Jeremi 6:8 - Bible azumeina

⁸ Ndak Jerusalem, ndak hum gat ta an nga ni daksid’a. Le d’uo ni, an mba ni wal lei ki sed’egu, an mba ni mbud’uk djona, an mba ni mbud’uk ambas sa sa mba mi kak kurut tuo d’a mi.

Jeremi 6:8 Kruisverwysings

Sawal la giled’a 2:10

Ki tchetchemba, agi amuleina, agi kagagi ki ned’a, agi suma nglo suma yam andagad’ina, agi humugi gata.

Sawal la giled’a 94:12

Ma didina, sama ang nga ngobom ma ang nga had’am gat mangîna, mi le furîd’a.

Zla d’a d’ogolâ 19:20

Ang hum d’alâ, ang ve hata, kayam ang mba mbut sama ned’a kuru.

Zla d’a d’ogolâ 4:13

Ang ve hat manda, ang tchuk abong ngei atat ti; ang ngomod’u, kayam ndat nari manga.

Jeremi 17:23

Wani azi humun nga d’i, a tin nga humazi á humun ndi, a tos humazi woi á humunu, a hum nga gat manda d’uo mi.

Jeremi 2:15

A nga tozi breîd’a d’igi gro azlona mi to breîd’a na, a b’lagazi ambas mazi d’a woyo, a mbud’uzi mandarâ, a b’lagazi azì mazi ma nglona woyo, sama kak kua nga d’uo mi.

Jeremi 31:19

Gagazi, ata yima ami hang huyogomina, ami mbud’umi hurumiya. Ang tagami tcho mamid’a. Ki tchetchemba, ami nga tchami abomi kurumiya, ami mbud’umi zulona, ami tchugumi susub’ok yam tcho d’a ami lat kazungeî tamid’a.

Jeremi 32:33

Wani a ar zla d’a a mbut irazi iranda ta, a han ni huyogoziya. A nga had’azi ki yorogo dei wan pî, a nga hum hat ndata d’i.

Jeremi 4:14

Ma didina mi hulong dazi ala: Ndak Jerusalem, ndak le min á sut tak keyo ni, ndak mbus huruk ma tchona woyo. Ndak mba kak kur djib’er mak ka tcho ndata hina gagak mindja ge?

Jeremi 7:20

Kayam ndata, Salad’a Ma didina mi dala: Gola! An tchol kayîna ki hur ma zala yam yima wana, yam suma, yam d’uwarâ, yam agu ma abageina, yam ahle suma a nga vut yam andagad’ina mi. Ayî mana mba mi ngalazi woi d’igi akud’a na bei mit tei ba.

Jeremi 7:28

Bugola, ang dazi ala: Agi nandjaf ma bei hum vun Ma didina Alo magina. Agi ni suma min hum ngopa d’uo na, agi aragi d’engzenga woyo, agi tuvot tei mi.

Jeremi 7:34

An mba ni seng vun suma kur azì ma nglo ma Juda-na ki vun suma ir palum mba Jerusalem-mbina. A mba hum del sawal la furîd’a d’oze sawal la hur ma hapma d’oze sawala hi gor azong ma vatchad’a awilina d’oze sawala hi gor wei d’a teleta d’uo mi, kayam ambasa mba d’i b’lak keyo.

Jeremi 9:11

Ma didina mi dala: An mba ni mbut Jerusalem djona, an mba ni mbud’ut domina hi hânina, an mba ni mbut azì ma nglo ma Juda-na hur ful ma sa nga mi kak kua d’uo na.

Ezekiyel 23:18

Ti ndäd’u gaulang matna woi abua, ti ar tat gandilad’a. Ni kayam ndata ba, an wal tan ndei ki sed’et d’igi an wal tan ndei ki wiyeta na mi.

Wana ni mbaktumba hi Oze-d’a 2:5

Le d’uo ni, an mba ni fogot baruna atat tei pet, an mba ni arat gandilad’a d’igi ndat ti vud’ï kä adjeu na, an mba ni mbud’ut andaga mata hur ful ma so ma gangrasâ, an mba ni tchat tei ki vun ma sod’a mi.

Wana ni mbaktumba hi Oze-d’a 9:12

Le azi nga wul grozina pî, an mba ni yozi woi avok bei a djeng suma. Fata an mba ni wal ki sed’ezid’a ni zla d’a hohoud’a kaziya.

Sunda hi suma hi Levi-nid’a 26:34

Ata yi máma ambasa mba d’i mbut awilid’a yam biza mat ta sabat ta tuk tad’a ata yima lara ma ndat mba d’i ar djonina, ata yima agi sä kur ambasa hi magi suma djangûnid’ina. Ata yi máma ambasa mba d’i tuk tad’u, ti mba d’i mbut awilid’a yam biza mat ta sabat ta tuk tad’a.

Sofoni 3:7

An dagi ala: Le agi landi mandaranu, le agi vagi ngop manda atagiya ni, an mba ni b’lagagi yi magi ma kaka woi d’i, an mba ni ar ngop pa an ngat kurun á ngobogi ki d’a woi pet mi. Wani agi b’ad’agi tagi á le sun nda ndjendje d’a ata yat tuo d’a.

Gat ta a hat á mbàd’id’a 32:29

Ladjï azi ni suma ned’a ni, a mba wäd’u ahle ndazina, a mba djib’er yam ahle suma a mba mba kazina.