Jeremi 9:4 - Bible azumeina

⁴ Agi pet, nge nge pî mi gol tam djivi ki ndram mazina, agi tinigi hurugi yam wiyegi ma ding ngi, kayam b’oziyogina pet ni suma ka zlad’a, ndrogina pet ni suma a nga las sumina.

Jeremi 9:4 Kruisverwysings

Ad’u Tinda 32:28

Sa máma mi hulong dum ala: A dok yang ala Jakob puo d’a, wani a mba yang ala Israel. Kayam ang ndjiget kAlona ki sumuna, ang kuza.

Sawal la giled’a 101:5

Sama mi ka hula yam ndromina, an mba ni bam mbeyo; suma a nga fo avilid’a mi ndrozinina, an mba ni arazi woyo.

Sawal la giled’a 15:3

Ni sama nga mi de zla d’a kad’a d’uo na, ni sama nga mi le ndram tcho d’uo na, ni sama nga mi ngul ndram ma azina d’uo na mi.

Zla d’a d’ogolâ 10:18

Sama nga mi ve sana kurum gumuna ni sama ka zlad’a, wani sama lilid’a nga mi tchuk zla d’a aboina yam ndrama aduk suma.

Zla d’a d’ogolâ 25:18

Sama le glangâs ma aboina yam ndramina, mi ni d’igi tatagama d’oze mbigeu d’a fiyak ka siyat mbàd’a d’oze mi ni d’igi yeû d’a vunat feta dedelemba na.

Zla d’a d’ogolâ 4:16

Kayam le a le nga tchod’a d’uo ni, a nga bur sen ndi; le a b’lak nga sa d’uo ni, sen nga mi vazi d’uo mi.

Zla d’a d’ogolâ 4:17

Kayam sun nda asa’ata ni te mazina, murud’umba ni süm mazi ma tched’a mi.

Zla d’a d’ogolâ 6:16

Ahle suma karagaya d’oze kid’iziya suma Ma didina mi minizi d’uo suma mi golozi nahle suma ndjendjed’a irama ba wana:

Zla d’a d’ogolâ 6:19

glangâs ma aboi ma de zla d’a kad’ina, ma tchuk b’oziyoma huneîd’a aduk tazina.

Isai 59:13

Ami lami tchod’a avorongû, ami mbud’ung irangû, ami walami woi dei ki ang Alo mamina, ami dami ni zla d’a asa’ata, ami ni suma so vuna, ami dami ni zla d’a kad’a, ami ni suma guruyômi kä kurumi krovona.

Isai 9:16

Kayam ndata, Salad’a tam nga d’i lum djivid’a yam azungeî mazina d’i, nga mi we hohowa mazi suma hokuyod’a karop mazi suma modonod’a d’uo mi. Kayam azi pet ni suma ndjendjed’a, ni suma asa’atna, ni suma a nga de zla d’a ata yat tuo d’ina mi. Hina pet pî, Ma didina hurum mi b’leng nga d’i, abom mi ar nga zid’a akulo kamzi.

Jeremi 12:6

Kayam b’oziyongâ tazid’a ki suma habungâ a nga mbud’ung irang a nga er ad’uzi akulo ad’ung mi. A le nga dang zla d’a djivid’a pî, ang he gagazid’a kazi d’i.

Jeremi 6:28

Jeremi mi dala: Azi pet ni suma bei hum vuna ba na, azi ni suma las suma. Azi ni d’igi kawei ma hleuna ki ma wurana na, azi pet ni suma a b’lak keina.

Jeremi 9:8

Sinazi ni d’igi yeû d’a zala na. A de ni zla d’a kad’a. Azi nga de zla d’a djivid’a mi ndrozina ni ki vunaziya, wani huruzi krovo a gunuzi ni dauna kä avoroziya.

Ezekiyel 22:9

Suma tchuk zla d’a aboina yam suma á tchi sumina a nga kurungû. Suma a tahle suma a hazi mi fileina akulo yam ahuniyônina a nga kurungû, suma a nga le sun nda batrangina a nga kurung mi.

Sunda hi suma hi Levi-nid’a 19:16

Ang tchuk zla d’a aboina yam sum mangâ d’i, ang tchol ki zla d’a aboina á tchi ndrangâ d’uo mi, kayam an ni Ma didina.

Malatchi 2:10

Na ni ei pet abui ni tu d’uo zu? NAlo ma tu máma ba, mi lei d’uo zu? Ni yam me ba, ei nga mbud’i ir tei á b’lak vun ma djin ma Alona djinim kabuyoina ge?

Matiye 10:17

Agi gologi tagi djiviya, kayam suma a mba igi ata yima ka sariyad’a. Azi mba togi kur gongîyo mazi suma toka.

Matiye 10:21

Suma a mba he b’oziyozina woi á tchid’a, abuyod’a a mba he grozina woi á tchid’a mi, grod’a a mba kak djangûna ki simiyêziya, a mba hazi woi á tchid’a mi.

Wana ni Zla d’a Djivi d’a Luc mi b’irita 21:16

Simiyêgiya, b’oziyogina, andjavagi ki buniyôgina a mba hagi abo suma, a mba tchi suma dingâ ablaud’a adigagiya.

1 Tasaloni’â 4:6

ar sa mi tchila yam gata á le ir wiyem ma kur Christ-sâ kur ahle ndazina d’i. Ami dagi woi mbak, ami gagi humagi mi, suma a le tcho d’a hina d’ina, Salad’a mba mi kazi sariyad’a kaziya.