Jeremi 9:2 - Bible azumeina

² Ladjï an mbut ni yima kaka abagei hur fulâ yam suma tita ni, an mba ni ar sum mana woyo, an mba ni wal lei dei ki sed’ezi mi, kayam azi pet ni suma le mizeuna, a nades ma mbut ira mi.

Jeremi 9:2 Kruisverwysings

Isai 59:3

Kayam abogi mi mbut ndjendjed’a ki buzuna, agi tchagi suma kabogiya, agi nga dagi zla d’a kad’a ki vunagiya, sinagi nga d’i par papar á ngul suma mi.

Jeremi 12:1

Jeremi mi dala: Ma didina, angî Ma d’ingêr ma kal teglesâ. An ndak nga á le sariyad’a ki sed’eng ngi. Wani an min djobong yam sariya mang nga kad’a ala: Ni kayam me ba, suma asa’atna a nga fe djivid’a ge? Ni kayam me ba, suma mbut ira a nga kaka ki halasa ge?

Jeremi 12:6

Kayam b’oziyongâ tazid’a ki suma habungâ a nga mbud’ung irang a nga er ad’uzi akulo ad’ung mi. A le nga dang zla d’a djivid’a pî, ang he gagazid’a kazi d’i.

Jeremi 13:22

Le ndak mba d’i de kuruk ala: Ni kayam me ba, ahle ndazina a mba kan hina ge ni, djivid’a ndak wala ni kayam tcho mak ka ablaud’a ba, a yok vun baru maka akulo, a lak ki murud’umba wana.

Jeremi 23:10

Suma le mizeuna a oî kur ambasa. Kayam ndata, ambasa ti nga kur yor tad’a, hat ma abagei hur fulîna mi so woi mi. Kayam suma a nga b’at tazi á le tchod’a, a ve tazi ad’enga ná le sun nda ata yat tuo d’a hol.

Jeremi 4:22

Ma didina mi dala: Gagazi, sum mana yazi nga d’i. A wan nga d’i, a ni gro suma lilid’a, suma bei wad’ud’a, a ne heî ná le tchod’a hol, a we nga djivi d’a led’a d’i.

Jeremi 5:1

Ma didina mi dala: Agi igi ir palum mba Jerusalem-mba teteng, agi i gologiya, agi halagi ad’ud’a, agi halagi ata yima suma a tok kuana. Le agi fagi sa kua tu, le agi fagi sama mi tit yam gagazid’a ma nga mi hal d’engzengina ni, an mba ni vat hurun ndei yam suma Jerusalem-ma.

Jeremi 5:11

Ma didina mi de kua ala: Israel-lâ ki suma Juda-na a mbud’un iran ngola.

Jeremi 5:2

Jeremi mi dala: Le a nga dala: Ami gunumi tami ki simiyê Ma didin ma bei matna ba na pî, ni gun ta d’a ir gurzulid’a hawa na.

Wana ni mbaktumba hi Oze-d’a 4:2

Arî gun tad’a, ka zlad’a ki mbut ira, arî tchi tad’a, kula, mizeuna ki murud’umba, a nga tchi matna kam kua kam kua mi.

Wana ni mbaktumba hi Oze-d’a 5:7

Azi mbud’un iranu, a vut ni gro suma nga ata yazi d’uo na. Ki tchetchemba, ar tilâ tu a mba b’lagazi ahle mazina woyo.

Wana ni mbaktumba hi Oze-d’a 6:7

Agi bud’ugi vun ma djinda kä woi d’igi Adam na. Ni kua ba, agi mbud’um iranu.

Wana ni mbaktumba hi Oze-d’a 7:4

Azi pet ni suma le mizeuna, a hle tazi ni d’igi aku d’a für ra sama lavungôna mi vata na, ata yima nga mi tib’ek afutina, nga mi zud’ut akulo d’i gak afuta ti fak tua.

Mise 6:12

Suma ndjondjoî suma kur azì mámina huruzi mi ni oîd’a ki murud’umba, suma a nga kaka kuruma a ni suma ka zlad’a, sinazi ti de ni zla d’a mbut ira.

Sofoni 3:4

Mam suma djok vuna a ni suma tit mazid’a nga ata yat tuo na, a ni suma mbut ira mi. Mam suma ngat buzuna a nga mbut ahle suma a tinizi irazi vazina ndjendjed’a, a nga tchila yam gata mi.

Malatchi 2:11

Suma Juda-na a mbut suma mbut ira, a mbut ambas sa Israel-la kazì ma Jerusalem-ma ndjendjed’a, kayam a mbut vama a tinim iram vam mi Ma didinina ndjendjed’a, nala, gong nga hurum vata, kayam a vik arop suma a nga kud’or alona handjaf suma dingîna.

Malatchi 2:14

Agi nga dagi ala: Ni kayam me hina ge? Ni kayamba Ma didina ni ma glangâsâ adigang kamang nga azong nga ndjun nda ang djin vunang ki sed’et ta ang wal lei ki sed’eta.

Jacques 4:4

Agi suma bei d’engzengâ, agi wagi nga d’ala le yam duniyad’a ka’î djangûna kAlona d’uo zu? Wani sama min á le banad’a ki duniyad’ina, mi mbut ni sama djangûna hAlonina.

Suma ka sariyad’a 2:10

Suma kur atchogoi ndatina pet a bo, a i ad’u abuyozi ngolo suma a bona. Suma a vrak blogozi kur atchogoi d’a dingina, a we nga Ma didina d’oze sun nda mi ndagat vunat yam Israel-lîd’a d’uo mi.