Jeremi 7:12 - Bible azumeina

¹² Kayam ndata, agi igi ata yima a tinim iram vam ma avo Silo ma an tin simiyên kua adjeuna, agi gologiziya. Ni nana ba, an b’lagam mbei ge? Ni yam asa’ata hi man suma Israel-lîd’a.

Jeremi 7:12 Kruisverwysings

1 Amuleina 9:7

an mba ni digigi agi Israel-lâ woi kur ambas sa an hagizid’a, an mba ni ge gong nga an tinit irat vat á kud’uron kuad’a woi dei ki sed’en mi. Ata yi máma Israel-lâ a mba mbut ni vama sanda ki vama lasa aduk suma pet mi.

Jeremi 26:6

an mba ni b’lak gong ndata woi d’igi an b’lak Silo na, an mba ni mbut azì ma ngol máma vama ge vuna mandjaf suma yam andagad’ina pet mi.

Jeremi 7:14

Kayam ndata, an mba ni le ki gong nga agi nga tchenen kua d’a agi tinigi hurugi kat ta an hat mi agi kabuyogi ngolod’a d’igi an le ki Silo na mi.

Gat ta a hat á mbàd’id’a 12:11

Nata yima Ma didina Alo magina mba mi manam á tin simiyêm á kak kua máma ba, agi mba igi kahlena pet suma an hagi vuna kazina, nala, he d’a hawa magi d’a ngala, he d’a hawa magi d’a ngat buzuna, dim magi ma agi huma, vun ahle suma agi hazina, ki he d’a hawa d’a agi manat á hlagi vunagi kat mi Ma didinid’a mi.

Gat ta a hat á mbàd’id’a 12:5

Wani agi i kud’uromî ata yima mam mba mi manam aduk andjavagi á tin simiyêm á kak kuana hol.

Josue 18:1

Kid’a Israel-lâ a hlambasa dad’a, a tok tazi avo Silo, a ve zlub’u d’a ngaf tad’a kua kolâ.

Josue 18:10

Josue mi le togina kazi avo Silo avok Ma didina, mi b’rau ambasa aduk Israel-lâ, nge nge pî mi fe b’rau mamba.

Suma ka sariyad’a 18:31

Azi tin agu ma tchet ma Mika mi luma mi azi kur atchogoi d’a lara pet ta gonga hAlonid’a ti nga avo Silo-d’a.

1 Samuel 1:3

Bizad’a ki bizad’a Elkana nga mi tchol avo Rama á i avo Silo á kud’or Ma didin ma ad’engêm kal petna, á hum ahle suma ngat buzuna mi. Wani Eli ma ngolâ hi suma ngat buzuna mAlonina groma nga mbà; ma hina a yum ala Hofni, ma mbàna a yum ala Fines mi. Azi ni suma ngat buzuna hi Ma didinina avo Silo.

1 Samuel 4:22

Ti dala: Subura wal ki Israel-lâ, kayam Filistê-na a hle wa zandu’â hAlonina.