Jeremi 52:6 - Bible azumeina

⁶ Kur til ma fid’ina kur bur ma zlengîna hi til mámina, baktara d’a ngola ti nde yam suma kur azì ma ngolîna. Suma kur ambasina a nga fe vama te d’i.

Jeremi 52:6 Kruisverwysings

2 Amuleina 25:3

Bur ma zlengîna hi til ma fid’ina, baktara d’a ngola ti nde yam suma hur azinina, a nga fe vama te d’i.

Isai 3:1

Gola! Salad’a Ma didin ma ad’engêm kal petna, nga mi hlad’eng nga Jerusalem-mba ki d’a Juda-d’a woyo, nga mi hlad’eng nga azi fe ki tenid’a, d’oze d’a azi fe ki mbinid’a woi mi.

Jeremi 15:2

Le a djobong ala: Ami imi ni lara ge ni, ang hulong dazi ala: Gola! Ma didina mi dala: Nge nge pî mi nga ki vama a ngamzi kama: Suma a ngazi tugud’ei d’a tchi matna kazina, ti mba d’i tchaziya; suma a ngazi ayî ma durâ kazina, a mba tchazi avun ayî ma durâ; suma a ngazi baktarad’a kazina, mba d’i tchaziya; suma a ngazi magomba kazina, a mba yozi magomba mi.

Jeremi 19:9

An mba ni tinizi á mut grozi suma andjofâ ki grozi suma aropma. Nge nge pî mba mi mut ndrama abo ndak ka mazi suma djangûna ki suma a halazi á tchid’ina a mba lazizi kur bur ma a mba nguyuzi kä na.

Jeremi 21:9

Sama lara ma mi ar kaka kur azì ma ngol ma wanina, a mba tchum avun ayîna ki baktarad’a ki tugud’ei d’a tcho d’a tchi matna. Wani sama mi nde woi mi i gen suma Babilon suma a nguyugi kä na, mba mi sut tam d’igi sama a vumï hurumba avun ayînina na.

Jeremi 25:10

An mba ni tchi sawal la aîd’a, sawal la furîd’a, sawala hi gor azong ma tel atchad’a awilina, sawala hi gor wei d’a a telet awilid’a, tchina hahina d’a lutna ki b’od’a hi lalamba woi pet adigaziya.

Jeremi 37:21

Amulâ Sedekiyas mi he vuna ala a ngom Jeremi kur gulumuna hi suma ngom yinina, ar a hum avungôna hi suma le avungôna ir palumbina gak avungô ma kur azì ma ngolîna mi dap tua. Ni hina ba, Jeremi mi ar kaka kur gulumuna hi suma ngom yinina.

Jeremi 38:9

Salana amul mana, sum ndazina a le ni sun nda tchod’a ki ma djok vun Alona Jeremi kayam a gum kur golonga. Mam mba mi mit kua, kayam avungô nga kur azì ma ngolâ d’uo d’a!

Jeremi 39:2

Kur biza d’a dogo yam tu d’a Sedekiyas nga mi tamulid’a kur bur ma zlengîna hi til ma fid’inina, azigar suma Babilon-na a tcho ir gulumuna hazì ma ngolîna.

Hor ma tchina 1:11

Sum matna a nga zam taziya, a nga hal tena, a hahle mazi suma djivi suma azi nga ki na woi yam tena á ndjun ari mazid’a. Ma didina, ang gola! An mbut wa hohoud’a.

Hor ma tchina 5:10

Babagami nga d’i ngalami d’igi akud’a na abo huwaka hi mei d’a nga d’i tchamid’a.

Ezekiyel 14:13

Ang gor sana, le suma kur ambasa a le tchod’a avoronu, le a he tazi á le sun nda batranga, le an zi abon kazi akulo, le an yo te mazina woyo, le an sun baktarad’a kaziya, le an tchi suma woi ki d’uwarâ adigaziya,

Ezekiyel 14:21

Salad’a Ma didina mi de kua ala: Ladjï an sunï ngop man nda fid’id’a, nala, ayî ma durâ ki baktarad’a kamburei suma ayîna ki tugud’ei d’a tcho d’a tchi matna á ngop Jerusalem, á tchi suma woi ki d’uwarâ ni,

Ezekiyel 31:1

Kur biza d’a dogo yam tud’a bugol la a yomi magombid’a, kur bur ma tuna hi til ma hindinina, Ma didina mi dan ala:

Ezekiyel 5:16

An mba ni lagi ndaka ki baktarad’a á dabagi woyo. Mba d’i tagi tagi ni d’igi yeû d’a zala na. An mba ni yogi te ma agi ngomoma woyo, an mba ni ar meid’a ti tchagiya.

Ezekiyel 7:15

Ayîna nga mi dur rei abua, tugud’ei d’a tcho d’a tchi matna ki baktarad’a a nga krovo mi. Sama sä woi abagei kelâ, a mba tchumza avun ayîna; sama nga kä hur azì ma ngolîna, baktarad’a ki tugud’eid’a a mba tchum mi.

Sunda hi suma hi Levi-nid’a 26:26

Ata yima an mba ni d’el avungô maginina, aropma dogo a mba gavungôna kur für ma tuna, a mba ngagizi ni ngä; agi mba tumu, wani mba mi hobogi d’i.

Zakari 8:19

An nga ni dagiya: D’el ta d’a agi d’elegi tagi bei te tena kur til ma fid’ina kur til ma vahlâ, kur til ma kid’iziyana ki ma dogonid’a, ti mba d’i mbut ni bur ma furîd’a ki bur ma aîd’a yam suma Juda-na. Wani agi halagi ni gagazid’a ki b’leng nga halasa.

Gat ta a hat á mbàd’id’a 32:24

Azi mba it abo meid’a, tazi mba d’i kumuruziya, tugud’ei d’a tchod’a mba d’i mba kaziya; an mba ni sunï amburei suma ayîna ki guguyo suma ayîna atazi mi.