Jeremi 9:3 - Bible azumeina

³ Ma didina mi dala: Sinazi d’i nga ni ndira woi ata zla d’a kad’a d’igi suma a ndir yeûd’a á yeta na, nga ni ki d’engzenga ba, azi nga fad’enga kur ambasa d’i, a nga i navogovok kasa’ata, a wan nga d’uo mi.

Jeremi 9:3 Kruisverwysings

Ad’u Tinda 39:16

Ti ngom barud’a hi Josef-fa abot gak ndjuvut mba avo.

Zla d’a d’ogolâ 12:5

Djib’era hi suma d’ingêrîd’a ni djib’er ra irata, wani sunda hi suma asa’atnid’a ni zla d’a kad’a.

Isai 1:3

Amuhlâ mi we salama, korona mi we kupma hi salamina mi, wani Israel-lâ a nga wan ndi, sum mana a nga wäd’u zlad’a d’uo mi.

Isai 3:5

Suma a mba djop vun taziya, nge nge pî mba mi djop vun ndrama, gogorâ mba mi nde ma mamarâ huneîd’a, ma ndak va nduo na mba mi nde ma suma a nga hum ngolina huneîd’a mi.

Isai 6:5

Ata yi máma an dala: Alë! An ba woi da’, kayam an ni sama vunan ndjendjed’ina, an ni kaka aduk suma vunazi ndjendjed’ina mi. Wani iran ndi wamulâ, Ma didin ma ad’engêm kal petna!

Isai 9:18

Abo ayîna hi Ma didin ma ad’engêm kal petnina, ambasa ti vakud’a, abo ayîna hi Ma didinina, suma a mbut ni vam tena hakud’ina, sa nga mi keng wiyem mbei d’uo mi.

Jeremi 12:6

Kayam b’oziyongâ tazid’a ki suma habungâ a nga mbud’ung irang a nga er ad’uzi akulo ad’ung mi. A le nga dang zla d’a djivid’a pî, ang he gagazid’a kazi d’i.

Jeremi 22:16

Mi ka sariyad’a hi suma houd’a ki suma hohoud’a ata lovod’od’u. Ni kayam ndata ba, mi kak ki djivid’a. Mi le hina ni kayam we d’a mi wanda d’uo zu?

Jeremi 31:34

Sa mba mi dok hat ndram mboze mba mi de wiyema ala: Ang we Ma didina na nga d’i, kayam azi pet a mba wanu, tin ad’ud’a ata suma yâna dei gak mba yam suma gangrangâ. An Ma didina ni de na. Kayam an mba ni vat hurun ndei yam tchila mazid’a, an mba ni djib’er yam tcho mazid’a d’uo d’a.

Jeremi 4:22

Ma didina mi dala: Gagazi, sum mana yazi nga d’i. A wan nga d’i, a ni gro suma lilid’a, suma bei wad’ud’a, a ne heî ná le tchod’a hol, a we nga djivi d’a led’a d’i.

Jeremi 5:4

Ata yi máma an dala: A le ni sunda hi kem mba gureid’a. A we nga va d’i, a we nga minda hi Ma didinid’a d’i, a we nga gata hAlo mazinid’a d’uo mi.

Jeremi 5:5

Wani an mba ni i gen suma nglona, ni de zlad’a ki sed’eziya, kayam azi ni suma a we minda hi Ma didinid’a ki gata hAlo mazinid’a. Wani azi tazi pet ni hina mi, a kus djuk ma kelezina woyo, a but vun mazi ma djin ma a djinim kAlonina woi mi.

Jeremi 6:28

Jeremi mi dala: Azi pet ni suma bei hum vuna ba na, azi ni suma las suma. Azi ni d’igi kawei ma hleuna ki ma wurana na, azi pet ni suma a b’lak keina.

Jeremi 7:26

Wani a humun nga d’i, a tin nga humazi á humba d’i, a le yam mba ad’enga, a le tchod’a kal abuyozi ngolo mi.

Jeremi 9:5

Azi ka ni zlad’a mi ndrozina, a nga de zla d’a gagazid’a d’i. Azi nga par sinazi papar á ka zlad’a, a seî abo tchod’a led’a mi.

Jeremi 9:8

Sinazi ni d’igi yeû d’a zala na. A de ni zla d’a kad’a. Azi nga de zla d’a djivid’a mi ndrozina ni ki vunaziya, wani huruzi krovo a gunuzi ni dauna kä avoroziya.

Ezekiyel 8:13

Mi dan kua ala: Ang mba wahle suma nglo suma ding suma ndjendje suma a nga lazina kua d’ei.

Daniel 11:27

Amulei suma mbà ndazina a mba kak avun tabul ma tuna, a mba nga huruzi á le zla d’a tchod’a, a mba de tazi ni zla d’a kad’a. Wani azi mba ndak ki, kayam yima a ngama mba nga d’uo tua.

Sunda hi suma hi Levi-nid’a 19:11

Agi kulugi d’i, agi kagi tagi zlad’a d’i, agi lobogi ir tagi d’uo mi.

Marik 8:38

Kayam nge nge pî ma le zulona kan an ki zla manda aduk suma tcho bei d’ingêr suma kur atchogoi d’a wandina, fata an Gor Sana mba ni mbeï kur subura hAbunda ki malaika suma mi tinizi irazi vazina, an mba ni le zulona kam mi.

Jean 17:3

Ari d’a didinda ba wana, nala, a wang ala ang tu nAlo ma gagazina, a wan ala an Jesus Christ ni ma ang sununïna mi.

Sunda hi suma a sunuzinid’a 24:9

Juif-fâ a ndjak vunazi ki sed’em tu, a dala: Ni na.

Romê-na 1:16

Kayam an nga ni le zulona á tchi wal Zla d’a Djivid’a d’i, kayam ndat nad’enga hAlonid’a á sut suma a he gagazid’ina pet, Juif-fâ avogo, bugola, andjaf suma dingâ mi.

Romê-na 1:28

D’igi azi noî á wAlona na, Alona mi arazi kur djib’er mazi d’a tchod’a á lahle suma ata yazi d’uo na.

Romê-na 3:13

Horzlom delezi ni d’igi asu d’a vunat nga mala woid’a na. A nga lop suma ki zla mazid’a, zla d’a de d’a avunazid’a ni d’igi ayî mageid’a na,

1 Korente-na 15:34

Ar agi zlid’igi akulo, ar agi tid’igi d’ingêr, ar agi lagi tchod’a d’i, kayam suma dingâ adigagi a we nga Alona d’i. An de hina ná mbud’ugi zulona.

Filip-ma 1:28

Ar agi lagi mandar suma djangû magina d’i. Wana ni vama simata kazi ala azi ni suma ba woina. Wani ni vama simata yam sut magid’a ala ti tcholï nata Alona.

2 Timote 3:13

Wani suma le tchod’a ki suma lop suma a mba i avogovok kur tcho mazid’a, a mba vit suma woyo, azi tazi a mba vit tazi woi mi.

Jude 1:3

Buniyôna, an min tan ngola á b’irigi mbaktumba yam sut ta ei fata. Wani le ni nana pî, an b’irigi mbaktum ndata á siragi ngingring á dur ayîna yam he gagazi d’a Alona mi hat yam tu mi sum mama peta.

Vama ndum mbeina 12:11

B’oziyoina a kal kamî kad’enga hi buzuna hi Gor timinina ki zla d’a gagazi d’a azi tchat walata, a he tazi woi gak matna mi.

Suma ka sariyad’a 14:17

Kur bur ma kid’iziya ma vun tilâ nga d’i tchi kam burâ ki burâ. Kur bur ma kid’iziyana mi vat ad’u zla d’a d’ogol ndata, kayam ti ndagam heî. Ti i vat ad’ut mi simiyêt grozina.

Suma ka sariyad’a 2:10

Suma kur atchogoi ndatina pet a bo, a i ad’u abuyozi ngolo suma a bona. Suma a vrak blogozi kur atchogoi d’a dingina, a we nga Ma didina d’oze sun nda mi ndagat vunat yam Israel-lîd’a d’uo mi.

1 Samuel 2:12

Eli groma ni suma zlazi nga d’uo na, a we nga Ma didina d’i.