Jeremi 9:21 - Bible azumeina

²¹ Kayam matna mi djak wa ir fenetre meid’a, mi kal wa kur azì mei ma nglona, nga mi tchi kemba ir palumba, nga mi tchi azungeîna avun graka kä glovod’o.

Jeremi 9:21 Kruisverwysings

2 Sunda Hamuleinid’a 36:17

Kayam ndata, Ma didina mi sunï amul ma Babilon-na ataziya. Mi tchi azungeî mazina ki mbigeu d’a fiyaka kur gong mazi d’a kud’ora. Alona mi ar nga gor azong ngoze gor wei d’oze mamar roze ma yam abus si, mi hazi woi abo amul ma Babilon-na pet.

Isai 40:30

Azungeîna a nga seyâ, a nga kau mi. Azungeî suma awâna a nga lá puka kä mi.

Jeremi 15:7

Kur azì ma nglo ma lara ma kur ambasina, an sirizi woi d’igi suma a sir awuna na, an dabazi grozina woyo, an dap sum mana woyo, wani azi wal nga ki sun mazi d’a tcho ndata d’i.

Jeremi 18:21

Kayam ndata, ang ar baktarad’a ti mba yam grozina, ang tchuguzi azi tazid’a avun ayî ma durâ. Ar amiyôzina a kak hawa bei grona, a ar modonod’a! Ar matna mi tchazi andjuviyoziya, ar azungeî mazina a tchazi woi avun ayîna ki mbigeu d’a fiyaka!

Jeremi 44:7

Jeremi mi de kua ala: Ki tchetchemba, Ma didina Alo ma ad’engêm kal petna, Alona hi Israel-lîna, mi dala: Ni kayam me ba, agi lagi tagi tchod’a ngola á dabagi andjofâ, aropma, kemba ki gugurei suma tchapona woi kur Juda tala sa adigagi tu pî mi ar ruo d’a ge?

Jeremi 50:30

Ma didina mi dala: Ni kayam ndata ba, azungeî matna a mba puk kä ir palumba, mat suma durâ pet a mba seng silil kur bur máma.

Jeremi 6:11

Kayam ndata, an oî kayîna hi ang Ma didinina, an ndak á vum kä d’uo mi. Ma didina mi dala: Ang vomza woi yam gugureina ir palumba, yam toka hi gro azungeînid’a, kayam mandjufâ kamamba a mba yozi zlapa ki mamarâ ki mamar ma kikrana mi.

Jeremi 6:21

Kayam ndata, Ma didina mi dala: An nga ni tin ahina d’a dap asema avok sum ndazina, mba d’i dabazi aseziya. Azi pet, abuyod’a, grod’a, ndrozi sumazina ki buniyôzina a mba dap peyo.

Jeremi 7:33

Mad’a suma ndazina mba mi mbut ni tena haluwei suma akulona kamburei suma kur andaga ndatina, sama mba mi digizi woi nga d’uo mi.

Jeremi 8:2

A mba tchuk asok máma kä ir afata, ir tilâ, ir ahle suma lara suma akulona mi. Ahle ndazina nahle suma azi huruzi minizina, a lazi sundina, a tit ad’uzina, a zlap ki sed’ezina, a djobozi á kud’urozina mi. A mba yozi asogozi máma d’i, a mba tozozi d’uo mi, wani asok máma mba mi mbut ni d’igi siligitna na kä yam andagad’a.

Joel 2:9

Azi ndja abozi hur azì ma ngolâ, a nga ring akulo yam gulumuna, a nga tchuk klavi hur gongîyona ir fenetred’a d’igi suma kula na.

Amos 5:2

Agi Israel-lâ, agi ni d’igi gor wei d’a ti puk kä andaga d’a ti mita na. Agi mba hulong tchologi akulo d’i. A mba aragi kä yam andaga magid’a, Sama mi yogi akulona nga d’uo mi.

Amos 6:9

Le suma a ar kur azì ma tuna dogo ni, a mba bo woyo.

Sofoni 1:17

Ma didina mi dala: An mba ni kal suma kur ndaka. Azi mba tit ni d’igi suma duka na, buzuwazi mba mi hle yina d’igi guguma mi hle yina na, hliwizi mba mi tchim mbeyo, kayam azi le tchod’a avoron an Ma didina.