Joel 1:12 - Bible azumeina

¹² Guguzlud’a ti lugod’a, tulumeina a yak keyo, grenatna kamulongeîna kagu poma, kagu ma kur asinena pet mi so woyo. Furîd’a ti dap pei aduk suma.

Joel 1:12 Kruisverwysings

Sawal la giled’a 4:7

Suma ablaud’a a nga dala: Ni nge ba, mba mi tagami djivid’a ge? Ma didina, ang tinï irang kamiya.

Sawal la giled’a 92:12

Iran ndi mal lei yam suma a nga kud’uguna, human nga d’i hum zlad’a hi suma a tok tazi kan á tchana mi.

Sawal la kal teglesa 2:3

Ti dala: Ma an le kam heî ma aduk gro azungeînina mi ni d’igi agu pom ma aduk agunina na. An min kak ad’u anguzamu, vud’um mbi adjib’eta avunanu.

Sawal la kal teglesa 4:13

Asine ma’â nga mi vut agu grenat ma djivina heî kagu trowena kagu narâ,

Isai 16:10

Siwel la furîd’a ti dap pei kur asine magi ma aguna mi vut kua heîna, a nga hum del la furîd’a ki del la aîd’a kur asine magi ma guguzlud’a d’uo d’a, süm guguzlu nga kur zulum mbuo d’a, suma miret guguzlud’a a nga d’uo d’a, an d’el wa siwel la lü ndjongâ da’.

Isai 24:11

A nga tchi ir palumba, kayam süm guguzlud’a nga d’uo d’a, furî mazid’a nga d’uo d’a, sama le furîd’a yam ambasina nga d’i, furîd’a ti dap pei kur ambasa da’.

Isai 24:7

Suma a nga yor tazi yam süm guguzlu ma bei ned’a, guguzlud’a ti so woyo, suma a nga le furîd’ina a nga zam tazi mi.

Isai 9:3

Kayam djuk ma kelezina, ki totogo d’a a tozi pepelezi ki d’a, ki tatatagam ma a nga djobozi ki vunazina, ang kuzuzi woi d’igi ang b’lak suma Madiyan-na woi adjeu na.

Jeremi 48:3

Wulula nga d’i tchi kur Horonayim. A b’lagat wa, a b’lagat ni b’lak ka ngol la kal teglesa.

Jeremi 48:33

Furîd’a ki hur ma hapma a ndjoî woi kur asine ma wul guguzlud’a, kur ambas sa Mowap-pa. An ni sid’am süm guguzlud’a woi kur yima a mired’em kuana, a mba miret guguzlud’a ki furîd’a d’uo d’a. A mba humï del la ayîna, nga ni del la furîd’a d’uo d’a.

Joel 1:10

A b’lak asinena woyo, andagad’a ti mbut hohoud’a, kayam a b’lak gemena woyo, süm guguzlu d’a awilid’a ad’ut ti kä, mbulâ mi sid’am mi.

Joel 1:16

A yo wa tena woi ireya, furîd’a ki hur ma hapma a dap wa woi kur gong nga kud’ora hAlo meinid’a mi.

Jonas 4:7

Tcha yorogod’a Alona mi sun ndjuvulâ mi mut sidei terera, ti so woyo.

Wana ni mbaktumba hi Aze-d’a 2:19

Na ni awu nga kä kur avurei magina d’ei zu? Guguzlud’a, tuluma, agu grenatna kagu olifâ pî, a vut nga d’i, wani kur bur ma inina an nga ni b’e vunan ndei kagiya.

Malatchi 3:11

An mba ni d’el vun ahle suma a b’lagagi ahligiyegina; a mba b’lagagi vud’ahle magi suma yam andaga magid’ina d’uo; guguzlu magid’a mba d’i ba bei vuta d’uo mi.

Ndumba 13:23

Azi i gak a mbaza kur hor ra Eskol-la. Ata yi máma azi ka abo guguzlud’a kadezet ma vuta. Suma mbà a hlat kaguna, a yo vud’agu grenatna ki vud’a tuluma mi.