Jeremi 6:6 - Bible azumeina

⁶ Kayam Ma didin ma ad’engêm kal petna mi dala: Agi kagi aguna kä woyo, agi mbugi andagad’a akulo ad’u Jerusalem. Nazì ma ngol ma ndak á ngopina, kurut ni djop vuna vam tu.

Jeremi 6:6 Kruisverwysings

Isai 37:33

Isai mi de kua ala: Alona mi dala: Wana ni vama an Ma didina nga ni dum yam amul ma Asiri-na: Mam mba mi kal ka hî kur azì ma ngol ma wana d’i, azigar mam tu pî mba mi yet yeûd’a kurum mbi, sa tu pî mba mi mba ki mbareid’a avorom mbi, sa tu pî mba mi mbu andagad’a akulo ad’um á dur ki sed’em mbuo mi.

Jeremi 20:8

Ata yima lara ma an de zlad’ina, an erï ad’un akulo mbeî ala: Murud’umba ki djop vuna a mba. Kayam ndata, zlad’a hi ang Ma didinid’a, ti mbut ni vama ngula ki vama sanda kan burâ pet.

Jeremi 22:17

Wani ang irang ki hurung tinda ni yam djivi manga á tchi suma bei zlad’a kazina, á b’at ahlena hi suma kad’enga mi.

Jeremi 32:24

Gola! A nga mbu andagad’a ad’u azì ma ngol ma wana á hlumu. A mba hazì ma ngol máma abo suma Babilon suma a nga durum ayînina. A nga hal á hlum kayî ma durâ ki baktarad’a ki tugud’ei d’a tcho d’a tchi matna mi. Zla d’a ang data ti ndak wa, ang nga golot ki irang mi.

Jeremi 32:31

Kayam azì ma ngol wana nga mi djiwin ayî mana ki hur man ma zala akulo, tinï ad’ud’a ni kid’a a minimba dei gak ini. Kayam ndata, an nga ni hlum mbei avoronu!

Jeremi 33:4

Ni hina ba, an Ma didina Alona hi Israel-lîna ni de yam gongîyo suma kur azì ma ngol ma wanina, yam azì ma amula hamulei suma Juda-na ma a nga tom kä woi kandaga d’a a mbut ad’umba kayî ma durîna.

Jeremi 39:1

Wana nahle suma a le ata yima a hle Jerusalem-ma: Kur biza d’a zlengâ d’a Sedekiyas amul ma Juda-na nga mi tamulid’a kur til ma zlengîna, Nebukanezar amul ma Babilon-na, mi mba ki azigar mama pet, a ngui Jerusalem.

Jeremi 5:29

Ma didina mi dala: An mba ni ngop yam ahle ndazina d’uo zu? An mba ni hlatchugula kandjaf ma hina na d’uo zu?

Jeremi 5:9

Ma didina mi de kua ala: An mba ni ngop yam ahle suma hina na d’uo zu? An mba ni sä atchugula kandjaf ma hina na d’uo zu?

Ezekiyel 4:2

Bugola, ang nguyum kä kayîna, ang lak azigarâ adesâ adesâ nguyum mbei d’uhl, ang mbu andagad’a ad’um akulo, ang ve kangâ, ang tin vama to gulumuna, ang nguyum mbei d’uhl mi.

Ezekiyel 5:5

Wana ni zla d’a an Salad’a Ma didina ni data: Wana ni zla d’a ngad’a yam Jerusalem azì ma ngol ma an tinim aduk andjaf suma d’ad’ar ma an nguyum mbei d’uhl kambasa handjaf ma dingîd’a.

Daniel 11:15

Amul ma abo ma norâ mba mi mba, mba mi mbu andagad’a akulo ad’u azì ma ngol ma ad’eng ma ngunguna, mba mi hlumu. Amul ma abo ma sutna ki grang mam suma durâ, hina pet pî, a mba tchol avorom mbi, a mba fad’enga á tchol avorom mbuo mi.

Sofoni 3:1

Ni zla d’a hohoud’a yam azì ma ngol ma suma kuruma a ni suma bei hum vuna, a ni suma ndjendje suma murud’umba mi na.

Wana ni Zla d’a Djivi d’a Luc mi b’irita 19:43

Kayam burâ nga mba kagiya, magi suma djangûna a mba nguyugi ki gulumuna, a mba hebegi abo yina pet.