Jeremi 8:14 - Bible azumeina

¹⁴ Suma Juda-na a dala: Ni kayam me ba, ei arei kaka hina ndje ge? Ei togeya, ei i kur azì ma nglo ma ad’eng ma ngunguna, ei boi sä kua, kayam Ma didina Alo meina nga mi dabei woyo, nga mi hei mbiyo ma tchi matna kayam ei lei tchod’a avoromu.

Jeremi 8:14 Kruisverwysings

2 Samuel 20:6

David mi de mi Abisai ala: Seba Bikri goroma nga mi lei zla d’a tchod’a kal la hi Apsalom-mba. Ang tang i yo azigar mana, ang i ad’umu. Ar mi fe azì ma ngunguna teteng á ngei tam irei d’i.

Sawal la giled’a 39:2

An de wa ala: An mba ni gol tan ped’et tala an le tchod’a ki vunan nduo d’a. Ata yima suma asa’atna a nga avorona, an mba ni duk vunan akulo bei de zlad’a.

Sawal la giled’a 69:21

Ngul mazid’a b’lagan hurunu, an ve tugud’eid’a; an hal sama wan hohowona, wani sa nga d’i; an hal sama b’lengên huruna, wani an fe nga sa d’uo mi.

Isai 47:5

Ndak gor wei d’a Kalde-d’a, ndak i kak ki vunak ma du’â aduk yima nduvunda. Sa dok mi yak ala Leu d’a kal teglesa d’uo d’a.

Jeremi 14:20

Ma didina, ami wami asa’at mamid’a ki tchod’a hi simiyêmid’a, kayam ami lami tchod’a avorongû.

Jeremi 14:7

Suma Juda-na a dala: Ma didina, le tchila mamid’a nga d’i tchugumi zlad’a kami pî, ang le va yam simiyêngû, kayam tcha tata mamid’a ti zul heî, ami lami tchod’a avorong mi.

Jeremi 23:15

Ni kayam ndata ba, Ma didin ma ad’engêm kal petna mi de zlad’a yam suma djok vuna ala: Gola! An mba ni hazi te ma aglarâ, an mba ni hazi mbiyo ma tchi matna. Ni yam suma djok vun suma Jerusalem-ma ba, tchod’a ti b’rau woi kur ambas sa wana.

Jeremi 3:25

Ami nga burâ kä ki zulo mamina, zulo mamina mi vamiya, kayam ami kabuyomi ki gugurei tami dei gak ini ami nga lami tchod’a avorongû, ami humumi nga dela hi ang Ma didina Alo maminid’a d’i.

Jeremi 35:11

Kid’a Nebukanezar amul ma Babilon-na mi mba á dur ambas sa wandid’a, ami dami ala: Ei i Jerusalem ei ringî abo azigar suma Babilon-na ki azigar suma Siri-na. Ni hina ba, ami mba kagami kur Jerusalem wana.

Jeremi 9:14

Kayam azi tit ni yam djib’er ra kuruzi krovo d’a bei wad’ud’id’a, azi tit ni bugol Bäl d’igi abuyozi a had’azi na mi.

Jeremi 9:15

Kayam ndata, an Ma didin ma ad’engên kal petna, Alona hi Israel-lîna, nga ni he te ma aglarâ mi sum ndazina, an mba ni hazi mbiyo ma tchi matna á tched’a mi.

Hor ma tchina 3:19

Ata yima an djib’er yam hohou manda ki tcha man nda tatad’ina, an golozi ni d’igi vama aglarâ ki kuma ma tchi matna na mi.

Sunda hi suma hi Levi-nid’a 10:3

Ata yi máma Moise mi de mi Aron ala: Wana ni zla d’a Ma didina mi data: Suma a mba go ki sed’en á lan sundina, mbeî a tak kak man nda yed’eta woi abua, mbeî a suburun avok suma pet mi. Wani Aron mi kak ki vunam ma du’â.

Amos 6:10

Ata yi máma sama suma ma mi kal avo á yozi mad’a suma woi kur azinina, le mi fe sama ar nga krovo kur gongina ni, sa máma mba mi djobom ala: Sama ding nga ki sed’eng zu? Mba mi hulong dum ala: Hawa! Sa nga d’i. Sama dingâ mba mi hulong humba ala: Ba! Nga ni yima a yi simiyê Ma didinina d’i!

Habakuk 2:20

Wani Ma didina mi nga kaka kä kur gong mam mba kud’ora; ar suma yam andagad’ina pet a seng silil avoromu!

Zakari 2:13

Ar nge nge pî mi kak ki vunam ma du’â avok Ma didina, kayam nga mi nde woi ata yam ma kak ma a tinim iram vama.

Matiye 27:34

Azi hum süm guguzlud’a gizeîd’a ki mayaûna, wani kid’a mi djugumba, mi tchum mbuo.

Gat ta a hat á mbàd’id’a 29:18

Ar sa adigagi mandjuf foze atcha d’oze andjaf foze ades mi ar Alo meina ini woi á hulong á kud’or alona handjaf sum ndazina d’i. Ar sa adigagi mi mbut d’igi sidei agu ma aglarâ na d’uo mi.

Gat ta a hat á mbàd’id’a 32:32

Wani guguzlu mazid’a nandjaf guguzlu d’a Sodom-mba, asine mazina nandjaf andaga d’a Gomor-ra. Vut guguzlu mazid’a ni d’igi kuma ma tchona na, ades guguzlu mazid’a nades guguzlu d’a aglara.