Jeremi 7:9 - Bible azumeina

⁹ Ni me na ge? Agi nga kulugiya, agi nga tchagi matna, agi nga lagi mizeuna, agi nga gunugi tagi ir gurzula, agi nga hagi dubang ma his djivid’ina mi Bäl, agi nga zlabagi kalo ma ding ma agi wum nga d’uo na.

Jeremi 7:9 Kruisverwysings

1 Amuleina 18:21

Wani Elie mi hut avok ablau suma petna, mi dazi ala: Ni mindja tua ba, agi mba aragi bei tcha tatad’a ge? Le agi wagi ala Ma didina nAlo ma gagazina ni, agi lum sunda! D’oze, le Bäl lî alo ma gagazina ni, agi lum sunda! Wani ablau suma sa mi hulongôm nga zlad’a de tu d’i.

Buzuk ka Abud’a 20:3

Ar ang kud’or alo ma ding ngi.

Isai 1:13

Ar agi mbagi ki he magi d’a hawa d’a hawa yaka d’i. Andosâ hi dubang magi ma his djivid’ina ni vama ndjendjed’a iranu. Ar agi mbagi kahle magi suma ngat buzuna kur bur ma deîd’a hi tilîna d’oze kur bur ma sabatna d’oze kur bur ma vun til ma teteng ma a ngama d’i. Kayam an nga ni min kud’or ra zlapa ki mat ma tchid’id’a d’i.

Isai 58:2

Burâ pet azi nga halanu, a min á we lovot manda d’igi andjaf suma a nga tit yam d’ingêra suma a nga wal lei ki gat ta Alo mazina mi tinizizid’a d’uo na na, a nga halan ala an tinizi gat ta d’ingêra, azi min ala an hud’ï geveziya.

Jeremi 1:16

An mba ni kazi sariyad’a kazi yam asa’at mazid’a, kayam a aran ndei a ngal dubang ma his djivid’ina malo ma dingâ, a grif kä avok sun nda azi lat kabozid’a.

Jeremi 11:13

Kayam agi nga kalona ngad’a yam azì ma nglo ma Juda-na gagang, agi tinigi yima ngal dubang ma his djivid’a ma zulona teteng ir palum mba Jerusalem-mba á ngalagi dubang ma his djivid’ina mi Bäl.

Jeremi 11:17

Ni Ma didin ma ad’engêm kal pet ma pagina ba, nga mi yi ndaka kagi kayam tcho d’a agi Israel-lâ ki suma Juda-na a lagizid’a. Mi dala: A he dubang ma his djivid’ina mi Bäl á zalan hurunu.

Jeremi 13:10

Sum ndazina ni suma asa’at suma a noî á hum zla mandina, ni suma a nga tit kur djib’er mazi d’a kuruzi d’a krovo d’a yam mba ad’engid’a, ni suma a nga zlap kalo ma dingâ á lum sunda, á kud’urom mi na. Ar azi mbut ni d’igi d’ik ma mi b’lak kei ma mi ndak á le vama djivi d’uo máma na mi.

Jeremi 18:15

Wani sum mana a maran ndeyo, a nga ngal dubang ma his djivid’ina mi filei ma hawa ya’â, a nga lá puka kä kur lovot mazid’a, a ar lovot mazi d’a adjeud’a woyo, a nga tit kur lovot ta sa nga mi tit kua d’uo d’a.

Jeremi 19:4

Azi aran ndeyo, a mbut yima wana yina halo ma dingîna, a he dubang ma his djivid’ina malo ma ding ma azi tazid’a d’oze abuyozi ngolo d’oze amulei suma Juda-na pî a wum nga d’uo na, a oî yima wana ki buzuna hi suma zla nga kazi d’uo na.

Jeremi 32:29

Suma Babilon suma a nga durum ayînina, a mba kal kuru, a mba dom akud’a, a ngalam mbei kazuwei suma yam gongîyona akulo suma a nga ngal dubang ma his djivid’ina mi Bäl kua a nga he he d’a hawa d’a süm guguzlud’a kua malo ma dingâ á zalan ki huruna woi mi.

Jeremi 44:3

Ni kayam asa’at mazi d’a azi lat á zalan ki hurun ata yima azi i ngal dubang ma his djivid’ina, á le magomba ma alo ma ding ma azi d’oze agi kabuyogi ngolo a wum nga d’uo na.

Jeremi 44:8

Ni kayam me ba, agi zalan hurun ki sun nda agi lat kabogid’a á ngalagi dubang ma his djivid’ina malo ma ding ma yam ambas sa Ezipte d’a agi mba á kagagi kua á dabagi tagi woi á mbud’ugi tagi vama ge vuna ki vama zulona aduk andjaf suma yam andagad’ina ge?

Jeremi 44:9

Na ni agi maragi ni tchod’a habuyogi ngolod’a ki tchod’a hamulei suma Juda-nid’a ki tchod’a hamiyôzinid’a ki tcho magid’a tata ki tchod’a hamiyôgina d’a agi lat yam ambas sa Juda-d’a ki ir palum mba Jerusalem-mbid’a woi zu?

Jeremi 48:35

Ma didina mi dala: An nga ni dap suma Mowap suma a nga i ata yima ndingâ á ngal dubang ma his djivid’ina malo mazinina woyo.

Jeremi 5:2

Jeremi mi dala: Le a nga dala: Ami gunumi tami ki simiyê Ma didin ma bei matna ba na pî, ni gun ta d’a ir gurzulid’a hawa na.

Jeremi 5:7

Ma didina mi dala: Ndak Jerusalem, Ni nana ba, an mba ni vat hurun ndei kak ke? Kayam gro’â a nga aran ndeyo, a nga gun tazi kalo ma nga nalona d’uo na. An hobozi ki tena, wani azi le ni mizeuna, a nga tok tazi avo hi gaulangâ.

Jeremi 7:6

le agi nga kid’eyêgi ir angeina d’oze ma hokuyod’a d’oze atcha d’a modonod’a d’uo, le agi nga tchagi ma bei zlad’a kama ata yima wana d’uo, le agi zlabagi nga tagi kalo ma dingâ d’uo yam hohou d’a nga d’i lagid’a ni,

Ezekiyel 18:18

Nabum ba, mi djop vun suma, mi yo ahlena kad’enga abo ndroma, mi le sunda ata yat tuo d’a aduk sum mama. Ni mam ba, mba mi mit yam tcho mamba.

Ezekiyel 20:30

Kayam ndata, ang dazi ala: An Salad’a Ma didina nga ni dala: Agi nga mbud’ugi tagi ndjendjed’a d’igi abuyogi ngola na, agi nga lagi gaulangâ kahle mazi suma ndjendjed’a mi d’uo zu?

Ezekiyel 23:39

A ngat grozina mi filei mazina, a i kur yi man ma an tinim iram vama kur bur máma baba á mbud’um ndjendjed’a. Wana nahle suma azi lazi kur gong mandina.

Ezekiyel 5:11

Ni kayam ndata ba, an Salad’a Ma didin ma bei matna nga ni dagiya: Kayamba agi mbud’un yi man ma an tinim iram vama ndjendjed’a ki filei magina pet ki sun magi d’a ndjendjed’id’a, an tanda mba ni hle iran ndei kagi bei ni wagi hohowogiya, an mba ni ngobogi bei ni wagi hohowogi ba mi.

Wana ni mbaktumba hi Oze-d’a 2:13

An mba ni d’elet furî mata kur vun til matna, kur vun til mat ma ti luwum kur bur ma tilâ mi deî awilina, kur bur mat ma sabatna, kur vun til mat ma lara ge pet ma a ngama mi.

Wana ni mbaktumba hi Oze-d’a 6:9

Adesâ hi suma ngat buzunina nga mi tchi suma a i kud’or Alona kur lovot ta Sikem-mbina, d’igi suma tchigeta a nga bur suma kä na. Wana ni vama tcho ma ndjendje ma kalâ!

Amos 4:5

Agi hagi vama ngat buzu ma le mersid’a zlapa kangufa, agi tchagi wala, agi dagi woi yam he d’a hawa d’a kur min magid’id’a. Agi Israel-lâ, wana ni vama agi minigizina! An Salad’a Ma didina ni de na.

Sofoni 1:5

An mba ni dap suma a djak akulo yam azuweina á kud’or tchitchiud’ina, ki suma a kud’uron suma a gun tazi ki simiyên suma a i gun tazi kalo ma a yum ala Milkom-mina woyo.

Malatchi 3:5

Ma didin ma ad’engêm kal petna mi dala: An mba ni hud’ï atagi go á ka sariyad’a, mba ni b’at tan á le glangâsa yam suma kuma suma fileina ki suma mizeuna, yam suma a nga gun tazi ir gurzulina, yam suma a nga he wuraka d’uo mi suma a nga lazi sundina, yam suma a nga le ir arop suma modonod’a ki suma hokuyod’ina, yam suma a nga we angoyogeina tchet tuo na, yam suma a nga ringîn mandaran nduo na mi.

Romê-na 2:2

Ei wei ala Alona nga mi ka sariya d’a irata yam suma a nga lahle ndazinina.

Gat ta a hat á mbàd’id’a 32:17

Azi nga ngat buzuna mi muzuk ma tcho ma fileina, malo mala nAlo ma gagazina d’uo na, malo ma a wum nga d’uo na, malo ma awili ma abuyozi ngolo a wum nga d’uo na mi.

Vama ndum mbeina 21:8

Wani suma mandarâ ki suma bei he gagazid’ina ki suma a le sun nda ndjendjed’ina ki suma tchi matna ki suma mizeuna ki suma ve kumana ki suma kud’or fileina ki suma ka zlad’a pet, yi mazi ma kaka ni kur apo d’a aku d’a bibiliu d’a ngal ki sufred’id’a, nala ni mat ma mbàna.

Vama ndum mbeina 22:15

Wani suma a le sun nda ndjendjed’a ki suma ve kumana ki suma mizeuna ki suma tchi matna ki suma tuwal fileina ki suma ka zlad’a pet, a nga tchola bugol azina woi hina dei.

Suma ka sariyad’a 5:8

Azi man alo ma dingâ teteng. Ata yi máma ayîna mi tchola. Israel-lâ 40.000 pî, ang nga we mbarei d’oze asap abozi d’uo mi.