Jeremi 8:10 - Bible azumeina

¹⁰ Ma didina mi dala: Kayam ndata, an mba ni hamiyôzina mi suma dingâ, an mba ni hasinezi mi suma a yozina, kayam tin ad’ud’a ata gugureina dei gak mba ata suma nglona, azi pet a nga ki d’od’oka ata ahlena hi sumina. Tin ad’ud’a ata suma djok vuna dei gak mba ata suma ngat buzuna, azi pet ni suma mbut ira.

Jeremi 8:10 Kruisverwysings

Wana ni mbaktumba hi Job-pa 31:10

ar amanda ti lut afuta mi sama dingâ, ar suma dingâ a bur ki sed’et mi.

Isai 28:7

Wani azi tazid’a a nga hle titigir abo süm guguzlud’a, a vit tei abo süm ma ayîna. Suma ngat buzuna ki suma djok vuna, a nga hle titigir abo süm ma ayîna mi. Süm guguzlud’a kal kaziya, a vit tei abo süm ma ayîna. Ata yima a nga djok vun Alonina, a nga hle titigir, a nga tcha tata kur sariya mazi d’a kad’a mi.

Isai 57:17

Ni kayam d’od’ok mazi d’a tchod’a ba, kur ayî mana an toziya, an min wazi ki iran ndi. Wani azi nga i avogovok kur so vun mazina, kur djib’er mazi d’a kuruzi krovod’a mi.

Jeremi 14:14

Ma didina mi hulong dan ala: Suma djok vun suma a nga djogogi vuna ki simiyên wana a ni suma ka zlad’a. An sunuzi nga d’i, an hazi nga vun ndi, an dazi nga zla d’uo ko. Azi djogogi ni zla d’a ka d’a nde tat irazi woid’a ki zla d’a djopa ki filei ma hawa ya’â ki mbut ir ra kuruzi krovod’a mi.

Jeremi 14:18

Le an i kele ni, an gol wani mad’a suma a tchazi avun ayînina, mi nga samba kä. Le an kal kur azì ma ngolâ ni, an gol wani suma meid’a tchazina, mad’azi mi nga samba kä mi. Suma djok vuna ki suma ngat buzuna a nga kleû tita kur ambasa pî, azi nga we d’op zla tu d’i.

Jeremi 17:11

Sama yo ahlena abo suma ki mbut irina, mi hle tamî d’igi alei ma mi bur yam ase ma mam gum nga ni mam mbuo na na. Ndjondjoî mamba mba d’i dap pei abom bei burum dap ba, dabid’a mba mi mbut ni d’igi sama lilid’a na.

Jeremi 22:17

Wani ang irang ki hurung tinda ni yam djivi manga á tchi suma bei zlad’a kazina, á b’at ahlena hi suma kad’enga mi.

Jeremi 32:32

An le hina kayam tcho d’a Israel-lâ ki suma Juda-na a lat á zalan ki hurunda. Sum ndazina kamulei mazina ki mazi suma nglona ki mazi suma ngat buzuna ki mazi suma djok vuna ki suma a nga kaka Juda-na ki suma a nga kaka avo Jerusalem-ma a le na mi.

Jeremi 38:22

Aropma pet suma a mba ar kur azì ma amula hamul ma Juda-nina, a mba izi mi suma nglona hamul ma Babilon-nina, a mba de kang ala: Buniyôngâ a lobongû, a te wa kangû! Aseng mi rot wa kä aduk dorbopma, azi hang wa azigaziya mi!

Jeremi 42:1

Suma nglona hi azigarîna pet, nala, Johanan Kareya goroma, Jezaniya Hosaya goroma ki suma pet suma a nga ata yi mámina, tin ad’ud’a ata gugureina gak mba yam suma nglona, a mba,

Jeremi 5:31

Suma djok vuna a nga djok vun ma ka zlad’a, suma ngat buzuna a nga te yamba kad’eng mazid’a, sum mana a min ala ahle ndazina a le hina mi. Wani dabid’a hahle ndazinid’a agi mba lagi ni nana ge?

Hor ma tchina 4:13

B’lak ndata ti mba ni yam tchod’a hi mat suma djok vuna, ki tchod’a hi mat suma ngat buzu suma a vo buzuna hi suma d’ingêrâ woina.

Ezekiyel 33:31

Azi mba tok geveng ablaud’a. Sum mana a mba kak kä avorongû. Azi mba hum zla manga, wani azi mba le sunda kat ti, kayam azi nga de zla d’a djivid’a ni ki vunazi abua, wani huruzi ni tinda yam fe mazid’a.

Amos 5:11

Agi nga mired’egi ma kid’aka kä kasegiya, agi nga yom geme mama ki mbut ira. Ni kayam ndata ba, agi nga minigi azì ma djivina kahina d’a tcheta, wani agi mba kagagi kur ri, agi nga pagi guguzlu d’a djivid’a, wani agi mba tchat sümut ti.

Mise 2:4

Kur bur máma a mba tinigi ndala, a mba lazagi ala: Ei b’lagei wa woi ki irei fafat, Ma didina mi he wa andaga meid’a mi suma dingâ, mi he wa asine meina mi suma bei hum vuna mi. Ni kayam me ba, a hurumi ge?

Mise 3:11

Mat suma ka sariyad’a a ka sariyad’a ni yam he d’a hawad’a, mat suma ngat buzuna a nga hat suma ni yam wuraka, mat suma djok vuna a nga djok vuna ni yam beged’a. A nga de d’igi suma a deng tazi ata Ma didinina na, a nga dala: Ma didina mi nga adigei d’uo zu? Ndaka mba d’i fei d’i.

Mise 3:5

Wana ni zla d’a an Ma didina ni dat yam suma djok vun suma a nga vit sum mana woina: Le a nga ki hliuna avunaziya ni, a nga dala: B’leng nga halasa nga. Wani a nga dur ayîna ki suma a hazi nga va avunazi d’uo na.

Habakuk 1:6

Gola! An nga ni yï suma Babilon-na á te yam suma; ni suma asa’at suma lahlena bei djib’era ba na, ni suma a nga bine abozi yam ambasa á yo ambas sa nga ni mazid’a d’uo d’a.

Sofoni 1:13

A mba hurum ndjondjoî mazid’a, a mba b’lagazi aziyazi woyo, a mba min azina, wani azi mba kak kur ri, a mba pe guguzlud’a, wani azi mba tchat sümut tuo mi.

Wana ni mbaktum mba Paul mi b’irit mi Tit-ta 1:11

Mbeî ang d’eleziya, kayam a nga b’lak sumazina ablaud’a, a nga hat ahle suma ata yazi d’uo na á fe mbiyo ma mbut ira.

Wana ni mbaktum mba Paul mi b’irit mi Tit-ta 1:7

Mbeî ma gol Toka ni ma bei zlad’a kama, kayam mam mi sama ngom ahlena hAlonina. Ni ma bei subur tama, ni ma bei mbut ayîna atogo na, ni ma bei gurut ki süma, ni ma bei to sana, ni ma bei le d’od’oka á fe mbiyo ma mbut ira ba na.