Jeremi 52:24 - Bible azumeina

²⁴ Ma ngolâ hi suma a ngom yinina mi ve ma ngol ma ngat buzuna Seraya ki Sofoni ma kam á mbàd’ina ki suma hindi suma a ngom vun gong nga kud’ora hi Ma didinid’ina mi.

Jeremi 52:24 Kruisverwysings

2 Amuleina 23:4

Bugola, amulâ mi he vuna mi ma ngol ma ngat buzuna Hilkiya ki suma avunama ki suma ngat buzu suma a nga ngom vun gong nga kud’ora hi Ma didinid’ina ala a yo ahle suma kur gonga hi Ma didinid’a suma a nga le ki sunda mi Bäl ki Asera kahle suma akulona woi pet. A i ngalazi sä woi bugol azì ma Jerusalem-ma avun toliyon nda Kedron-nda, a yo butna, a im sä woi Betel.

2 Amuleina 25:18

Ma ngolâ hi suma a ngom yinina mi ve Seraya ma ngol ma ngat buzuna ki Sofoni ma kam á mbàd’ina ki suma hindi suma a ngom vun gong nga kud’ora hi Ma didinid’ina mi.

1 Sunda Hamuleinid’a 6:14

Azariya mi vut Seraya, Seraya mi vut Jehosadak.

Esdras 7:1

Bugol ahle ndazina, kid’a Artazerses amul ma Perse-na nga mi tamulid’a, Esdras mi tcholï Babilon, mi mba. Mam mi Seraya goroma. Azariya, Hilkiya,

Sawal la giled’a 84:10

Alo mamina, angî mbarei mamid’a; ang we, ang gol ir ma ang manama.

Jeremi 20:4

Kayam Ma didina mi dala: Gola! An mba ni mbud’ung ang tanga mandarâ ki buniyôngâ pet mi. Mazi suma djangûna a mba tchazi avun ayîna, ang mba wazi ki irangû. An mba ni he suma Juda-na pet abo amul ma Babilon-na. Mba mi yozi magomba, mba mi i ki sed’ezi Babilon, mba mi tchazi ki mbigeu d’a fiyaka mi.

Jeremi 21:1

Ata yima Sedekiyas mi sun Pasehur Malkiya goroma ki Sofoni Mäseya gorom ma ngat buzuna gen Jeremi-na, mi dazi ala: Agi i dum ala: Ang djop Ma didina kamiya, kayam Nebukanezar amul ma Babilon-na nga mi durumi ayîna. Dam Ma didina mba mi dur kamiya, mba mi lahle suma simat suma atchapma teteng tala Nebukanezar mi arami bei durâ d’a kla. Ma didina mi de mi Jeremi ala: Ang dazi zla d’a an dangzi wanda.

Jeremi 29:29

Ma ngat buzuna Sofoni mi ndum mbaktum ndata avok ma djok vun Alona Jeremi.

Jeremi 34:21

An mba ni he Sedekiyas amul ma Juda-na ki mam suma nglona abo mazi suma djangûna, abo suma a halazi á tchid’ina, abo azigar suma hamul ma Babilon-na suma a wal tazi woi dei ki sed’egina.

Jeremi 35:4

An i ki sed’ezi kur gong nga kud’ora hi Ma didinid’a kur hurut ma hi Hanan groma Jikdaliya goroma sana hAlonina go ki gonga hi suma nglona akulo yam hur gonga hi Mäseya Salum goroma ma ngom vun gongina.

Jeremi 37:3

Amulâ Sedekiyas mi sun Jukal Selemiya goroma ki Sofoni ma ngat buzuna Mäseya goroma gen ma djok vun Alona Jeremi á dum ala: Ang tchen Ma didina Alo meina kamiya.

Jeremi 52:12

Kur biza d’a dogo yam zlengâ d’a Nebukanezar amul ma Babilon-na nga mi tamulid’a, kur til ma vahlâ kur bur ma dogona hi til mámina, Nebuzaradan ma ngolâ hi suma a ngom yina ma kur sunda hamul ma Babilon-nina, mi mba mi kal avo Jerusalem.

Jeremi 52:15

Ata yi máma Nebuzaradan ma ngolâ hi suma a ngom yinina, mi yo suma kid’ak suma a ar kur azì ma ngolina ki suma a i ad’u amul ma Babilon-nina zlapa ki suma d’al suma a arâ mi.

Hor ma tchina 4:16

Ma didina tamba mi ndjoyôzi woi vivreng, mi min wazi d’uo d’a. Sa nga mi he ngola mi suma ngat buzuna d’oze sa nga mi we hohowa momorogeina d’uo mi.

Ezekiyel 11:7

Ni kayam ndata ba, an Salad’a Ma didina nga ni dagiya: Mat ma agi samam kä hur azinina ni hliuna, azì ma ngolâ ni deina mi. Wani agiya, an mba ni buzugugï woi kur azì máma.

Ezekiyel 24:5

Agi yogi hliu ma djivina hi tumiyônina, agi vagi akud’a ad’u deina, agi yumu, agi yum mbei tetet, aragi aso’â mi yi mi.

Ezekiyel 34:10

An Salad’a Ma didina ni dala: Gola! An nga ki zlad’a ki suma pola, an mba ni yo tumiyô mana woi aboziya, an mba ni arazi á pol tumiyô mana tala azi polî tazi gogod’a d’uo d’a, an mba ni prut tumiyô mana woi avunaziya, azi mba mbut ni va mazi ma ved’a d’uo d’a.