Ni zla d’a hohoud’a yam vama nga mi tchi tuguyod’a ki sama minima. Dei ma aduk dei ma andagad’a ma mba mi de mi sama minima ala: Ang le ni me na ge na nga zu? D’oze vama sana mi luma mba mi de mi sama mi luma ala: Na ni abong mi nga ko zi ge zu?
Wani ni nge adigazi ba, mi kak ata yima an nga ni de d’alîna ge? Ni nge ba, mi we d’oze mi hum zla d’a an Ma didina ni data ge? Ni nge ba, mi tin humam mi hum zla manda mi wat ad’ut djivid’a ge?
D’igi mbaktumba hAlonid’a ti de na ala: Ni nge ba, mi we djib’era hi Ma didinid’a ge? Ni nge ba, mi ndak á had’am ge? Wani eya, ei nga ki djib’era hi Christ-sa kuriya.
Agi djib’eregi yam malaika suma a ngom nga ad’eng nga Alona mi hazizid’a d’uo suma a ar yazi ma kaka woina. Kayam ndata, Alona nga mi ngomozi kä kur nduvunda djinda ki kindjing ma didina á djup bur ma ngol ma a mba kazi sariyad’a kazina.