Jeremi 9:5 - Bible azumeina

⁵ Azi ka ni zlad’a mi ndrozina, a nga de zla d’a gagazid’a d’i. Azi nga par sinazi papar á ka zlad’a, a seî abo tchod’a led’a mi.

Jeremi 9:5 Kruisverwysings

Ad’u Tinda 19:11

a duk ir suma a nga abu avun azinina woi pet, gugureina ki suma nglona; azi nde hal vun azina pî, a fum mbi.

Wana ni mbaktumba hi Job-pa 11:3

Nata zla mang nga ded’a wü ndata ba, ang mba d’el vun suma zu? Ang mba las suma hina gagak tala sa mi vang ki zla d’uo d’a zu?

Wana ni mbaktumba hi Job-pa 15:5

Tcho manga ti nde woi avunangû, ang man ni zla d’a ded’a hi suma lembid’a.

Sawal la giled’a 140:3

Sum ndazina a nga de zla d’a tchod’a kan kuruzi krovo, a nga ndjak vunazi kur burâ kaf á dur ayîna.

Sawal la giled’a 50:19

Vunang belemet á de zla d’a tchod’a, sinang nga d’i par papar á ka zlad’a mi.

Sawal la giled’a 52:3

Ang sama le suma kad’eng mangina, ni kayam me ba, ang subur tang yam tcho mang nga led’a na ge? Od’a hAlonid’a ti nga ni burâ ki burâ.

Sawal la giled’a 64:3

Ang prud’un ndei abo zla d’a ndjak vuna hi suma asa’atnid’a, abo suma a ndjak vunazi kana ki suma batrangâ mi.

Sawal la giled’a 7:14

Alona nga mi tok ahle suma dur ayî suma tchi matna yam ma asa’at máma; nga mi yed’em yeû mam mba akud’a.

Zla d’a d’ogolâ 12:5

Djib’era hi suma d’ingêrîd’a ni djib’er ra irata, wani sunda hi suma asa’atnid’a ni zla d’a kad’a.

Zla d’a d’ogolâ 4:16

Kayam le a le nga tchod’a d’uo ni, a nga bur sen ndi; le a b’lak nga sa d’uo ni, sen nga mi vazi d’uo mi.

Isai 5:18

Ni zla d’a hohoud’a yam suma a nga tan tchod’a ki ziyona suma a nga tan tcho d’a led’a d’igi amuzleina a tan pusâ na na.

Isai 57:10

Kur tit magi d’a kad’engid’a agi kawagiya, wani agi nga dagi ala: Ei areya d’i, agi fagi ad’eng nga dinga kua, agi nga seyêgi d’uo mi.

Jeremi 12:13

Agi zaragi gemena, wani agi dud’ugi naweid’a; agi hagi tagi ndaka, wani agi nga fagi va kua d’i. Zulona mba mi lagi yam dut magi ndata, abo ayî ma bibiliuna hi an Ma didinina.

Jeremi 12:6

Kayam b’oziyongâ tazid’a ki suma habungâ a nga mbud’ung irang a nga er ad’uzi akulo ad’ung mi. A le nga dang zla d’a djivid’a pî, ang he gagazid’a kazi d’i.

Jeremi 13:23

Ma Etiyopi-na mi ndak á mbut babagam zu? Sindilâ mi ndak á mbut d’udjo mamba zu? Hina mi, agi suma had’agi ki tcho d’a led’ina, agi ndak á lagi djivid’a d’uo mi!

Jeremi 4:22

Ma didina mi dala: Gagazi, sum mana yazi nga d’i. A wan nga d’i, a ni gro suma lilid’a, suma bei wad’ud’a, a ne heî ná le tchod’a hol, a we nga djivi d’a led’a d’i.

Jeremi 51:58

Ma didin ma ad’engêm kal petna mi de kua ala: Gulumun ma ngol ma Babilon ma bubud’a a mba hôm kä woi ki zla tam pet. Vun agrek mat ma fuyogeina a mba ngalam mbei kakud’a. Suma a tchi tazi á le sunda ni hawa na, andjaf suma a kau tazi ni makud’a mi.

Jeremi 51:64

ang dala: Babilon mba d’i hlup kä hina dedege, mba d’i tchol akulo abo ndak ka an mba ni mbattchi kata d’i, wani mba d’i puk kä, mba d’i dap peyo. Zla d’a ded’a hi Jeremi-d’a dap da’.

Jeremi 7:28

Bugola, ang dazi ala: Agi nandjaf ma bei hum vun Ma didina Alo magina. Agi ni suma min hum ngopa d’uo na, agi aragi d’engzenga woyo, agi tuvot tei mi.

Jeremi 9:3

Ma didina mi dala: Sinazi d’i nga ni ndira woi ata zla d’a kad’a d’igi suma a ndir yeûd’a á yeta na, nga ni ki d’engzenga ba, azi nga fad’enga kur ambasa d’i, a nga i navogovok kasa’ata, a wan nga d’uo mi.

Jeremi 9:8

Sinazi ni d’igi yeû d’a zala na. A de ni zla d’a kad’a. Azi nga de zla d’a djivid’a mi ndrozina ni ki vunaziya, wani huruzi krovo a gunuzi ni dauna kä avoroziya.

Ezekiyel 24:12

Le d’a a lat kad’enga hina pet pî ni hawana, tchor ra oî d’a kurum ndata nga d’i pat tei d’i; le ni kakud’a pî, nga d’i pat tei d’i.

Mise 6:12

Suma ndjondjoî suma kur azì mámina huruzi mi ni oîd’a ki murud’umba, suma a nga kaka kuruma a ni suma ka zlad’a, sinazi ti de ni zla d’a mbut ira.

Mise 6:3

Mi dala: Agi sum mana, an lagi ni me ge? An kawagi ni ki me ge? Agi dandiya!

Habakuk 2:13

Le Ma didin ma ad’engêm kal petna mi he nga vuna á le va d’uo ni, suma a le sunda ni makud’a, a kau tazi ni hawa mi.

Malatchi 2:10

Na ni ei pet abui ni tu d’uo zu? NAlo ma tu máma ba, mi lei d’uo zu? Ni yam me ba, ei nga mbud’i ir tei á b’lak vun ma djin ma Alona djinim kabuyoina ge?

Efes-sâ 4:25

Kayam ndata, agi aragi zla d’a kad’a woyo, wani ar sama lara pî mi de ni zla d’a gagazid’a mi ndrama, kayam ei ni hliu ma tuna.

1 Timote 4:2

A mba vit tazi woi yam hata hi suma lop ira ki suma ka zlad’a. Azi ni suma djib’er mazi d’a krovod’a ti mit tei d’igi a niragat ni ki kawei ma a gum kakud’ina na na.

Suma ka sariyad’a 2:10

Suma kur atchogoi ndatina pet a bo, a i ad’u abuyozi ngolo suma a bona. Suma a vrak blogozi kur atchogoi d’a dingina, a we nga Ma didina d’oze sun nda mi ndagat vunat yam Israel-lîd’a d’uo mi.