Jeremi 7:25 - Bible azumeina

²⁵ Tin ad’ud’a kur bur ma abuyogi ngolo a buzugï woi kur ambas sa Ezipte-d’ina dei gak ini, burâ ki burâ an ar nga bei sunugi azungeî man suma djok vuna d’i.

Jeremi 7:25 Kruisverwysings

2 Sunda Hamuleinid’a 24:19

Ma didina mi sunuzi mam suma djok vuna á hulongôzi gevemu. Mam suma djok vuna a nga lazi glangâsâ, wani azi nga tin humazi yam zla mazid’a d’i.

2 Sunda Hamuleinid’a 36:15

Ma didina Alona habuyozi ngolona mi sunï mam suma sunda atazi yam ablaud’a á gazi humaziya, kayam mam min sut sum mama ki yam ma kaka mi.

Esdras 9:7

Kur atchogoid’a habuyomi ngolod’a dei gak ini zlad’a vamiya. Ni kayam tcho mami ndata ba, ang hami woi kamulei mamina ki mami suma ngat buzuna abo amuleina hi suma dingîna, á tchamiya, á lami magomba, á hurumumi d’igi a nga lami irami houd’a gak ini na mi.

Nehemi 9:26

Hina pet pî, a tchol a kak djangûna ki sed’engû, a mbut azigazi mi gat manga, a tchi mang suma djok vun suma a nga dazi teteu ala a hulongî gevengû na woyo, a he tazi á le sun nda ndjendje d’a kal teglesa avorongû.

Nehemi 9:30

Ang ve tang ki sed’ezi kur bizad’a ablaud’a, ang gigid’ezi ki Muzuk mangâ ki mang suma djok vuna mi. Wani azi tin nga humazi d’i. Ata yi máma ang hazi woi abo andjaf suma dingâ.

Isai 5:4

Vama ar ma an bei lum mi guguzlu mandina ni me ge? An tin hurun ala mba d’i vud’un ni vut ta djivid’a ba, ni kayam me ba, ti vud’un vut ta tchod’a zang nge?

Jeremi 11:7

Gagazi, an le glangâsâ mabuyogi ngolo, tinï ad’ud’a ni kur bur ma an ni buzuguzï woi kur ambas sa Ezipte-d’a dei gak ini. An nga ni mba á lazi glangâsâ ala: Agi humundi vunanu.

Jeremi 25:3

Tinï ad’ud’a kur biza d’a dogo yam hindi d’a Josiyas Amon goroma amul ma Juda-na nga mi tamulid’a dei gak ini, nda’î bizad’a dok mbà yam hindi, an ar nga bei ni dagi zla d’a Ma didina mi handji abonda d’i. Wani agi min humut ti.

Jeremi 25:4

Ma didina nga mi sunugï azungeî mam suma djok vuna kur bur ma lara ge pet, wani agi humugi nga d’i, agi tinigi nga humagi á humba d’uo mi.

Jeremi 29:19

Ma didina mi dala: An nga ni le hina kayam azi hum nga zla d’a an sunuzizï avun azungeî man suma djok vun suma an nga ni sunuzizi kur bur ma lara ge petnid’a d’i.

Jeremi 35:14

Azi ve gata habuzi Jonadap Rekap goroma mi he vuna kat mi groma ala a tche süm guguzlu d’uo d’a, azi nga tche d’uo gak ini. Azi ge ni yazi kä ad’u gata habuzid’a, wani an nga ni dagi zlad’a burâ ki burâ pî, agi nga humun ndi.

Jeremi 35:15

An nga ni sunugi azungeî man suma djok vuna pet, an nga ni sunugizi burâ ki burâ á dagi ala: Nge nge pî adigagi mi ar tit mam mba tchod’a, mi hulongîya. Agi aragi sun magi d’a tchod’a woyo, ar agi zlabagi tagi kalo ma dingâ á kud’urom mbi. Hina wani, agi mba kagagi kur andaga d’a an hagizi zlapa kabuyogi ngolod’a. Wani agi tinigi nga humagi á humba d’i, agi gagi nga yagi kä ad’un nduo mi.

Jeremi 44:4

An sunugï azungeî man suma djok vuna pet burâ ki burâ á dagi ala: Ar agi lagi ahle suma ndjendje suma an noyôzina d’i.

Jeremi 7:13

An Ma didina nga ni dagiya: Ki tchetchemba, agi lagi wa tcho d’a lara ge pet. An dagi zlad’a, wani agi humun nga d’i; an yagiya, wani agi hulongôn nga humba d’i.

Ezekiyel 2:3

Ma didina mi dan ala: Ang gor sana, an nga ni sunung gen Israel-lâ andjaf ma bei hum vuna ma kak djangûna ki sed’en d’igi abuyozi ngolo na na. Azi nga le tchod’a gak ini.

Wana ni mbaktumba hi Oze-d’a 11:7

Sum mana a so tazi á wal tazi woi ki sed’enu, a nga yazi ala a mbut irazi yam an ma sä akulo ma kal teglesâ pî, sama adigazi ma hle tam hina b’ene’â nga d’i.

Wana ni mbaktumba hi Oze-d’a 12:10

Wani an ni Ma didina Alo magina ei kur ambas sa Ezipte-d’a dei gak ini. An mba ni hulong ni kagagi kur zlub’ud’a d’igi a le kur bur ma vun til ma ngama na.

Amos 2:11

Bugola, an tchol ki suma djok vuna aduk grogina, an tchol ki suma dingâ aduk azungeî magina a tin tazi irazi vazi á le sun nda nazira. Agi Israel-lâ, an Ma didina nga ni djobogiya, nga hina d’uo zu?

Malatchi 3:7

Agi d’ezegi woi yam gat manda, agi ngomot nga d’uo d’igi abuyogi ngolo a ladjeu dei na mi. Le agi hulongôgi gevenu ni, an Ma didin ma ad’engên kal petna mba ni hulongî gevegiya. Agi nga dagi ala: Ami mba mi gevengî nana ge?

Wana ni Zla d’a Djivi d’a Luc mi b’irita 11:49

Kayam ndata, Alona kur ne mamba mi dala: An mba ni sunuzi man suma djok vuna azi ki suma a sunuzina. Suma a mba tchi suma adigaziya, a mba djop vun suma adigazi mi.

Gat ta a hat á mbàd’id’a 9:7

Moise mi de kua ala: Agi djib’eregiya, agi maragi yam zal la agi zalagi hur Ma didina Alo magina abagei hur fulâ adjeud’a d’i. Tinï ad’ud’a kur bur ma agi buzugugï woi Ezipte-na dei gak mba magid’a ini ata yima wanid’a, agi ni suma so vun Ma didina.