Jeremi 7:6 - Bible azumeina

⁶ le agi nga kid’eyêgi ir angeina d’oze ma hokuyod’a d’oze atcha d’a modonod’a d’uo, le agi nga tchagi ma bei zlad’a kama ata yima wana d’uo, le agi zlabagi nga tagi kalo ma dingâ d’uo yam hohou d’a nga d’i lagid’a ni,

Jeremi 7:6 Kruisverwysings

2 Amuleina 21:6

Mi he goroma vama ngat buzu ma ngala, mi vandjaf kumana teteng, mi nga mi djop fileina, mi tin suma a djop ki suma azulei suma a nga de zlad’a yam vama nga mbana mi, mi le sun da tchod’a ngola avok Ma didina á zalam hurumu.

2 Amuleina 24:4

yam tchi d’a mi tchi suma bei zlad’a kazina, mi oî Jerusalem ki buzuwazid’a. Ni kayam ndata ba, Ma didina mi min vat hurum mbei d’uo ni na.

Sawal la giled’a 106:38

Azi vo buzuwa suma bei zlad’a kazi ba na woyo, nala, buzuwa grozi suma andjofâ ki suma arop suma azi nga hazi woi vama ngat buzuna mi filei ma Kanan-nina. Ambasa ti mbut ndjendjed’a ki suma azi tchazina.

Zla d’a d’ogolâ 23:10

Ar ang djok agu ma a pum ir hagad’a adjeu dedeina woi d’i, ar ang kal kur asinena hi suma hokuyod’ina d’uo mi.

Isai 59:7

Asegi nga mi tin kä ta d’i á le tchod’a, agi nga b’ad’agi tagi á tchi sama bei zlad’a kama. Djib’er magid’a ni djib’er ra tchod’a, hurumba ki b’laka ni sun magi d’a led’a.

Jeremi 13:10

Sum ndazina ni suma asa’at suma a noî á hum zla mandina, ni suma a nga tit kur djib’er mazi d’a kuruzi d’a krovo d’a yam mba ad’engid’a, ni suma a nga zlap kalo ma dingâ á lum sunda, á kud’urom mi na. Ar azi mbut ni d’igi d’ik ma mi b’lak kei ma mi ndak á le vama djivi d’uo máma na mi.

Jeremi 19:4

Azi aran ndeyo, a mbut yima wana yina halo ma dingîna, a he dubang ma his djivid’ina malo ma ding ma azi tazid’a d’oze abuyozi ngolo d’oze amulei suma Juda-na pî a wum nga d’uo na, a oî yima wana ki buzuna hi suma zla nga kazi d’uo na.

Jeremi 2:30

An to grogina ni hawa na, a hum nga gata d’i. Mbigeu magi d’a fiyaka ti kizak magi suma djok vuna woi d’igi azlona mi kizak ahlena woi na.

Jeremi 2:34

A fe buzuna hi suma hou suma zla nga kazi d’uo na ata baru magina. Ni suma agi vazi nga avun gongîyo magina á kuzuzi vunazi woi d’uo na.

Jeremi 26:15

Wani agi wagi woi tetet ala le agi tchanu ni, agi ki suma a nga kaka kur azì ma ngol ma wanina, agi hlagi ni buzuna hi sama bei zlad’a kama kagiya, kayam Ma didina mi sununï atagi gagazi á dagi zla d’a pet ta agi humugizi ki humagi wanda.

Jeremi 26:23

A veï Uriya Ezipte, a mbam mamulâ. Amulâ mi tchumu, mi gum mad’am kur zula hi suma hawanid’a.

Jeremi 35:15

An nga ni sunugi azungeî man suma djok vuna pet, an nga ni sunugizi burâ ki burâ á dagi ala: Nge nge pî adigagi mi ar tit mam mba tchod’a, mi hulongîya. Agi aragi sun magi d’a tchod’a woyo, ar agi zlabagi tagi kalo ma dingâ á kud’urom mbi. Hina wani, agi mba kagagi kur andaga d’a an hagizi zlapa kabuyogi ngolod’a. Wani agi tinigi nga humagi á humba d’i, agi gagi nga yagi kä ad’un nduo mi.

Jeremi 5:28

Azi nga d’orâ, tazi nga d’i ngal wiwilik, a nga le tcho d’a kal kazid’a, a nga d’el vama tchona d’i, a nga ka sariyad’a hi suma hokuyod’id’a d’i, a nga i avogovogo, a nga ka sariyad’a hi suma houd’id’a ata yat tuo mi.

Jeremi 7:5

Le agi minigi lovot magid’a ki sun magi d’a led’a gagazi, le agi kagi sariya d’a gagazid’a aduk tagi gagazi,

Jeremi 7:9

Ni me na ge? Agi nga kulugiya, agi nga tchagi matna, agi nga lagi mizeuna, agi nga gunugi tagi ir gurzula, agi nga hagi dubang ma his djivid’ina mi Bäl, agi nga zlabagi kalo ma ding ma agi wum nga d’uo na.

Hor ma tchina 4:13

B’lak ndata ti mba ni yam tchod’a hi mat suma djok vuna, ki tchod’a hi mat suma ngat buzu suma a vo buzuna hi suma d’ingêrâ woina.

Ezekiyel 18:6

Sama hina na nga mi tahle suma a hazi mi fileina akulo yam ahuniyônina d’i, nga mi tin iram yam fileina hi Israel-lîna d’i, nga mi lop vun atchad’a hi ndram ma azinid’a d’i, nga mi hut go gen atchad’a ata yima buzuna mi fatna d’i,

Ezekiyel 22:7

A nga gol abud’a kasud’a is kurungû, a nga djop vun angeina kurungû, a nga b’at ahlena abo ma hokuyod’a katcha d’a modonod’a kurung mi.

Sunda hi suma hi Levi-nid’a 19:33

Le angeina mba mi kak adigagi yam ambas magid’a ni, agi tum abom mbi.

Sunda hi suma hi Levi-nid’a 25:17

Ar sa adigagi mi le ir ndrama d’i, ar agi lagi mandara an Alo magina, kayam an ni Ma didina Alo magina.

Malatchi 3:5

Ma didin ma ad’engêm kal petna mi dala: An mba ni hud’ï atagi go á ka sariyad’a, mba ni b’at tan á le glangâsa yam suma kuma suma fileina ki suma mizeuna, yam suma a nga gun tazi ir gurzulina, yam suma a nga he wuraka d’uo mi suma a nga lazi sundina, yam suma a nga le ir arop suma modonod’a ki suma hokuyod’ina, yam suma a nga we angoyogeina tchet tuo na, yam suma a nga ringîn mandaran nduo na mi.

Matiye 27:25

Ablau suma pet a hulong dum ala: Ar buzuwam kak kami ki gromina mi.

Matiye 27:4

Mi dazi ala: An le tchod’a, kayam an he sama d’ingêrâ á tchid’a. Wani azi dum ala: Ndolomi d’ei? Ni zla manga.

Gat ta a hat á mbàd’id’a 11:28

Le agi gagi nga yagi kä ad’u vun ma hed’a hAlo maginina d’uo, le agi d’ezegi woi kur lovot mam mba an tagagizi inid’a á zlabagi kalo ma ding ma agi wum nga d’uo na ni, mam mba mi gagi vuna.

Gat ta a hat á mbàd’id’a 24:17

Moise mi de kua ala: Ar agi lagi ir angeina d’oze ma hokuyod’a ata yima ka sariyad’a d’i, ar agi vagi barud’a hatcha d’a modonod’a denga d’uo mi.

Gat ta a hat á mbàd’id’a 27:19

Sama nga mi ka sariyad’a hangeina ki d’a hi ma hokuyod’a ki d’a hatcha d’a modonod’a ata yat tuo na, Ma didina mi gum vuna! Ablau suma petna a hulong ded’a ala: Amin!

Gat ta a hat á mbàd’id’a 8:19

Wani le agi maragi yam Ma didina Alo magina, le agi igi bugol alo ma dingâ, le agi lum sunda agi grivigi kä avoromu ni, an nga ni dagi ini woi avunagiya, agi mba dabagi woyo.

Jacques 1:27

He gagazi d’a irat ta memet ta avok Alona Abuid’a ba wana: Mi i d’u suma hokuyod’a ki suma modonod’a kur ndak mazid’a, mi gol tam ped’et ki tchod’a hi duniyad’id’a mi.