Jeremi 7:22 - Bible azumeina

²² Kayam an de nga zla kabuyogi ngolo d’oze ni hazi nga vuna yam he d’a hawa d’a ngala kahle suma ngat buzuna ata yima an buzuguzï woi kur ambas sa Ezipte-d’ina d’i.

Jeremi 7:22 Kruisverwysings

Sawal la giled’a 40:6

Ma didina Alo mana, sun mang nga nglo d’a kal tegles sa ang lat kamid’a ki nga hur mang ma ang ngam kamina a zul ablaud’a heî. Sama d’igi ang na na nga d’i! An min de woi kazi kua, an min tchi wala woi kaziya, wani azi kal ablaud’a heî, an ndak á vazi ad’uzi woi pet ti.

Jeremi 32:30

Ma didina mi dala: Israel-lâ ki suma Juda-na a tin ad’ud’a á le tchod’a avoron ni ki gugurei tazi dei, a zalan hurun ki sun nda a lat kabozid’a mi.

Wana ni mbaktumba hi Oze-d’a 6:6

Kayam an min ni d’engzenga, nga ni buzu ma ngata d’i; agi wan an Alona kal la agi han ahle suma ngat buzu suma ngalid’a.

Matiye 9:13

Wani agi igiya, agi i had’agi ad’u zla d’a a b’irit kur mbaktumba hAlonid’a ala: Alona mi dala: An min ni we hohowa suma, nga ni buzu ma ngata d’uo d’a, kayam an mba ná yi suma d’ingêrâ d’i, wani ná yi suma tchona.

Marik 12:33

Djivid’a sana mi le kam ki hurum pet ki djib’er mamba pet kad’eng mamba pet mi. Mi le yam ndrama d’igi mam tamba na mi, wani kal ahle suma ngat buzu suma ngala kahle suma ngat buzu suma a nga hazi mAlonina pet mi.

Gat ta a hat á mbàd’id’a 17:3

á kud’or alo ma tetengâ á grif kä avoromu, avok afata, d’oze avok tilâ, d’oze avok ahle suma lara ge suma sä kur akulod’a suma an hagi nga vuna kazi d’uo na kla ni,

1 Samuel 15:22

Samuel mi dum ala: Na ni Ma didina tam mbi lum djivid’a yam he d’a hawa d’a ngala ki vama ngat buzuna kal ge yam mba kä ad’u zla mambid’a zu? Nga na d’i! Wani ge yam mba kä d’a kal ahle suma ngat buzuna; hum vun Alona kal ahok suma mbul suma a ngad’amzina.