Jeremi 7:20 - Bible azumeina

²⁰ Kayam ndata, Salad’a Ma didina mi dala: Gola! An tchol kayîna ki hur ma zala yam yima wana, yam suma, yam d’uwarâ, yam agu ma abageina, yam ahle suma a nga vut yam andagad’ina mi. Ayî mana mba mi ngalazi woi d’igi akud’a na bei mit tei ba.

Jeremi 7:20 Kruisverwysings

2 Amuleina 22:17

Kayam azi aran ndei a ngal dubang ma his djivid’ina malo ma dingâ á zalan hurun ki sun nda lara ge d’a azi lat kabozid’a. Kayam ndata, hurun zal ngola yam yima wana, hurun nga mi vat tei d’i.

Isai 10:17

B’od’a hi Israel-lîd’a mba d’i mbut ni d’igi akud’a na, mazi Ma tin tam irat vat kazina mba mi mbut ni d’igi sin akud’a na, mba mi ngal awei mazid’a ki kekerezeu mazina woi kur bur ma tuna.

Isai 42:25

Kayam ndata, mi mba kayî mam ma bibiliuna kaziya, mi mba kayî ma dur ma tchona kazi mi. Nga mi ngalazi ata yima lara ge pet, wani azi min nga á we va tu d’i. Mi nga mi ngalaziya, wani a nga tin humazi kam mbi.

Isai 66:24

Ata yima suma a mba buzuk abuna, a mba we mad’a suma a kak djangûna ki sed’ena tchuka kä. Ndjuvul ma atazina nga mi bo d’i, aku mazid’a nga d’i mit tei d’uo mi, a mba mbut ni vama ndjendjed’a ir suma pet mi.

Jeremi 11:16

Ma didina mi yagi ala Agu olif ma b’o ma vud’um djif heîna, wani aduk siwel la ngola, mi do akud’a ata humamu, abom mba mi kus seyo.

Jeremi 12:4

Ambasa mba d’i so woi hina gagak mindja ge? Asu ma abageina mba mi so woi hina gagak mindja ge? Ni yam tchilad’a hi suma kurutnid’a ba, azureina kambureina kaluweina a nga dap pei wana, kayam suma a nga dala: Mam nga mi wahle suma ei nga leizina d’i.

Jeremi 14:16

Suma azi nga djogozi vunina a mba bo kä ir palum mba Jerusalem-mba abo meid’a kayî ma durâ. Sum ndazina kamiyôzina ki grozi suma andjofâ ki grozi suma aropma a mba fe sama tozozina d’i. An mba ni hulongôzi asa’at ta azi lata kaziya.

Jeremi 17:27

Wani le agi humun nga d’uo, le agi tinigi nga bur ma sabatna iram vam mbuo, le agi yogi ahlena kagi á kalagi ki vun agrek ma Jerusalem-ma ni, ata yi máma an mba ni do akud’a atazi ma ngolâ, mba mi ngal azì ma nglo ma djif ma Jerusalem-ma woyo, ti mba d’i mit tei d’i.

Jeremi 17:4

Agi tagi mba aragi djo ma an hagizina woi kabogiya, an mba ni mbud’ugi magumeina hi magi suma djangûna kur ambas sa agi wat nga yagi tu d’uo d’a, kayam agi fogi ayî mana akulo, mba mi ngal burâ ki burâ mi.

Jeremi 18:23

Wani Ma didina, ang we ndjak vun mazi ma a ndjagam kan á tchana pet. Ar ang vat hurung ngei yam tchila mazid’a d’i, ar ang has tcho mazid’a woi avorong ngi. Ar azi puka avorongû, ar hurung zal kaziya.

Jeremi 21:12

Agi suma hi David-na, Ma didina mi dala: Agi kagi sariya d’a d’ingêra yorogo, agi prud’ugi suma a b’ad’azi ahligiyezina woi abo suma a nga b’ad’azi ahligiyezi kad’engina. Le d’uo ni, ayî mana mba mi fo d’igi akud’a na, mba mi ngal ahlena woi pet bei sana ndak á tchum mbei ba, kayam sun magi d’a asa’at ta agi lata.

Jeremi 42:18

Kayam Ma didin ma ad’engêm kal petna, Alona hi Israel-lîna, mi dala: D’igi an ni wet ayî mana ki hur man ma zal ma gugulu’â woi yam suma a nga kaka avo Jerusalem adjeuna na, le agi igi Ezipte ni, an mba ni wed’em mbei kagi na mi. Agi mba mbud’ugi ni vama ge vuna, vama atchapma, vama a golom isâ ki vama ngula. Agi mba wagi yima kä wana ki iragi d’uo d’a.

Jeremi 44:6

Ayî mana ki hur man ma zal ma gugulu’â a wet teyo, a ngal azì ma nglo ma Juda-na ki ir palum mba Jerusalem-mba suma a mbut ini ni djona ki fula d’igi a nga wazi ini na na.

Jeremi 6:11

Kayam ndata, an oî kayîna hi ang Ma didinina, an ndak á vum kä d’uo mi. Ma didina mi dala: Ang vomza woi yam gugureina ir palumba, yam toka hi gro azungeînid’a, kayam mandjufâ kamamba a mba yozi zlapa ki mamarâ ki mamar ma kikrana mi.

Jeremi 6:12

Fata an ni mat abon á ngop suma a nga kaka kur ambasina, aziyazi kasinezi kamiyôzina a mba arî mi suma dingâ.

Jeremi 8:13

Ma didina mi dala: An min dabazi woyo. A mba fe vuta ata guguzlud’a d’uo d’a, a mba fe vuta ata tuluma d’uo d’a, humazi mba d’i yak keyo. Ahle suma an hazizina a mba dap pei abozi mi.

Hor ma tchina 4:11

Ma didina mi ndak wa vun ayî mama, mi vo wa ayî mama woi da’, mi do akud’a ata Siyon, ti ngalat kä woi kad’ut ta ged’a pet.

Ezekiyel 22:22

D’igi kawei ma hapma mi yor rei aduk akud’a na, agi mba yorogi woi kurut na mi, agi mba wagi ala an Ma didina ba ni zal hurun kagiya.

Ezekiyel 7:12

Yina nga mi djïya, bur ma ka sariyad’a mi mba go! Ar sama mi gus ahlena mi le furîd’a d’i, ar sama mi gus ahlena woina tam mbi tchuk susub’ok kuo mi, kayam ayî mana mba mi wet tei yam ablaud’a hi sumid’a pet.

Ezekiyel 7:14

A nga bu adifa. Suma pet a min taziya, wani sama mi i á durîna nga d’i, kayam ayî mana mi wet tei yam ablaud’a hi sumid’a pet.

Daniel 9:11

Israel-lâ ki zla tazi pet a tchila yam gat manga, a noî á humung delengû. Ni yam bei hum vun mamina ba, vun ma ge ma a b’irim zlam kur gata hazong mangâ Moise-sa, mi ndja abom mbei kami wana.

Sunda hi suma hi Levi-nid’a 26:28

an mba ni tchol ad’enga ki sed’egi ngingring mi, an mba ni ngobogi ngo-ngop yan kid’iziya yam tcho magid’a.

Nahum 1:6

Ni nge ba, mba mi tchol avorom ata yima hurum zalâ ge? Ni nge ba, mba mi tchol avok ayî mam ma bibiliuna ge? Hur mam ma zala nga mi ngal d’igi akud’a na, nga mi to ahuniyôna woyo.

Sofoni 1:2

Ma didina mi dala: An mba ni b’lak ahle suma yam andagad’ina woi pet.

Sofoni 1:3

An mba ni b’lak suma woi ki d’uwarâ kahle suma abageina kaluweina ki kulufâ woyo, an mba ni b’lak suma asa’atna ki sun mazi d’a b’lak suma woyo, an mba ni ar sa yam andaga tu d’i.

Zakari 7:12

Azi b’al huruzi ad’enga d’igi kaweina na, azi min nga á tit yam gata hi an Ma didin ma ad’engên kal petna d’a an djogozizi kur Muzuk mana avun suma djok vuna adjeud’a d’i. Ata yi máma an hurun zal ngola,

Matiye 3:12

Mam nga kangot mam ma sira abomu, mba mi sir awu mama woi yuyung, mba mi togom kur avir mama, wani mba mi ngal brad’a woi kaku d’a bei mit tei ba d’a.

Vama ndum mbeina 14:10

mam tamba mba mi tche süm ma ala nayîna hAlona ma mam vom kur kop mam ma ayînina. Suma pet suma a le hina na, a mba fe ndaka aduk aku d’a sufred’a avok malaikana hAlonina, avok Gor timina mi.