Jeremi 8:7 - Bible azumeina

⁷ Taglar ma akulona pî, mi we yi mam ma id’a, gugu peled’a, ababeina kalei grifâ a nga ngom yi mazi ma azi nga mba kuana, wani sum mana a we nga gata hi an Ma didinid’a d’i.

Jeremi 8:7 Kruisverwysings

Sawal la kal teglesa 2:12

Ahlena a nga b’o kur ambasa, yima hle sawala mba wa da’, suma a nga hum del gugu bed’egera kur ambas meid’a.

Isai 1:3

Amuhlâ mi we salama, korona mi we kupma hi salamina mi, wani Israel-lâ a nga wan ndi, sum mana a nga wäd’u zlad’a d’uo mi.

Isai 27:11

Ata yima abo aguna mi sona, a kuzum mbeyo, aropma a mba a dom akud’a. Sum ndazina ni suma bei wad’ud’a. Kayam ndata, Salazi ma lazina, hurum nga mi hat kazi d’i, ma minizina nga mi wazi hohowozi d’uo mi.

Isai 5:12

A nga bu ading ma nglona kading ma gureina ki daliyâd’a ki taulâd’a, a nga tche süm ma guguzlu d’a ayîna kur lü mazina. Wani a nga djib’er yam sun nda Ma didina mi lata d’i, a nga gol sun nda mam lat kabomba d’uo mi.

Jeremi 4:22

Ma didina mi dala: Gagazi, sum mana yazi nga d’i. A wan nga d’i, a ni gro suma lilid’a, suma bei wad’ud’a, a ne heî ná le tchod’a hol, a we nga djivi d’a led’a d’i.

Jeremi 5:6

Ni kayam ndata ba, azlo ma aduk agud’ina mba mi vigiziya, ngû ma hur fulîna mba mi kizagaziya, sindilâ mba mi kud’uguzi avun azì mazi ma nglona. Suma pet suma a mba buzugï woina, mba mi kizagazi woyo, kayam so vun mazina mi kal ngola, tcha tata mazid’a ti zul heî mi.

Habakuk 1:4

Ni kayam ndata ba, gata mbut ab’lenga, d’ingêra ad’engêt nga d’uo mi. Kayam ma tchona nga mi kus yam ma d’ingêrâ; sariya d’a kad’a pî, d’ingêra nga kua d’uo mi.

Zakari 5:9

An hle iran akulo, an we aropma mbà a buzugï woyo. Simetna nga mi zud’uziya, gigingâzi mi hle tam d’igi ma hi gorandulîna na, a hle vama nga ahlena woi akulo yam andagad’a mi.