Jeremi 9:13 - Bible azumeina

¹³ Ma didina mi de kua ala: Kayam azi ar gat man nda an tinizizi avorozid’a woyo, azi humun nga vunan ndi, azi tit nga kat tuo mi.

Jeremi 9:13 Kruisverwysings

2 Sunda Hamuleinid’a 7:19

Wani le agi ki sum mangâ, agi walagi woi ki sed’enu, le agi gagi nga yagi kä ad’u gat manda ki vun man ma he ma an hagizina d’uo, le agi igi á le sunda malo ma dingâ, le agi grivigi kä avorom á kud’uromu ni,

Esdras 9:10

Ki tchetchemba, Alo mamina, ami dami nana yam ahle suma a mba wana ge?

Sawal la giled’a 119:53

An ka guruta yam suma asa’at suma a ar gat manga woina.

Zla d’a d’ogolâ 28:4

Suma a nga tit yam gata d’uo na, a nga läd’u sama asa’atna, wani suma a nga tit yam gatina a ka’î djangûna ki sed’emu.

Jeremi 13:10

Sum ndazina ni suma asa’at suma a noî á hum zla mandina, ni suma a nga tit kur djib’er mazi d’a kuruzi d’a krovo d’a yam mba ad’engid’a, ni suma a nga zlap kalo ma dingâ á lum sunda, á kud’urom mi na. Ar azi mbut ni d’igi d’ik ma mi b’lak kei ma mi ndak á le vama djivi d’uo máma na mi.

Jeremi 22:9

Suma a mba hulongôzi ded’a ala: Ni kayamba a but vun ma djin ma Ma didina Alo mazina mi djinim ki sed’ezina woi d’a, ni kayamba a grif kä avok alo ma dingâ á kud’uromba.

Jeremi 5:19

Jeremi, le a djobong ala: Ni kayam me ba, Ma didina Alo meina mi mba ki ndak ndata kei hina pet ke ni, ang dazi ala: Ni kayamba agi noyôm mbei agi i lagi sunda malo ma dingâ kur ambas magid’id’a, agi mba lagi magomba mi suma dingâ kur ambas sa nga ni magid’a d’uo d’a hina mi.

Jeremi 7:26

Wani a humun nga d’i, a tin nga humazi á humba d’i, a le yam mba ad’enga, a le tchod’a kal abuyozi ngolo mi.