Jeremi 6:10 - Bible azumeina

¹⁰ Jeremi mi dala: An de zlad’a ni mi nge ge? An le glangâsâ ni mi nge ba, mba mi humun nge? Gola! A duk humazi woyo, a ndak á hum mbi. Zlad’a hi ang Ma didinid’a ti mbut ni vama ngula ataziya, tazi nga d’i lazi djivi kat tuo mi.

Jeremi 6:10 Kruisverwysings

Sawal la giled’a 119:16

An nga ni le furîd’a yam gat manga, an nga ni mar yam zla manga d’i.

Sawal la giled’a 119:174

Ma didina, an nga ni le d’od’oka yam sut manga, tan nga d’i lan djivid’a yam gat manga mi.

Sawal la giled’a 119:24

Vun mang ma hed’a ni furî manda; ni mam ba, mi dan d’alâ.

Sawal la giled’a 119:35

Ang tinin á tit yam vun mang ma hed’a, kayam an hurun vumu.

Sawal la giled’a 119:70

Azi huruzi mi ni b’ala d’igi mbul ma b’ala na, wani an nga ni le furîd’a yam gat manga.

Sawal la giled’a 119:77

Ar ang wan hohowon ndala an kak ki iranu d’a; kayam tan nga d’i lan djivid’a yam gat manga.

Sawal la giled’a 40:8

Kayam ndata, an dala: An wana! An mba wa ki mbaktum mba d’ut ta a b’irit kanda.

Buzuk ka Abud’a 6:12

Moise mi hulong de mi Ma didina avunam ala: Le suma Israel-lâ a humun nga d’uo ni, ni nana ba, Faron mba mi humun an ma nga ni de zlad’a woi yed’et tuo na ge?

Isai 42:20

Ang wahlena ngola, wani ang djib’er nga kazi d’i; ang tin humang á humba, wani ang nga hum mbi.

Isai 53:1

Ni nge ba, mi he gagazid’a yam zla d’a ami tchat walata ge? Ni nge ba, Ma didina mi tagam ad’eng mamba ge?

Jeremi 35:13

An Ma didin ma ad’engên kal petna, Alona hi Israel-lîna, nga ni dangû, ang i de mi suma Juda-na ki suma a nga kaka avo Jerusalem-ma ala: Agi nga vagi hata d’uo, agi nga gagi yagi kä ad’u zla d’a an Ma didina ni data mi d’uo zu?

Jeremi 4:4

Agi suma Juda-na ki suma a nga kaka avo Jerusalem-ma, agi minigi tagi yam an Ma didina, agi minigi vunadigagi tala ayî mana mi fo d’igi aku d’a sana mi ndak á tchat tei d’uo d’a na yam asa’at magid’a d’a d’i.

Jeremi 5:21

Agi suma lilid’a, agi suma bei wad’ud’a, agi humugiya. Agi nga ki ira, wani agi nga wagi d’i; agi nga ki humba, wani agi nga humugi d’uo mi.

Jeremi 7:13

An Ma didina nga ni dagiya: Ki tchetchemba, agi lagi wa tcho d’a lara ge pet. An dagi zlad’a, wani agi humun nga d’i; an yagiya, wani agi hulongôn nga humba d’i.

Jeremi 7:26

Wani a humun nga d’i, a tin nga humazi á humba d’i, a le yam mba ad’enga, a le tchod’a kal abuyozi ngolo mi.

Jeremi 9:26

nala, suma Ezipte-na, suma Juda-na, suma Edom-ma, suma Amon-na, suma Mowap-ma, zlapa ki suma a nga kaka abagei hur fulâ suma a nga wel vun tumus sa dudumazid’a woina mi, kayam andjaf sum ndazina pet a ngad’azi nga bayâd’a d’i, andjaf Israel-lâ pet pî a ngad’azi ni bayâ d’a lop ir sumid’a.

Ezekiyel 3:7

Wani Israel-lâ a min humung ngi, kayam azi min humun nduo mi, kayam Israel-lâ pet ni suma yam mba ad’enga, ni suma huruzi b’ala kiki na.

Ezekiyel 33:3

Le ma ndjol máma mi we suma djangûna a nga djïya ni, mi bu adifa á ge suma humaziya,

Ezekiyel 33:9

Wani le ang ge hum ma asa’at máma á mbut hurum yam tit mamba ba, mi mbut nga hurum mbuo ni, mba mi mit kur sun mam mba ata yat tuo d’a, wani ang tang mba sut tangû.

Amos 7:10

Amasiya ma ngat buzu ma Betel-lâ, mi ge sunda mi de mi Jerobowam amul ma Israel-lâ ala: Amos mi ndjak vuna kang aduk Israel-lâ. Suma kur ambasa a ndak á ve tazi yam zla mam ndata pet ti.

Matiye 3:7

Wani kid’a Jean mi we Fariziyêna azi ki Sadusiyêna ablaud’a a nga mba gevem ala mi lazi batemba d’a, mi dazi ala: Agi gro mageid’a, sama kid’ezegi á ringîgi woi avok ayî ma nga mbana ni nge ge?

Wana ni Zla d’a Djivi d’a Luc mi b’irita 11:45

Ma hat gata tu mi dum ala: Ma hat suma, zla d’a ang dat wanda, ang ngulumi ni ami mi.

Wana ni Zla d’a Djivi d’a Luc mi b’irita 20:19

Ata yi máma, nglo suma ngat buzuna azi ki suma hat gata a hal á ve Jesus, kayam azi wala mi de zla d’a d’ogol ndata ni kaziya, wani azi le mandara suma.

Jean 7:7

Suma duniyad’a a ndak á noyôgi d’i, wani a noyônu, kayam an nga ni le glangâsâ kazi ala sun mazi d’a led’a ni tchod’a.

Jean 9:40

Fariziyê suma hiu suma a nga gevema, a hum zla ndata, a djobom ala: Ami ni duka mi zu?

Sunda hi suma a sunuzinid’a 7:51

Agi suma delegi ad’engina, agi suma b’alagi hurugi suma dugugi humagi woi á hum yid’a hAlonid’ina, agi nga zud’ugi Muzuk ma bei tchod’a ba na woi teteu, agi lagi ni d’igi abuyogi ngolo a le na mi.

Sunda hi suma a sunuzinid’a 7:60

Ata yi máma, mi grif kä, mi er ad’um akulo, mi dala: Salad’a, ang ndum tcho ndata kazi d’i. Kid’a mi de zla ndata dad’a, mi mid’a. Saul mi ndjak vunam ki sed’ezi yam tchid’a hi Etienne-nda mi.

Romê-na 7:22

An tan nga ni le furîd’a kurun krovo yam gata hAlonid’a.

Gat ta a hat á mbàd’id’a 29:4

Wani gak ini Ma didina mi hagi nga muzuk ma wäd’u ahle ndazina d’oze ira á wed’a d’oze humba á humba d’i.

Kolos-sâ 1:28

Ni Christ ma ami nga tchum walam mbei mi suma petna. Ami nga gad’ami suma, ami nga had’ami suma pet ki ned’a pet mi, kayam ami tagazi woi avok Alona suma djengâ zlapa tu ki Christ.

2 Timote 4:3

Kayam yina mba mi mba, suma a mba hum hat ta gagazid’a d’i, wani tazi mba lazi zlezleû á hum zla d’a azi min á humuta. Kur d’od’ok mazid’a azi mba yi suma hat suma ablaud’a yam taziya.

Hebre-na 11:7

Ni yam he gagazid’a ba, Noe mi hum zla d’a Alona mi dum yam vama suma a wum nga d’uo tua na. Noe mi ge yam kä avok Alona, mi min batod’a á sut suma avo hatama. Ni hina ba, mi ka sariya d’a matna yam suma yam andagad’ina. Alona mi mbud’um sama d’ingêrâ yam he gagazi mamba.