Jeremi 7:29 - Bible azumeina

²⁹ Ma didina mi dala: Agi suma Juda-na, agi ngad’agi tumus sa kagi d’a fuyogei d’a tak kei ala agi tinigi tagi irat vad’u d’a, agi tchugut teyo, agi i gagi horâ akulo yam ahuniyô suma fuyogei suma va nga kazi d’uo na. Agi nandjaf ma nga mi djon ayî manina; an nga ni minigi d’uo d’a, an nga ni aragi woyo.

Jeremi 7:29 Kruisverwysings

2 Amuleina 17:20

Kayam ndata, Ma didina mi noî andjaf Israel-lâ woi ki zla tazi pet, mi mbud’uzi zulona mi hazi abo suma á hurumuzi ahle mazina, gak mi digizi woi dei ki sed’emu.

Wana ni mbaktumba hi Job-pa 1:20

Ata yi máma Job mi tchol akulo, mi haû baru mam mba ngola woi atamu, mi kar yam mbei karb’ahl, mi ge tam kä andaga mi grif kä,

Isai 22:12

Salad’a Ma didin ma ad’engêm kal petna mi yagi kur bur máma ná tchina, ná yor tad’a, ná welegi yagi woyo, ná tchugugi baru d’a dodora atagi mi.

Jeremi 12:7

Ma didina mi dala: An noî gong man nda kud’ora woyo, an ar sum mana woyo, an he suma an le kazi heîna abo man suma djangûna mi.

Jeremi 14:19

Suma Juda-na a dala: Ma didina, ang arami ni ami suma Juda-na woi ki irang fafat tchu? Ang golî Siyon is su? Ni kayam me ba, ang tomiya, ang nga tchilimi mbilimi d’uo ge? Ami tinimi hurumi ni yam halasa, wani vama djivi nga d’uo; ami djubumi ni suta, gol wani, ni tchina.

Jeremi 16:6

Suma nglona ki kemba a mba bo kur ambas ndata. Sa mba mi tozozi d’i, sa mba mi tchizi d’i, sa mba mi ze hurum kahle suma sïna kazi d’i, sa mba mi wel yam mbei á dodora kazi d’uo mi.

Jeremi 3:2

Agi hlagi iragi akulo yam ahuniyô suma fuyogeina, agi gologiya. Ni yima lara ba, agi lagi nga tchod’a kua d’uo ge? Agi nga kaka kä avun lovota á le mizeuna ki sed’ezi d’igi Arap-ma a nga kaka abagei hur fulâ á hurum ahlena hi sumina na, agi mbud’ugi ambasa ndjendjed’a ki gaulang magina ki tit magi d’a ata yat tuo d’a.

Jeremi 3:21

A nga hum dela yam ahuniyô suma fuyogeina. Ni tchina ki tchen nda hud’a hi Israel-lîd’a, kayam azi mbut lovot mazi d’a gunda kur tit mazid’a, a mar rei yam an Ma didina Alo mazina mi.

Jeremi 47:5

Suma Gaza-na a wel wa yazi woi á dodora. Suma Askalon-na a seng wa silil. Agi suma aragi nga kaka yam andaga d’a papanid’ina, ni mindja ba, agi mba aragi tagi bei b’asa ge?

Jeremi 48:37

Kayam nge nge pî, mi wel yam mbeyo, nge nge pî mi wel dudumam mbeyo, nge nge pî mi b’as tamu, a djin baru d’a ndjondjorod’a furuzi mi.

Jeremi 6:30

Suma a mba yazi ala Kawei ma hap ma a golom isâ, kayam Ma didina mi noyôzi woyo.

Jeremi 9:10

Jeremi mi dala: An mba ni tchi tchi ma hat hurâ akulo yam ahuniyôna, an mba ni hle sawal la horâ hur ful ma d’uwarâ mi te hatna kuana. Kayam azi ngal leyo, sa nga mi kal kua d’i, a nga hum del d’uwar tchi d’i, aluwei suma akulona kambureina kazureina pet a iya.

Jeremi 9:16

An mba ni ndjoyôzi woi aduk andjaf suma abuyozi ngolo a wazi d’oze azi tazi a wazi nga d’uo na, an mba ni sun ayî ma durâ blogozi gak ni dabazi woyo.

Hor ma tchina 5:22

Na ni ang arami ni woi ki irang fafat tchu? Kur hur mang ma zala, ang noyômi ni woi ki irang fafat mi zu?

Ezekiyel 19:1

Ma didina mi dan ala: Ang hle sawal la yor ta d’a wanda yam nglo suma Israel-lâ.

Ezekiyel 28:12

Ang gor sana, ang tchi horâ yam amul ma Tir-râ, ang dum ala: Salad’a Ma didina mi dala: Angî vama taka yam ndak ka memeta ki ne mang nga kal heîd’a, sama djif d’igi ang na na nga d’uo mi.

Amos 5:1

Agi Israel-lâ, agi humugi zla d’a an nga ni data. Wana ni sawal la yor ta d’a an nga ni hlat kagid’a:

Mise 1:16

Agi suma Jerusalem-ma, agi welegi yagi woyo. Agi arat d’igi ta hi togozeid’id’a na, agi tchigi hor ra grogi suma agi hurugi vazi heîna, kayam a mba yozi magomba izi woi dei ki sed’egiya.

Matiye 12:39

Wani mi hulong dazi ala: Agi suma tcho suma bei d’ingêr suma kur atchogoi d’a wandina, agi nga halagi vama simata, wani a mba simad’agizi d’i, ni simata hi ma djok vun Alona Jonas-sa hol.

Matiye 16:4

Agi suma tcho suma bei d’ingêr suma kur atchogoi d’a wandina, agi nga halagi vama simata, wani a mba samad’agizi d’i, ni simata hi ma djok vun Alona Jonas-sâ hol. Mi araziya, mi iya.

Matiye 23:36

Gagazi, an nga ni dagiya, ahle ndazina pet a mba hulong yam agi suma kur atchogoi d’a wandina.

Matiye 3:7

Wani kid’a Jean mi we Fariziyêna azi ki Sadusiyêna ablaud’a a nga mba gevem ala mi lazi batemba d’a, mi dazi ala: Agi gro mageid’a, sama kid’ezegi á ringîgi woi avok ayî ma nga mbana ni nge ge?

Sunda hi suma a sunuzinid’a 2:40

Ata yi máma, Pierre mi dazi zlad’a teteng ngola, mi lazi glangâsâ, nga mi gigid’ezi ala: Sud’ugi tagi woi aduk suma tcho suma kur atchogoi d’a wandina.

Gat ta a hat á mbàd’id’a 32:5

Agi suma tcho suma bei wad’ud’a, agi tchilagi yam zlad’a hi Ma didinid’a, agi mbud’ugi ni tagi zulona, agi nga ni groma d’uo d’a!