Jeremi 52:17 - Bible azumeina

¹⁷ Suma Babilon-na a kus kawei ma murguli ma mbà ma hleu ma kur gong nga kud’ora hi Ma didinid’ina ki kawei ma hleu ma ad’um kä na ki hal ma ngol ma kawei ma hleuna suma a nga kur gong ndatina woyo, a i ki sed’ezi Babilon pet.

Jeremi 52:17 Kruisverwysings

1 Amuleina 7:50

Yima mbus abona teteng nga mangas sa a min ki lalambid’a, tazana, kopma ki yima a ngal ahlena kuana, mi lazi ni ki lora bei zozota ba d’a; Kawei ma a nik bapma kuana mi lumî ki lora, mi ni yam vun gong nga krovo d’a a kal ki ata yima a tinim iram vam ma kal teglesîna, mi ni yam vun gong nga a kal ki klavi kur gong nga kud’orid’a mi.

2 Amuleina 20:17

Mi dala: Bur tu ahle suma a nga kur aziyang ma amulina pet kahlena pet suma abuyong ngolo a togozi gak inina, a mba yozi izi Babilon pepet. Va mba ar ka hî d’i.

2 Sunda Hamuleinid’a 36:18

Nebukanezar mi yo ahle suma sun suma kur gong nga kud’ora hi Ma didinid’a suma nglona ki suma gureina zlapa kahle suma ndjondjoî suma kur gonga hi Ma didinid’ina ki suma hamulîna ki suma hi mam suma sundina pet mi, mi i ki sed’ezi avo Babilon.

Jeremi 52:20

Kawei ma murgulina mbà ki hal ma ngolâ tu kamuzlei suma dogo yam mbà suma kä ad’u halâ suma amulâ Salomon mi lazi adjeu ki kawei ma hleuna mi tinizi kur gong nga kud’ora hi Ma didinid’ina, sana mi ndak á ngazi anek mazid’a d’i.

Hor ma tchina 1:10

Ma kus katna mi mat abom mi yo ahle suma djivi suma kal tegles suma ndat nga ki na pet. Ti we andjaf suma ang d’elezi á kal aduk tok mangina, a kal kur gong mat ta a tinit irat vata mi.

Ezekiyel 40:49

Hur gong nga avun yima kalid’a fiyagat ni metred’a dogo, bubuwat ni metred’a karagaya. Sana mi djak akulo á kal kua ni ki yima a tinim ndjendjek dogona. Agu ma murgulina mbà mi nga kua, tu abo hî, tu abo hî mi.

Daniel 1:2

Salad’a mi he Jojakim abo Nebukanezar, mi bongôm lovota á yo ahle suma a nga kur gong nga kud’ora hAlonid’ina nde. Mi yo suma dingâ magomba, mi izi kur ambas sa Babilon-nda, mi tchuk ahle suma mi yozï hurumbina kur gong nga ngom ahlena kur gong nga kud’ora halo mamid’a.