Jeremi 9:7 - Bible azumeina

⁷ Ni kayam ndata ba, an Ma didin ma ad’engên kal petna ni dala: Gola! An nga ni yoroziya, ni kuguziya. Le hina d’uo ni, an mba ni le ni nana yam sum mana ge?

Jeremi 9:7 Kruisverwysings

2 Samuel 13:26

Apsalom mi dum ala: Le ni me pî ni, ang ar wiyena Amnon mi i ki sed’emiya. Amulâ mi hulong dum ala: Ni kayam me ba, mi i avo hatang nge?

2 Sunda Hamuleinid’a 36:15

Ma didina Alona habuyozi ngolona mi sunï mam suma sunda atazi yam ablaud’a á gazi humaziya, kayam mam min sut sum mama ki yam ma kaka mi.

Sawal la giled’a 120:4

Mba mi ngobogi ni ki yeûd’a hi ma dur ayînid’a ki gordjo ma akud’a mi.

Sawal la giled’a 55:22

Vunam ma ded’a ni mbulâ, wani kurum krovo nayî ma durâ. Zla mam mba ded’a tugung tang d’igi mbulâ na, wani ti ni d’igi mbigeu d’a fiyak ka pad’at tei kur aziyata na.

Sawal la giled’a 62:5

Agi ndjagagi vunagi ná zud’um kä kur ngol mamba, tagi nga d’i lagi djivid’a ni yam zla d’a kad’a, agi b’agi vunagi yam suma ni ki vunagiya, wani kurugi krovo agi nga yagi nahlena kaziya. Tchol ndjö

Isai 1:25

An mba ni hlabon kan akulo á tongû, an mba ni mbuzung zozot manga woyo, an mba ni yagang zozot manga woi d’igi aku tchafa ti yak zozota hi kaweinid’a woi na.

Isai 48:10

An yorogiya, wani nga ni d’igi suma a yor kawei ma hapma na d’i. An yorogi ni pad’agi woi ni kur ndaka.

Isai 59:3

Kayam abogi mi mbut ndjendjed’a ki buzuna, agi tchagi suma kabogiya, agi nga dagi zla d’a kad’a ki vunagiya, sinagi nga d’i par papar á ngul suma mi.

Jeremi 31:20

Ma didina mi dala: Efraim goron ma an le kam heîna ni goron ma tan lan djivid’a kama. Ata yima lara ma an nga ni ngoboma, an nga ni djib’er kam teteu, an nga ni hat hurun kam ngola, an nga ni ar bei wum hohowom mbi.

Jeremi 5:1

Ma didina mi dala: Agi igi ir palum mba Jerusalem-mba teteng, agi i gologiya, agi halagi ad’ud’a, agi halagi ata yima suma a tok kuana. Le agi fagi sa kua tu, le agi fagi sama mi tit yam gagazid’a ma nga mi hal d’engzengina ni, an mba ni vat hurun ndei yam suma Jerusalem-ma.

Jeremi 6:27

Ma didina mi dala: Ang Jeremi, an tiningî d’igi sama kuk kaweina na, an tin sum mana ni d’igi kaweina na, kayam ang wazi lovot mazid’a, ang kuguzi mi.

Wana ni mbaktumba hi Oze-d’a 4:1

Agi Israel-lâ, agi humugi zlad’a hi Ma didinid’a. Mi dala: An nga ki zlad’a ki suma a nga kaka kur ambasina, kayam d’engzenga d’oze sumad’a a nga kur ambasa d’i. A wan nga ala an nAlona d’i.

Zakari 13:9

An mba ni tchuk suma kur abo ma hindi mámina akua, an mba ni yorozi d’igi a yor kawei ma hapma na, an mba ni kuguzi d’igi a kuk lora na, a mba tchenenu, an mba ni humuzi mi. An mba ni dala: Sum ndazina a ni sum mana; azi mba dala: Ma didina nAlo meina mi.

Malatchi 3:3

Mba mi kak kä d’igi sama mi yor kawei ma hapma á mbud’ut yed’etna na, mba mi mbut Levi andjavam yed’et, mba mi yorozi d’igi a nga yor lora ki kawei ma hapma na. Azi mba he he d’a hawad’a ata lovod’ot mi Ma didina mi.

1 Pierre 1:7

Hina, kuk ndata mba d’i tak djivid’a hi he gagazi magi d’a guzut kal lor ra b’lak kei d’a nga a kugut kakud’id’a woyo. Hina, he gagazi magi d’a guzut kal lorid’a a nga kugut hina á wad’eng mata. Hina wani, fata Jesus Christ mba mi nde woid’a, Alona mba mi gilegiya, mba mi suburugiya, mba mi hugi mi.

1 Pierre 4:12

Buniyôn suma od’a, ar agi lagi atchap yam kuk ka ad’eng nga nga d’i kugugid’a d’i. Agi gologizi ni d’igi vama atchapma na d’uo mi.