Jeremi 8:2 - Bible azumeina

² A mba tchuk asok máma kä ir afata, ir tilâ, ir ahle suma lara suma akulona mi. Ahle ndazina nahle suma azi huruzi minizina, a lazi sundina, a tit ad’uzina, a zlap ki sed’ezina, a djobozi á kud’urozina mi. A mba yozi asogozi máma d’i, a mba tozozi d’uo mi, wani asok máma mba mi mbut ni d’igi siligitna na kä yam andagad’a.

Jeremi 8:2 Kruisverwysings

2 Amuleina 17:16

Azi ar vun ma hed’a hi Ma didina Alo mazinina woi pet, azi yor lora gro amuzleina mbà, azi min agu ma murgulina malo d’a a yat ala Asera-d’a, azi grif kä a kud’or ahle suma akulona pet, azi le sunda malo ma a yum ala Bäl-lâ mi.

2 Amuleina 21:3

Mi hulong mi min yima nding ma teteng ma kud’or filei ma abum Ezekiyas mi tom mbeina akulo. Mi min yima ngal ahle suma ngat buzuna teteng á kud’or alo ma a yuma ala Bäl-lâ, mi pagu ma murgulina malo d’a a yat ala Asera-d’a d’igi Ahap amul ma Israel-lâ mi ladjeu na, mi nga mi grif kä avok ahle suma akulona, nga mi kud’urozi mi.

2 Amuleina 21:5

Manase mi min yima ngal ahle suma ngat buzu ma dingâ teteng mahle suma akulona kur atrang nga mbà d’a avun gong nga kud’ora hi Ma didinid’id’a.

2 Amuleina 23:5

Josiyas mi dik suma ngat buzuna mi fileina suma amulei suma Juda-na a tinizi á ngal dubang ma his djivid’ina yam yima nding ma kur azì ma Juda-na ki yima go ki Jerusalem-ma woyo, mi dik suma a nga ngal dubang ma his djivid’ina mi Bäl kafata ki tilâ ki tchitchiu d’a tetenga kahlena pet suma akulonina woi mi.

Sawal la giled’a 53:5

Ma didina mi dala: Na ni suma le tchod’a a nga wad’ud’a d’uo zu? Azi nga te sum mana d’igi azi tavuna na, azi nga yan simiyên ndi.

Sawal la giled’a 83:10

Ang b’lagazi woi d’igi ang b’lak Sisera ki Jabin avun alum ma Kison-na na d’igi ang b’lak suma Madiyan-na na mi.

Sawal la giled’a 83:11

Ang b’lagazi woi avun mbiyo ma lau ma Harot-na; azi mbut vama tub’ad’a handagad’ina.

Ma tchi wala 6:3

Le sana mi vut grona kis, mi le bizad’a ngola yam andagad’a, le burumî ngola pî, le mi fe nga djivid’a yam andagad’a d’uo, asuwam nga d’uo mi ni, an nga ni dala hur ma nded’a mi kalamu.

Jeremi 14:16

Suma azi nga djogozi vunina a mba bo kä ir palum mba Jerusalem-mba abo meid’a kayî ma durâ. Sum ndazina kamiyôzina ki grozi suma andjofâ ki grozi suma aropma a mba fe sama tozozina d’i. An mba ni hulongôzi asa’at ta azi lata kaziya.

Jeremi 16:11

Ata yi máma ang dazi ala: Ma didina mi dala: Abuyogi ngolo a aran ndeyo, a zlap kalo ma dingâ, a lum sunda, a grif kä avorom á kud’uromu. A aran an ndeyo, a ngom nga gat manda d’uo mi.

Jeremi 16:4

Azi mba bo ni bo d’a hohoud’a. Sa mba mi tchi kazi d’i, sa mba mi tozozi d’uo mi. Azi mba mbut ni d’igi siligitna na kä yam andagad’a, a mba tchazi avun ayîna, baktarad’a mba d’i tchaziya, mad’azi mba mi mbut ni tena haluwei suma akulona kamburei suma yam andagad’ina mi.

Jeremi 16:6

Suma nglona ki kemba a mba bo kur ambas ndata. Sa mba mi tozozi d’i, sa mba mi tchizi d’i, sa mba mi ze hurum kahle suma sïna kazi d’i, sa mba mi wel yam mbei á dodora kazi d’uo mi.

Jeremi 19:13

Gongîyo suma Jerusalem-ma ki gongîyona hamulei suma Juda-nina a mba mbut ndjendjed’a d’igi Tofet na. Gongîyo suma suma a he dubang ma his djivid’ina kazi akulo mahle suma akulonina ki gongîyo suma suma a he he d’a hawa d’a süm guguzlud’a malo ma dingâ kuana pet, a mba mbut ndjendjed’a d’igi Tofet na mi.

Jeremi 22:19

A mba tanam a gumza woi kel huyok azì ma Jerusalem-ma, asuwam mba d’i mbut nasud’a hi koronid’a mi.

Jeremi 25:33

Kur bur máma suma Ma didina mba mi tchazina, mad’azi mba mi sam kä didi gak i avun dabid’a handagad’id’a abo hî abo hî. A mba fe sa á tchizi d’i, a mba fe sa á yozi d’i, a mba fe sa á tozozi d’uo mi, wani a mba mbut ni d’igi siligitna na kä yam andagad’a.

Jeremi 31:40

Hor ra a tchuk matna kuad’a pet ki yima butna ki yima hawa ma i gak avun toliyon nda Kedron-nda gak mi ndeza ata yima gulumuna kong kua ma avun Agre’â hAkulumeina ma abo ma yorogonina pet, a mba tinim iram vam mi an Ma didina. Bugola, vama mba pad’am mbei d’oze mba mi hôm mbeina nga d’uo gak didin.

Jeremi 36:30

Ni kayam ndata ba, Ma didina mi de zlad’a yam Jojakim amul ma Juda-na ala: Sa mam tu pî mba mi kak yam zlam mba amula hi David-ta d’i. Mad’am mba mi arî ged’a kä ir afata faleya, kä ir ab’lenga andjege mi.

Jeremi 9:20

Agi aropma, agi humugi zlad’a hi Ma didinid’a, agi tinigi humagi yam zla d’a ti ndavunamba. Agi had’agi grogi suma aropma hor ma ged’a, agi had’agi tagi hor ma ged’a mi!

Jeremi 9:21

Kayam matna mi djak wa ir fenetre meid’a, mi kal wa kur azì mei ma nglona, nga mi tchi kemba ir palumba, nga mi tchi azungeîna avun graka kä glovod’o.

Jeremi 9:22

Ma didina mi de mi Jeremi kua ala: Ang dazi ala an dala: Matna mba mi sam kä d’igi siligitna mi sam kä abagei kur asinena na, d’igi mbugulud’a ti sam kä bugol sama zed’a ta sama yotna nga d’uo d’a na.

Ezekiyel 29:5

An mba ni gang ngei hur fulâ, zlapa ki kuluf ma kur alum mangîna pet. Ang mba arî samba kä abageya. Sa mba mi hlang mi tozong nguo mi. An mba ni mbud’ungî tena hamburei suma yam andagad’ina kaluwei suma akulona mi.

Ezekiyel 39:5

Ang mba puk kä yam andagad’a, kayam an Salad’a Ma didina ni de na.

Ezekiyel 6:5

An mba ni tchuk mad’a Israel-lâ kä avok filei mazi ma tetengâ, an mba ni ndjoyôzi asogozi woi ngui yi mazi ma ngal ahle suma ngat buzu ma tetengâ mi.

Ezekiyel 8:16

Mi in hur atrang nga krovo d’a avun gong mam mba kud’orid’a. Gol wani, andjofâ d’igi dok mbà yam vahl na a nga tchola avun gong nga kud’or ndata aduk yima kala ki yima ngal ahle suma ngat buzuna. A he huyogozi mi gong ndata, a mbut irazi abo ma yorogona, a grif kä abo ma yorogona avok afata.

Sofoni 1:17

Ma didina mi dala: An mba ni kal suma kur ndaka. Azi mba tit ni d’igi suma duka na, buzuwazi mba mi hle yina d’igi guguma mi hle yina na, hliwizi mba mi tchim mbeyo, kayam azi le tchod’a avoron an Ma didina.

Sofoni 1:5

An mba ni dap suma a djak akulo yam azuweina á kud’or tchitchiud’ina, ki suma a kud’uron suma a gun tazi ki simiyên suma a i gun tazi kalo ma a yum ala Milkom-mina woyo.

Sunda hi suma a sunuzinid’a 7:42

Wani Alona mi mbud’uzi azigamu, mi arazi á kud’or ahle suma akulona d’igi a b’ir kur mbaktumba hi suma djok vun Alonid’a na ala: Agi Israel-lâ, kid’a agi lagi bizad’a dok fid’i abagei hur fulîd’a, agi mban d’uwar ma a ngad’ama kahle suma ngat buzuna zu?

Gat ta a hat á mbàd’id’a 17:3

á kud’or alo ma tetengâ á grif kä avoromu, avok afata, d’oze avok tilâ, d’oze avok ahle suma lara ge suma sä kur akulod’a suma an hagi nga vuna kazi d’uo na kla ni,

Gat ta a hat á mbàd’id’a 4:19

Ar agi hlagi iragi akulo hur alona á gol afata tilâ ki tchitchiud’a kahle suma akulona pet ba, a lobogi vunagi á kud’urozi á lazi sunda d’i, kayam nahle suma Ma didina Alo magina mi hazi mandjaf ma ding ma nga kaka yam andagad’a petna.