma agi mba mbagi ki he d’a hawa d’a afuta ki d’a süm guguzlud’a mi.

Joel 2:17

Ar suma ngat buzu suma a le sunda mi Ma didinina a tchi kur gong mam mba kud’ora aduk vun agre’â ki yima ngal ahle suma ngat buzuna, ar a dala: Ma didina, ang ngom sum mangâ, ar suma ang tazi djonina a mbut zulona tala andjaf suma dingâ a te kaziya d’a d’i. Ni kayam me ba, a mba de kazi aduk andjaf suma dingâ ala: Alo mazina mi nga ni lara ge ge?

Ndumba 28:14

Agi hagi he d’a hawa d’a süm guguzlud’a lidirâ yam amuhlâ, lidirâ mbà yam gamlâna, lidirâ tu ki nusa yam gor timina mi. Wana nahle suma ngat buzu suma ngal suma agi mba hazi kur bur ma avok kikidjina hi til ma lara ge kur bizad’a petna.

Ndumba 28:4

Ang mba he gor timi ma dingâ tu yorogo, ma hîna ki fladege d’a afata i nikid’a mi.

Ndumba 28:7

Ata yima ang mba ki gor timi ma yorogona á ngatina, ang mba ki süm guguzlud’a lidirâ tu ki nusa, ang handji nata yima a tinim iram vama.

Ndumba 29:6

Ahle suma ngat buzu ndazina pet, agi hazi ni zlapa ki he d’a hawa d’a ngal la a hat kur bur ma avo’â hi til ma lara ge petna zlapa ki he d’a hawa d’a ngal la didinda ki he d’a hawa d’a afuta ki he d’a hawa d’a süm guguzlu d’a yam vun ma he ma a huma. Wana ni he d’a hawa d’a ngal la his sa afufuîd’a mi an Ma didina.

1 Korente-na 4:1

Kayam ndata, agi golomi ni d’igi azungeîna hi Christ suma Alona mi hazi zla d’a muduri d’a gagazi mamba abozina na.

1 Korente-na 9:13

Agi wagi tetet ala suma a nga le sunda kur gong nga kud’ora hAlonid’ina, a nga fe te mazina ni kua. Suma a nga ngat ahlena ata yima ngal ahle suma ngat buzunina, a fe te mazina ni kua mi.

2 Korente-na 11:23

Azi nazungeîna hi Christ-sâ zu? An nga ni de d’igi sama vit teina na. An kalaziya, an le sunda kalazi mi. A gan dangeina yazi ablaud’a kala, a ton ngola kala, an ar gogo á matna yan ablaud’a kal mi.

2 Korente-na 3:6

Ni mam ma mbud’umi suma sunda yam vun ma djin ma awilina, nga ni vun ma djinda hi gatina d’i, wani ni hi Muzuk mamina. Kayam gata ti tchi ni sana woyo, wani Muzu’â hAlonina mi he ni arid’a mi sana.

2 Korente-na 6:4

Wani kur ahlena pet, ami nga tagami woi ala ami nazungeîna hAlonina. Ami nga vami tami kur ndaka, kur yor tad’a, kur hur ma hata mi.

Vama ndum mbeina 11:3

An mba ni sun man suma glangâsâ mbà, a mba tchuk baru d’a ndjondjorod’a ataziya, a mba djok vun Alona woi burâ dubu yam kikis mbà yam dok karagaya.